مبروك الأصلاح وربنا يباركلك فى عربيتك ودائما نسمع عن حضرتك كل خير وتحيه لحضرتك وتحيه لكل أهل أسوان
عرض للطباعة
مبروك الأصلاح وربنا يباركلك فى عربيتك ودائما نسمع عن حضرتك كل خير وتحيه لحضرتك وتحيه لكل أهل أسوان
الاخ يوسف اهلا بيك معانا
حضرتك انا اتصلت بالمهندس وائل النهاردة .. وكان معاه ابن اخو حضرتك معاه .. والاتنين حكولى الموضوع
وقالى نجلك فى التليفون انه بعد ما صلح الاعطال القديمة .. فى حاجات ركبها بره التوكيل اثناء رحلته الى اسكندرية والعين السخنة زى الصب والجى ام وسرينة على ما اتذكر وتقريبا زينون عند محل مشهور فى اسكندرية فهنا حضرتك مذكرتش كافة الحقائق !
وهو ده مربط الفرس .. تركيب حاجة عند كهربائى خارج التوكيل ممكن يعمل مشكلة فى كهربة العربية
وحضرتك مذكرتش النقطة دى .. وقولت ان العربية كانت كمان خارجة زى الفل من التوكيل .. وحضرتك مش ذكرت اى حاجة عن الموضوع ده .. ووضحت ان دمك محروق .. واكيد قلبنا معاك .. بس كان لازم تذكر نقطة ان فى حاجات اتركبت فى الخارج
غير ان من قواعد المنتدى بتقول ان مخالف انك تدخل فى كل موضوع وتحط نفس التوبك فى القسم .. لان حضرتك فتحت بيه موضوع .. وكل موضوع مفتوح فى القسم له هدف .. مينفعش مثلا واحد فاتح موضوع بيسال على كاوتش فى موضوع وادخل احط مشاركة فيه مشكلة عن المكيانيكا فيه .. والكلام اللى بقوله من ضمن قوانين وقواعد المنتدى اللى حضرتك وافقت على شروطه اثناء انضمامك له .. وممكن تحط التوبك بتاعك لو اتاذيت على حق فعلا من السبع فى اى موضوع متعلق بالسبع
نرجع لموضوع تركيب اى شى خارج التوكيل فى امور الكهرباء
حضرتك الكهربائى اللى ركب الحاجة لعب فى الكهرباء الارضى وحصل قفلة فى العربية .. والحمد لله ان القفلة دى محرقتش كنترول العربية .. والعربيات الحديثة كل كنترول وله اى سى ومتوصلين بالضفيرة واى توصيلة خطاء ممكن تحرق الدنيا والعملية مش زى زمان فى العربيات القديمة وسهل انك تركب حاجة فيها
ولو عايز تركب حاجة فى عربية حديثة يبقا عند كهربائى له سمعة ومعروف وفاهم شغله او فى التوكيل
وطبعا اللى عمله الكهربائى اثر على الموبينة .. لانها واخدة 3 سلوك واحد كهرباء وواحد ارضى وواحد من الكنترول
وانا يهمنى قبل الشكر فى اى مركز خدمة .. والاعضاء القدامى واللى يشهدوا بنزاهة المكان ونزاهة اعضاء اللى بيحبوا المكان وبيهتموا بمصلحة اعضائه .. هو اننا يهمنا مصلحة العميل وحل مشكلته والاستفادة من المشاكل
ولو حضرتك متابعنا من زمان ودورت فى موضوعات القسم ومشاكل الاعضاء ومقابلاتنا ومواقفنا الانسانية والخدمية مع الاعضاء حتتاكد من الكلام ده واننا قلبا وقالبا معاك ومع مشكلتك ..
وكان مفروض ان حضرتك تحكلنا الموضوع وتفاصيله عشان الناس تفهم ايه اللى حصل معاك بالظبط
والى الان حضرتك موضحتش اى شى .. وانا اللى بوضح .. من خلال متابعتى تليفونيا مع السبع والمهندسين هناك ومع نجل حضرتك لما كلمته وسمعت منه فى التليفون .. ومفروض حضرتك توضح وتحكى الحكاية عشان محدش يفهم اننا بننحاز لحد .. وتقولى كلامى واللى حصل فى سياراتكم خارج التوكيل صح ولالا
والموضوع بسيط ومفيش اى مشكلة الحمد لله انها اتحلت على خير
وتحياتى ليك ولكل الاعضاء
احمد مصطفى
منسق القسم
السلام عليكم ورحمه الله
اهلا با اهل اسوان وطبعا على كل السامعيين والعارفيين
احسن ناس واطيب ناس هما اهل اسوان
يااستاذ يوسف اعتقد ان مش من المفروض على السيد احمد انه يعمل كل الى عمله ده
وانه يتابع الموضوع ويكلم ابن حضرتك وهو ليس له ادنى مصلحه غير حل المشكله فقط لا غير
فمن المفترض اننا هنا اسره واحده بعيده عن تقليل مجهود فرد من افراد اسره القسم
فى النهايه
-مفيش بقى شويه ملوحه كده من اسوان ولا شويه سودانى اسوانى انا جايلكو قريب ان شاء الله
- ان شاء الله الاولاد والعربيه يوصلو بالسلامه لاسوان
- والشكر كل الشكر للاخ احمد مصطفى على مجهوده بارك الله لك
مبروك على حل مشكلة العربية وان شاء الله ترجع بالسلامة
عشان كده يا جماعة بنبه للمرة المليون و بقالنا اكتر من سنتين بنقول نفس التنبيه .. محدش يركب اي حاجه كهربائية خارج التوكيل .. العربية ديه فيها كمبيوتر و ممكن حد يركب بره التوكيل و ميحصلش حاجه و ممكن يركب و الكهربائي يبوظ الدنيا .. فأرجوا من الجميع الحفاظ علي عربيته لأن معني انك معاك عربية يعني ديه ايديك و رجليك
شكرا لكل الاخوة والزملاء اعضاء الجروب على اهتمامهم
ويا اخى zambarota الملوحه موجوده بس ادينى العنوان وعنيا توصل لحد البيت
تحياتى للجميع
اخوانى الاعزاء
بهذه المناسبة
احب اقول كلمتين محشورين فى ظورى
انا لم اتعامل مع السبع من قبل لا من قريب او من بعيد
لكن رايت هنا على المنتدى الكثير من المواقف المشرفة للسبع و اذكر منها موقفهم مع الاخ صاحب القشقاى اللى السائق بتاعه نصب عليه
و رايت منهم مواقف اخرى تدل على انهم اهل للثقة و اهل خبرة بسيارات نيسان
و انا بالفعل كنت هشترى منهم السوبر صالون فى الموديل القديم لكن شاء القدر ان الموضوع ده يتعطل لاسباب مادية ثم وصلنى الخبر من مصادر رفيعة المستوى من داخل اوتو ايجبت و من مصادر من داخل مصنع نيسان بقرب نزول الموديل الجديد و كانت النصيحة "انتظر و لن تندم" ثم اشتريت الموديل الجديد من اوتو ايجبت و كانت سيارتى من اولى السيارات التى انتجها المصنع ( رقم الشاسيه 84)
المهم انا باتعامل مع اوتو ايجبت لانى شارى العربية من عندهم و لى خصومات فى الصيانة عندهم دا غير ان ده احدث مركز لصيانة نيسان فى مصر ( مركز اوتو ايجبت ابو رواش)
فلولا الحاجات دى لكنت اشتريت و عملت الصيانات مع السبع
و لهذا ذهلت عندما قرات عن مشكلة اخونا العضو مع السبع الى ان اتضح الامر
و انا شايف ان اكبر مكسب للمنتدى و للقائمين عليه انه ينجحو فى توفير النصح و المشورة و المساعدة للاعضاء
فى جو من الود بيننا جميعا
فلنا الحق ان نعاتب الاخ العضو لانه قدم معلومات منقوصة
و ان كنت و الله احسبه على خير ( الجماعة بتوع اسوان دول اصلهم طيبين بشاااكل و مؤدبين ادب جم) و اعتقد ان الامر التبس عليه يمكن ما كانش عارف ان نجله ركب حجات و عمل شغل فى الكهربة فافتكر ان الجماعة بتوع السبع ادوه مقلب فدمه اتحرق لذا ارجو ان نلتمس له العذر
و الحمد لله ان الموقف انتهى على خير و اتضح ان بردك السبع سبع
و اشكر الاستاذ احمد مصطفى و احتسب اجره عند الله
موضوع مفيد . وشكرا على توضيح كافة جوانب الموضوع .