تجربتى مع مركز السبع نيسان

**youssef712** · 19-10-2012 04:32 AM

كما يعلم الزملاء فى المنتدى عن مشكلة السياؤة نيسان 2010 سوبر صالون والتى تم شحنها الى مركز السبع وبالكشف على السيارة افادوا بان هناك مشكلة فى الصبابات وعمود التكيه ومخدات التكاليه وان الحل اما استخراج القديم وعلاجهم وتركيبهم وهذا يتكلف 2500 جنيه او وش سلندر جديد وهذا سيتكلف 10.000 وقد قاموا بعلاج العطل مستخدمين الحل الاول وتم تجربة السيارة وافادوا بان السيارة اصبحت فى حالة جيدة .
وقد رايت انه بدلا من السفر والعودة الى اسوان فد قررت السفر للاسكندرية لتجربة السيارة وبذلك نصبح قريبين من القاهرة فى حالة حدوث عطل .
وقد قضيت بالاسكندرية ثلاثة ايام والسيارة ذى الفل وقررت العودة الى اسوان وفى طرق العين السخنة بدأت المشاكل مرة ثانية مع السيارة .
توقفنا فى احد الريستات وحاولنا رؤية المشكلة وسببها فوجدنا ان احد البيجوهات محلول لم يتم ربطة فى المركز وبربطة استمرت المشكلة صوت يوضح ان دورة الصبابات غير كاملة اى انه يعمل ثلاث صبابات من الاربعة فقط ، وهناك صباب متوقف .
تم شحن السيارة مرة ثانية الى مركز السبع وبعد وصولها فى اتصال تليفونى مع مهندس الصيانة حاول اقناعى فى كهرباء السيارة وانه ربما حدث تلف فى المين بورد .
وان اصلاحهم الاول زى الفل وكلام كثير غير مقنع .. كيف تدور السيارة وهناك عطل فى المين بورد الظاهر عايزين يشيلونى العطل علشان ندفع مرة ثانية وينفوا اهمالهم فى اصلاح العطل .
غير التناكة بتاعة مهندس الصيانة فى التحدث معنا على الموبايل ...
ومازالت السيارة فى مركز السبع ...
هذا ما احببت ان انبه الاخوة الزملاء الى الاهمال الكبير والمعاملة غير الجيدة فى مركز السبع

**masterzmind** · 19-10-2012 04:48 AM

غريبه الله يكون فى العون بس مركز السبع الناس بتشكر فى اووووووووى هو و اتو ايجيب .... مش عارف بس خليك واثق فى التوكيل مش هيسيبك الا والعربيه تمام التمام ان شاء الله

**sdelbassuny** · 19-10-2012 10:21 AM

هي العربيه فى ضمان وأيه هى المشكله و لازم تعرف سببها عشان حل المشكله مش الأصلاح ولاكن منع الأسباب المؤديه للمشكله

السبع مركز كويس بس لازم تكون مفتح عنيك أوى لأنهم سعات بيستهونوا بالمشكله لحد ماتكبر والناس الى شغاله فى السبع مش عباقره لأ دول أقل من العاديين لأن العبقرى أكيد هيفتح ورشه لوحده أو مركز صيانه ده لو كان مهندس واثق من نفسه

ربنا يسترها معانا ياريت تحاول تفيد الجميع بأن أزى المشكله ظهرت وأسببها لتقديم النفع للجميع

**youssef712** · 19-10-2012 03:06 PM

اخى sdelbassuny بداية ظهور المشكلة :

http://www.nilemotors.net/Nile/309992-a.html

وبعد وصول السيارة الى مركز السبع افادوا بوجود هذه المشاكل بالسيارة

http://www.nilemotors.net/Nile/311979-2010.html

وبعد استلام السيارة بناء على تقريرهم باصلاح العطل ظهرت المشكلة مرة ثانية كما هو موجود فى اول المشاركة
هذا ما تم من بداية المشكلة
تحياتى للجميع

**Ahmed.TV** · 20-10-2012 05:56 PM

اخى الكريم
حضرتك عملت موضوع منفصل بالحكاية دى
فمش كل موضوع حينفع انك تكتب فيه كدا .. لان كل موضوع وله هدف ميخرجيش عنه
وكمان حضرتك كتبت موضوع منفصل بالحكاية دى
ومش بالطريقة دى يبقا كدا حتاخد حقك .. او تشهر بيهم .. لان مش من تجربة شخصية فردية بنحكم وبنعطى انطباع عام عن اى مكان بنتعامل معاه .. الا بتجارب كثيرة عن المركز .. واغلب التقارير فى قسم نيسان شكرت فى المركز .. ومع ذلك مش كل مكان فيه مميزات دايما .. اكيد فى شى فى الموضوع خطا .. واكيد حيحلوه معاك .. ومش حيسبوك من غير ما مشكلتك تتحل اذا كنت صاحب حق فعلا .. لان المكان المحترم بيهمه ارضاء عميله وبيهمه سمعته
وان شاء الله خير .. وتتحل مشاكلك على خير باذن الله
وانا حتابع مشكلة حضرتك
وياريت تقولنا مين واسم المهندس اللى كلم حضرتك
وسلمتها لمين هناك
تحياتى ليك

**Ahmed.TV** · 20-10-2012 10:12 PM

اولا ياريت تقولنا مين من المهندسين اللى كلم حضرتك باسلوب مش مستحب زى ما حضرتك وضحت
لان اكيد اى مهندس بيقولك على اسمه فى بداية المكالمة او لو انت اتصلت بيهم واعطوك مهندس تكلمه بتساله على اسمه
عشان نعرف بس التشخيص اللى قاله لحضرتك حكم عليه ازاى

ثانيا .. ممكن ميكنش العيب فى المين بورد .. لان مينفعش مهما كان اى تشخيص لعطل فى السيارة يتعرف حله الا بالكشف بالاخص فى الحالات الصعبة .. وهو ده الصح .. لانك ممكن توصف غلط للمهندس وهو يوجهك فى ناحية تانية

ثالثا .. من خلال تعاملنا مع المركز .. بقالنا فترة فى قسم نيسان .. كل الاعضاء بيشكروا فيه بنسبة 80% وده بتقارير مثبوتة فى القسم .. ومش من تجربة فردية بنعطى حكم كلى على المكان

رابعا .. اى مكان وارد فيه الاخطاء .. ولو حضرتك عند حق .. تاكد ان اى مركز محترم بيهمه فى المقام ارضاء عميله .. فى حالة لو حصل خطا من عنده .. وبدون ما تعمل اى شوشرة .. وده الحمد لله موجود فى مراكز خدمة نيسان كلها .. عشان كلها مراكز محترمة وبتنافس بعض فى خدمتنا وارضائنا ..
لانهم يهموا يكسبوا عميل مش يخسروه .. فتاكد لو ليك حق حتاخده .. واخذ الحق حرفة .. وبكل هدوء لو ليك حق حتخده مع السبع .. وهما مركز فعلا حقيقى عنده خبرة كبيرة وشغلهم محترم .. وياما فكوا مواتير وعملوا عمرة للعربيات وفكوا كذا مرة فتيس لعربيات تقيلة زى الانفينتى والمورانو والصنى وغير وغيره لعربيات نيسان
ومع ذلك وارد اذا يكون فى خطا .. وان شاء الله نتاكد منهم ..

خامسا .. انا عايز اعرف حاجة .. حضرتك خرجت من عندهم العربية بتقول انها زى الفل .. طيب لو البوجيه مفكوك .. مفروض ان ده يبان معاك على طول وحتلاقى العربية اول ما تدور حتلاقيها مرتلة وفيه تقطيع .. ازاى ده مظهرش معاك من اول ما خرجت وروحت اسكندرية وباين معاك على طريق السخنة !!
اكيد فى حاجة خطا او تشخيص مش مظبوط من اى ميكانيكى اتعملت معاه على الطريق .. لان ممكن اى ميكانيكى ووارد لو مش عنده ضمير يالف اى حاجة عشان يحسسك ان الدنيا صعبة وهو عمل معجزة .. ولا حضرتك اللى فكيت الموبينة بنفسك واكتشفت بعد فكها ان البوجيه مفكوك

سادسا .. لازم حضرتك تروح لهم تانى عشان يشوفوا ايه اللى حصل ولا حصل فعلا من عندهم عيب ولالا .. عشان لو حصل تقصير واهمال من عندهم تاكد ان ساعتها حتاكد حقك

واخيرا قلبى معاك

تحياتى ليك

**Ahmed.TV** · 21-10-2012 01:50 PM

صباح الخير
انا سمعت ان العميل النهاردة فى التوكيل السبع
وعرفت القصة كلها منه ومن مهندس التوكيل

بس منتظرينه هو يحكى بنفسه ونعرف كافة التفاصيل عشان الاعضاء تعرف ويتوضحلها كافة الامور
وانا سعدت بمكالمتى له .. وعلى شجاعته وروحه الجميلة
وسعدت اكتر برد فعل التوكيل
وسعداء بنايل موتورز واعضائه

تحياتى