اقتباس المشاركة الأصلية كتبت بواسطة حماده المصري مشاهدة المشاركة
حضراتكوا مممكن تفهمونا يالي عيشتوا في اوروبا

مثلا في انجلتزا متوسط الدخل للفرد كام؟؟؟؟

متوسط الدخل من 800 أسترليني إلى 2500 أسترليني

يعني المهندس بياخد كام في الشهر او في السنه

معرفش المهندس بيأخد هناك كام
أكتر شغلانة بتدخل فلوس هناك كالتالي :
الجراح - الطبيب - المحامي - المحاسب - مبرمجين الكمبيوتر الخبرة .

يعني ممكن الجراح مرتبه يوصل : من 3000 إلى 6000 أسترليني في الشهر و بيدفع جزء منهم ضرائب زي ما الأستاذ أحمد عادل وضح شرائح الضرائب سابقا .

الي شغال مثلا في خدمه العملاء بياخد كام

ممكن يعمله من 1200 إلى 1800 أسترليني

مهو لو طلع ارقام كبيره يبقى ليهم حق انهم يغلوا الاسعار

1200 أسترليني هناك و لا حاجة

أيجار شقة في منطقة ضواحي لندن ممكن يعمل من 700 إلى 1500 جنيه أسترليني
هاقولك على مصاريف العربية :

هانقول أنك جايب عربية قديمة مثلا ب 500 جنيه أسترليني لعربية 1300 سي سي

تدفع ضرائب الطريق : باين كان 300 جنيه أسترليني في السنة (ممكن تقسمها على مرتين )
تأمين أجباري مع شركة تأمين (مش بمزاجك تأمن أو لاءة ) : التأمين بيتحدد حسب حاجات كتير غير مصر

نوع السواق (ذكر أم أنثى و الأنثى هناك أقل من الراجل ) - السن كل لما السن يقل كل لما التأمين يعلى - تاريخ تأمينك القديم لو عندك تأمين سابق
نوع العربية ..... يعني ممكن عربية قديمة قطع غيارها مش متوفرة ... ممكن ما تلاقيش شركة تأمين تأمنهالك و لو ما تأمنتش ... يمنفعش تمشي بها ثانية واحدة على الطريق . و لو لقيت شركة تأمين بيبقى التأمين عالي قوي .
و كلمة قديمة هناك معناها 10 سنين

هاديك مثال
كان قدامي عربية بي أم دبليو موتور 2000 سي سي .... العربية بتلمع ...... صاحبها كان طالب فيها 200 جنيه أسترليني (رقم قريب من الرقم ده ) .... العربية موديل 6 سنين تقريبا فاتوا في التاريخ ده .
أتصلت بشركة التأمين بتاعتي ....... مرضيوش .... أتصلت بشركة تأمين تانية قالولي رقم خزعبلي عدى ثمن العربية بمراحل و قيمة التأمين ده غير البنزين بتاعها (بلاعة بنزين و قطع غيار غالية موت )

أحنا ركوب العربيات عندنا أرخص من عندهم بكتير
أنت بترخص تقريبا ببلاش ....... و مفيش فحص فني (أوعى حد يقولي أن اللي بيحصل في مصر ده أسمه فحص فني ) ..........و البنزين ثمنه رخيص مقارنة بهناك .

الحياة هناك مش رخيصة و مفيش واحد يقدر يفتح بيت لوحده إلا إذا كان طبيب جراح أو محامي مشهور .
أو بتوع العقارات نسيت أقول عليهم في الأول .... دول فلوسهم عنب ....