تحذير هام من مركز خدمه أيجي أوتو هيونداي بطنطا

**Eng_AmrAllam** · 19-10-2012 08:06 PM

مركز خدمه هيونداي جي بي اوتو الي علي طريق دفره طنطا

امبارح رحت هناك عملت عندهم صيانه ال 1000 في الفيرنا

كنت بشتكي ان العربية بتحدف شمال حاولوا جميع المحاولات لمعرفه السبب

والنتيجه طلعت ان الكاوتش بايظ ومحتاج تغيير قولتله غيره

قالي لا مش انا اللي اغيرة روح مركز قليوب قوللته ليه امال انت مش تبع هيونداي قالي اه بس

هما هناك المتخصصيين

النهارده قابلت واحد صاحبي قالي لازم تتصل بغبور تفعل الضمان اتصلت النهاردة وهنا بقي اكتشفت

المفاجأه ان مركز جي بي اوتو لا يمس بالي صله لغبور وانه فاتح كدة وخلاص

سألت اللي رد عليا من الرقم الساخن 16661 قالي مفيش لنا اي مركز خدمه في طنطا

جي بي اوتو واخد الاسم وحاطه عنده زي اي ورشه ميكانيكا وكان تبعنا زمان بس في الرقابه اللي عليه من غبور خرجته من مراكز الخدمه المعتمده

قولتله يعني اية العمل انا عملت عنده صيانه الالف واداني فاتوره مطبوع عليها مركز خدمه معتمد

لدي غبور قالي لا انت تيجي تعمل عندنا صيانه ال 5000 عشان متخرجش بره الضمان وللعلم انا

جايب رقم المركز دة من علي موقع هيونداي من مرركز الخدمه واما قولت للمهندس اللي رد عليا

بكل بساطه قالي الموقع متعملوش ابديت

انا قولت احذر الناس هنا عشان محدش يقع نفس غلطتي

وسؤال بقي مش عارف اعمل اية في موضوع الكاوتش دة ؟؟؟؟؟؟

**haissam24h** · 19-10-2012 08:34 PM

انته كده ممكن تشكيهم فى حمايه المستهلك مفيش حاجه اسمها الموقع مش يتعمله ابديت ده فى ثانيه يشيل اسمه طالما خرج من الرقابه بتاعتهم ياريت تعمل شكوى عشان تضمن حقك وتغير الكاوتش ببلاش
خلينا بقا نحد من العالم الى بتستغل الاسامى وتشتغل على قفى الشعب المصرى

**khaled_legend** · 19-10-2012 08:38 PM

ربنا يصبرنا

**Eng_AmrAllam** · 19-10-2012 08:55 PM

المشكله الكبيرة ان مكتوب في كتيب الضمان ان ضمان البطارية والكاوتش عند اللي صنعهم والمشكله الاكبر ان الكاوتش نوعه ويست ليك محدش يعرف مين اللي صانعه واما بقي معرفوش يردوا قالولي ان العربية وانا بستلمها لازم يكون فيها كتيب ضمان للاطارت والبطاريه مع الكاشيت وضمان العربية

اقولهم انا استلمت ضمان العربية والكاسيت بس قالولي اتصل بالراجل بتاع المعرض اتصلت بيه قاللي انا عمري ما سلمت فيرنا ولا اي عربية تانية بكتيب ضمان للاطارات

**طارق _عبد السلام** · 19-10-2012 10:07 PM

انت ممكن تشتكى المركز ده لان كده نصب علنى واستغلال علامه تجاريه

**Samir Elshahawy** · 20-10-2012 03:03 AM

شكرا علي التنبيه و التفاعل و أن شاء الله سيتم تعديل الموضوع الخاص بمراكز الخدمة هنا بالقسم و حذف اسم المركز المذكور من القائمة

و نرجو من باقي الاعضاء عمل المثل و مشاركتنا أي شكوي تخص اي مركز من مراكز الخدمة المذكورة بالقائمة التالية

http://www.nilemotors.net/Nile/304297-a.html

**alrazy** · 20-10-2012 03:55 AM

اللى حضرتك رحته اسمه ايجى اوتو مش جى بى اوتو

رحت له مرتين و بطلت علشان الناس مش اد كده بدون ذكر التفاصيل ....

و لما حصلت لى مشكلة فى الدبرياج و الناس فى غبور كانوا هيرفضوا تغييره و انا فى الضمان لان المركز ده مش موجود عندهم على الكومبيوتر .... مش مركز معتمد بس ربنا ستر

المشكله انه معلق على المدخل لايحة باسعار المصنعية زى بتاعة غبور

**Eng_AmrAllam** · 20-10-2012 07:04 PM

المشاركة الأصلية كتبت بواسطة alrazy

اللى حضرتك رحته اسمه ايجى اوتو مش جى بى اوتو

رحت له مرتين و بطلت علشان الناس مش اد كده بدون ذكر التفاصيل ....

و لما حصلت لى مشكلة فى الدبرياج و الناس فى غبور كانوا هيرفضوا تغييره و انا فى الضمان لان المركز ده مش موجود عندهم على الكومبيوتر .... مش مركز معتمد بس ربنا ستر

المشكله انه معلق على المدخل لايحة باسعار المصنعية زى بتاعة غبور

هو فعلا يا باشا اسمه زي ما انت قايل كدة

انا اللي غلط في عنوان الموضوع هو ايجي اوتو علي طريق دفره

**Eng_AmrAllam** · 20-10-2012 07:06 PM

ياريت حد يعدل اسم الموضوع

الموضوع: تحذير هام من مركز خدمه أيجي أوتو هيونداي بطنطا

LinkBack

أدوات الموضوع

عرض

-

-

المواضيع المتشابهه

مركز خدمه جديد ينضم لمركز خدمه رينو

مركز صيانة الاتحاد الوطنى بطنطا

عملت حادثه و عايز مركز خدمه هيونداي متعمد كويس؟!

تحيه الي هيونداي فري كار .. مركز خدمه معتمد

افتتاح مركز خدمة جسر السويس أبو غالى - مركز خدمه معتمد شيفروليه

الكلمات الدلالية لهذا الموضوع

المفضلات

المفضلات

ضوابط المشاركة