الموضوع: الحمد لله عربيتي السيراتو اتخبطت

السلام عليكم.
امبارح عربيتي السيراتو اتخبطت من الرفرف الشمال من ناحية السواق... مع حكة سطحية في الباب الشمال.
خبطة الرفرف خليته اتعوج من قدام ودخل لجوة شوية ودة خلى الاكصدام الامامي وقع علشان الكلبسات اتفكت.\من الناحية الشمال.
الوضع دلوقتي هو ان الباب الشمال فيه حكة مساحتها كبيرة بس سطحية مش عميقة والحمد لله مافيش اعوجاج.
الرفرف الشمال مخبوط وداخل لجوة حوالي 1سم فبيحك مع الكاوتش عند المطبات.
الاكصدام اتفك من ناحية الشمال وكان وقع بس واحد ربطه بسلك مؤقتا بس الحمد لله سليم تماما.
دا كل اللي انا شايفه في العربية.
ارجو مساعدتي في واحد سمكري محترم ولا اروح التوكيل ولا مش مستاهلة توكيل؟. وهل الرفرف يترد عالبارد ولا الساخن؟ بالمناسبة هو الرفرف فيه خدوش بسيطة الحمد لله بس دخل جوة زي ماقلت.
العربية سيراتو 2011 نبيتي وحالتي النفسية زفت طبعا بس بحمد ربنا لأن اسرتي كانت معايا.
انا ساكن في حلوان ولو اي زميل يتكرم ويساعدني بعنوان سمكري كويس اكون شاكر جدا.
اسف على الاطالة.