الموضوع: تقل ملكية العربية لشخص آخر و مرور آخر

عشان تبقى الرخصة بأسمك لازم تنقل عربيتك للمرور اللي انت تابع له
اولا روح للشهر العقاري اعمل عقد للعربية بأسمك هناك
باستخدام التوكيل اللي معاك
وبعدين تطلع على مرور العربية تطلع شهادة مخالفات من هناك
وتروح على المرور الجديد وتقدم ورق العربية عند شباك نقل الملكية
هتدخل فحص وتعمل التجديد وتطلع الرخصة باسمك

ملحوظة مهمة روح الشهر العقاري اعمل العقد قبل ما تنتهي الرخصة
لانها اذا انتهت بيطلبوا منك تجيب ورق من المررو وشغلانة يعني
وبمجرد ما تعمل العقد لازم تروح تنقل علطول عشان له مدة محددة

هتنقل الملكية وتسجل في الشهر العقاري
وتروح على مرور طوسون تجيب اورنيك فحص وتفحص العربية وياخد بصمتها
والمهندس هيكتبلك على ضهر الاورنيك طلب مطابقة بصمة موجه لمرور اسكندرية
وتروح بعد كده على مرور اسكندرية وممكن تروح من غير العربية بس تحل النمر وتاخدها معاك
هتروح تطلع شهادة مخالفات وتدفعها
وتطابق البصمة وهيطلعلك شهادة بيانات وهيستلم منك النمر القديمة
هتاخد شهادة البيانات وتروح بيها على مرور طوسون وتعمل ملف جديد للعربية وترخص وتستلم نمر جديدة
بالتوفيق