شيكو لسه متابع ......معاكي لحد ما تفضي الدرج كله و إن شا الله حتفضي المكتب كله كمان ....(الساعة ٧ بتوقيت تورونتو :))
علي فكرة ..أوعي ترمي حاجة :ANSmile13:......هاتي علبة المناديل ديه تاني :D
عرض للطباعة
شيكو لسه متابع ......معاكي لحد ما تفضي الدرج كله و إن شا الله حتفضي المكتب كله كمان ....(الساعة ٧ بتوقيت تورونتو :))
علي فكرة ..أوعي ترمي حاجة :ANSmile13:......هاتي علبة المناديل ديه تاني :D
مش عارف اسلوبك في سرد الاحداث بيشد ان الواحد يكملي قراءه
صراحه طريقه جميله جداً و بتعجبني كمان
السلام عليكم.
الأول احيي حضرتك على مواضيعك اللي بجد مبهجه جداً ومريحه نفسياً وده يرجع لطريقة سرد الموضوع وصلب الموضوع نفسه كمان من الحاجات اللي بتشدني هي انك ماشاء الله مابتسيبيش حاجه تعدي من غير كلمه كده بين السطور تخلي الواحد يفكر ويسرح زي مثلاً
عموماً انا متابع مع الجماعه هنا اخبار الدرج واسراره ولو اني هاسهر كده انهارده واحتمال اتأخر الصبح لكن مش مشكله.:)اقتباس:
حتى اللي فاكراهم من الأسامي اللي سافرت و اللي اتجوزت و بعدت و اللي انقطعت أخبارها من سنين و اللي نمرته اتغيرت 50 مرة.. أهي دي بأه توريك حال الدنيا.
ظرف مكتوب عليه إسمي بالانجليزي و بخد اليد.. طبعا افتكرته على طول.. الظرف ده عمره 10 سنين.. كانت أول مكافأة آخدها في شغل.. و كان مفاجأة.. مش عايزة أقول الأرقام عشان بس ما تضحكوش.. لما بافتكرها دلوقتي بالاقيها أرقام عبيطة بمقاييس دلوقتي، انما ساعتها كانت تسوى كتير.. المهم بأه مناسبة المكافأة دي هي الشغل الجامد اللي عملناه أيام ما كنا بنعين الستاف بتاع مصر فون.. اللي هي بعد كده بأت كليك جي اس ام و دلوقتي معروفة بفودافون :)
لو احكي لكم عن مدى سعادتي بالمكافأة دي هاستغربوا.. و لما تعرفوا انها كانت عبارة عن 250 جنيه هاتضحكوا.. بس فعلا كنت طايرة بيها طيران.
أيامها كانت الفرحة الواحد بيحس بيها بتشيله من ع الأرض شيل.. دلوقتي باخد مكافآت بمبالغ محترمة انما مافيش سعادة زمان :no:
طيب ما تيجوا نرجع للدرج احسن؟ :)
يلهويييي يا علاااا!!!
انا لو سيبت مامتى على الدرج بتاعك دة بس هترميه هو شخصيااااااا !!!!!!!!!
بالنسبة لماما اى حاجة توقف استعمالها لمدة لا تزيد عن يومين يبقي تترمي على طوووووووول
:biggrin24:
طيب انا اقولك موقف .. مرة واحدة صاحبتي كانت بايتة عندي و كانت جايبة لبس تنام فيه المهم وحنا النادى تانى يوم و روحت بعد كدة .. البنت كلمتنى بعدها بكام يوم بتقولي هعدي عليكي اخد هدومى و الشاحن و حاجات كدة .. تخيلي ايه باة !! ماما رمت الهدوم !!
ليه يا ست الحبايب رميتي الهدوووم !! قالتلى شكلها قديم و وحش !!
طبعا منظرى كان زي الزفت!
والله يا علا ببقي جايبة لبس و لسه جديد و بلاقي بنت البواب لابساه !
يلاا الحمد لله انها مرمتنيش انا شخصيا:biggrin24:
ظرف أزرق و الراسل من الكويت.. بالتدقيق في الختم اللي ع الظرف طلع تاريخه 17/71993.. أيووووووووووووه انا من أيام الجوابات و قبل ما يخترعوا الإيميلات.. دي انتيمتي من أيام الكلية و ما زالت.. كنت باستنى جواباتها كل شهر.. أيوووووووووووه شهر عشان الجواب اللي كنت بابعته كان بياخد اسبوعين على ما يوصلها و هي بتكتب الرد في ساعتها على طول و بياخد له اسبوعين كمان على ما يوصلني.. يااااااااااه ده انا شكلي كده من أيام فحت البحر :fool:
لسه محتفظة بالجوابات دي لحد دلوقتي.. اتخرجنا و اشتغلنا و هي اتجوزت و خلفت بنتين و بلاد تشيلنا و بلاد تحطنا و انا لسه شايلة الجوابات في الظرف :)
ظرف تاني لونه أبيض و مبعوت من تركيا - الظاهر ان الدرج كله أظرف و لا ايه :)
في أوائل التسعينات كنت باراسل واحدة من تركيا.. مسلمة و محجبة كان اسمها أسماء.. مرة بعتت لي جواب بالانجليزي و قالت لي فيه انها بتحب تكتب عربي اكتر من الانجليزي فمن هنا و رايح جواباتها لية هاتكون بالعربي.. قلت مش مشكلة.. انما بعد كده اتضح انها مشكلة. الجواب عبارة عن كلام عربي مرصوص جنب بعضه بس مالهوش أي صلة ببعض.. انا كنت عمالة اقرا الجواب و اللي هو إيه؟ مين؟ فين؟ :fool:
فترة كده و توقفنا عن المراسلة مش فاكرة ليه :)
لأ مش ناوية أرمي الجوابات دي مش عارفة ليه :)
اسلوب رائع في سرد الاحداث ,استمري في فحص محتويات الدرج:)
- كارنيه اشتراك أتوبيس الجامعة للعام الجامعي 1994 / 1995
قيمة الاشتراك للطالب: 2.00 جنيه (جنيهان شهريا)
- كارنيه الاشتراك في مكتبة المجلس الثقافي البريطاني بتاريخ 4/11/1996.. ياااااااااااه ده انا كان شكلي صغير اوي في الصورة.
بطاقة صحية للمدرسة الابتدائية - فصل 6 أول :)
انا هاقوم انام بأه.. بس قبل ما انام عايزة أرمي جراب نضارة مقطوع.
هو انا باحتفظ بالحاجات دي لييييييييييييه؟ :fool:
تصبحوا على خير و بكرة ان شاء الله نفرز مع بعض الدرج التاني :)