قولنا ما فيش حاجة تترمي ...تحذير أخير :)
على فكرة أنا كنت مشترك في البريتش كاونسل برضه في ١٩٩٦ ....كنت بحضر ماجستير و طبعا الواحد لازم يروح مكتبات عشان المراجع :rolleyes:.....ربنا يخلي لينا الانترنت
عرض للطباعة
قولنا ما فيش حاجة تترمي ...تحذير أخير :)
على فكرة أنا كنت مشترك في البريتش كاونسل برضه في ١٩٩٦ ....كنت بحضر ماجستير و طبعا الواحد لازم يروح مكتبات عشان المراجع :rolleyes:.....ربنا يخلي لينا الانترنت
بجد مواضيعك لذيذه جدا أحسن حاجه نطلب من الأداراه تفتح منتدى خاص لمواضيعك المبتكره علشان نعرف نتابعك
امال انا باروق الدرج ليييييييييييه؟ ماهو عشان أرمي اللي مالوش لازمة :fool:
بس في النهاية ما رمتش غير حاجتين بس :)
الله أعلم هاقدر ارمي باقي الحاجات اللي عدى عليها سنين دي امتى.
جزاك الله خيرا على المتابعة :)
على فكرة الموضوع ده مش متحضر له خالص و الفكرة فعلا طرقعت في دماغي في لحظتها :Lighten:
يا رب ما أكونش أخرتك.. أصلي كنت سهرانة براحتي عشان واخدة النهاردة أجازة :)
شكرا جزيلا على المتابعة :original:
:biggrin24: :biggrin24: :biggrin24:
انا برضه ماما بتقول لي انتي شايلة الحاجات دي لحد دلوقتي لييييييييه؟ هاتفتحي بيها متخف بعد المتحف المصري ما يتشال من التحرير؟ :fool:
قلت لها تصدقي انها فكرة :Lighten:
جزاك الله خيرى على الإطراء :)
انا شوية كده و هانقل على الدرج التاني.. فتحته امبارح سريعا لقيته مليان ورق.. حد يحط ورق في الدرج كده؟ و يا ترى بتاع ايه الورق ده كله؟.. عموما هانشوف :)
آه يا شيكو.. ده احنا اتفحتنا في مكتبة الكلية بحث في كتب عشان نعمل بحث مطلوب مننا و لا نلاقي كلمة هنا و لا كلمة هنا.. دلوقتي الانترنت حلت المشاكل دي كلها. بس بيني و بينك، البحث في الكتب مباشرة كده ليها متعة تانية خالص :)
ربنا يكرمك يا رب و يفتح عليك :)
بصراحه يا استاذه اسلوبيك رائع في سرد الاحداث وانا ندمان ان لسه شايف الموضوع دلوقت عشان مواضيك فعلا" جميله
بس ايه ده لسه فيه درج تاني:no:
أول حاجة قابلتني هي كارت دعوة لحضور حفلة ختام النشاط بزدني لسنة 2005 :)
رجعت ورا مع الكارت ده 3 سنين ورا.. كانت تاني حفلة ختام نشاط و أياما انا كنت باشتغل مع زدني بس من بعيد لبعيد، يعني مش عضو رسمي في الفريق.. زي ما بيقولوا كده متطوعة بس per task و رحت عشان أشتري تذكرة للحفلة و لسه بادفع الفلوس قام د. محمد عمر لمحني باطلع فلوس في أقل من الثانية لقيته عندي بيقول لي رجعي فلوسك في محفظتك يا علا و شوفي عايزة كام دعوة.. طبعا انا من قوة لهجته ما تنتهالوش كلمة و سكت :)اقتباس:
تتشرف جمعية رابعة العدوية بدعوة سيادتكم لحضور المحاضرة الختامية لدورة التنمية البشرية لعام 2005 و ذلك في قاعة مؤتمرات الأزهر شارع الطيران، مدينة نصر و ذلك يوم الخميس المواقف 15/9. يبدأ الحفل في تمام الساعة الثامنة مساء.
مع تحيات فريق زدني.
الكارت دلوقتي باتفرج عليه.. التصميم على أده اوي و كواليتي الطباعة على أدها برضه.. سبحان الله أيامها كانت الإمكانيات ع الأد و كنا فعلا بنحاول نعمل حاجة كويسة اوي من إمكانيات شبه منعدمة.. افتكرت البدايات الصعبة لزدني اللي شرفت بإني حضرتها لما كنا في الميتنج الأخير و د. محمد عمر بيكلمنا عن زدني حققت ايه خلال السنة اللي فاتت.. كل سنة نقلة جديدة و إنجازات جديدة.. آخرها لما الرئيس اليمني وجه دعوة لمحمد عمر عشان يزور اليمن و يقابله و يقعد مع الوزرا المختصين عشان يشوفوا ازاي يقدروا يعملوا هناك حاجة زي زدني :)
ساعتها عينية دمعت من التأثر لما افتكرت لما كنا بنشتغل من لا شئ و لو كلمتكوا على ازاي كنا بنسوق لإسم زدني و برامجها هاتضحكوا على الطريقة البدائية جدا اللي كنا بنحاول نعرف الناس بيها مين همه زدني. الحمد لله الذي بنعمته تتم الصالحات :)
معلش المشاركة دي كلها عن زدني.. باحبها بأه اعمل ايه؟ :)
موضوع جميل كالعادة
نفسي تكتبي موضوع بايخ بقي :v_SPIN:
و ما زلنا في انتظار آخر تطورات الوضع الراهن في المكاتب المحتلة:fool: