مع إن proton أكتر حاجة بتبيع !!!!!!
عرض للطباعة
يا عمرو ده حتى مستنكف أو مُستعر من أن يحط اللوجو بتاع برتون على واجهة فرع أبو رواش، تلاقي دودج وفولفو وستروين وكرايسلر ورام، ولا أثر لبرتون، يحسسك أنها مش تبعه ولا صلة له بها.
طيب طالما مش فاضي لها، أخد توكيلها ليه، أو بالأحرى بروتون ماليزيا منحته التوكيل على أي أساس. أنا عن نفسي لو مُصنِّع للسيارات، وبأفكر أن أغزو سوق معينة من الأسواق، ولنفترض السوق المصري، مش هأدور على واحد معاه توكيلات لعشرتعشر علامة تجارية من ماركات السيارات، بل هأبحث وأفحص وأمحص وأنقب عن وكيل طموح شاب فَتيّ عايز يثبت نفسه في السوق المستهدف، يعرف يعزز من الصورة المؤسسية أو صورة شركتي كجهة تصنيع، ويدعم من وجودها، ويضيف إليها، مش وكيل Tycoon مش فاضي للعلامة التجارية بتاعتي ومنفض لها، يكره الناس فيها، ويقوض من وجودها إلى أن تندثر وتفشل وترحل إلى بلدها الأم.
يا باشا لا تغتم ولا تهتم. الموضوع بسيط إن شاء الله.
ربنا سبحانه وتعالى يقول في كتابه الحكيم:
"فعسى أن تكرهوا شيئًا، ويجعل الله في خيرًا كثيرًا."
إن شاء الله العربية ممتازة، واختيار موفق، والخيرة دائمًا فيما اختاره الله.
هو دائمًا لا يطفو على السطح إلا المشاكل والشكاوى، إلا أن في ناس كتيرة، الأخوة في القسم يشهدون، معاهم بروتون بطرازاتها المتنوعة ومبسوطة منها، وسمنة على عسل مع التوكيل.
بإذن الله تستلم على خير، وربنا يبارك لك فيها، وتبقى تشرفنا بمشاركة تصف لنا قدر شكرك لله على أن وفقك لاختيارها، ومدى انبساطك به...إلخ
انا عايز اوضح ان احنا كنا حوالي 300 مالك من ملاك بروتون بعتنا ايميل لماليزيا وشرحنا فيه كل اللي اتقال ده
والظاهر كدة ان الشركة عارفة ومبسوطة مدام كدة كدة بيبيع من غير اي اعلانات ولا اهتمام
ياباشا اوعى تحط فى بالك الكلام ده على فكره عيوب وكيل السياره لاينقص من وزنها شىء
السياره محترمه وتستاهل كل جنيه دفعته فيها ان شاء الله
متشغلش بالك اوى بالتوكيل المهم ان حاجات الاستهلاكيه موجوده بره وجوه التوكيل ان شاء الله
متقلقش من موضوع قطع الغيار فى منها بره التوكيل وفى قطع غيار مشابهه لماركات تانيه متوفره زى اللانسر
اغلب حاجات لانسر تنفع عندنا
الخلاصه انى مش عاوزك تقفل من العربيه طالما توكلت على الله ونويت الشراء
انت بنفسك هتكرب وتشوفالعربيه ازاى اذا ماكنتش مجربها لانى عارف ان نبيشتريش العربيه دى
الا اللى غاويها وعارفها
وكلنا اخوه هنا وكل واحد عنده معلومه مش بيبخل بيها على التانى
العربيه من 2005 وموجوده فى شوارع مصر ولحد دلوقتى
اذا لا تقلق سيدى الفاضل:)
تحياتى
والله يا Motarjim ويا amrelsha3er
انا اول من المعجبين والمحبين للعربيه دى وبالاخص الجين تو من زمان لدرجه انا كنت من سنتين اقنعت صاحبى بيها وجبتله واحده جين تو 2007 ودلوقتى بيقولى كان عندك حق
انتم متعرفوش الحيره واللى انا كنت فيه علشان استقر على البرسونا وده بعد مقارناااات كتير
واخترتها على اقتناع علشان يبقى انا وصاحبى زى بعض بس انا اخترت البرسونا علشان عائليه
وكمان عارف ان فلوسها شويه عليها و على الاوبشن اللى فيها بجد عربيه محترمه
بس بعد الكلام اللى انتم قولتهولى رجعتلى تانى معنوياتى وفرحتى باختيار البرسونا وبشكركم على زؤكم وان شاء الله اول مهستلمها بكره او بعده هعملكم تقرير كامل عنها ويارب يباركلى فيها ويكفينى شرها:B4_039:
يا باشا موضوع قطع الغيار مبالغ إلى حد ما .
القطع موجودة و كل حاجة ..... فيه ناس حظها وحش و بتطلبها و هي مش موجودة و هنا بتبان الناس اللي قطع غيارها مش متوفرة .
هو طبعا المفروض أن قطع الغيار تكون متوفرة في أغلب الوقت و تكون على الأقل موجودة في أقل من شهر من طلبها .
و لكن برضه أنا شايف ان الموضوع مبالغ فيه حبتين .