المية في قربة العربية بتنقص ولما ابطل العربية المية تغلي في القربة لمدة دقيقة

السلام عليكم جميعا ........ العربية اوبترا 2011 اليكم الاتي
من حوالي شهر كدة وفجاة لقيت العربية بتنزل مية من القربة بدور المية تنزل من فين لقيت القربة مشروخة من فوق بالعرض طبعا غيرت القربة جبت واحدة ب 85ج وركبتها وكان فية تانية 65 ج ....... المشكلة مش عارف السبب وراء الموضوع دة اكيد طبعا سخونه المية مع زيادة في ضغط الهواء الساخن لان كان ييحصل غليان لمدة دقيقة بعد تبطيل العربية علطول ولمدة دقيقة وبتنزل شوية مية من الشرخ في القربة القديمة والموضوع دة مستمر حتي الان في القربة الجديدة بس المية بتنزل من عند غطاء القربة وخايف تتشرخ الجديدة كمان وتحصل القديمة واكون مسافر مشوار بعيد .... السؤال الرئيسي لية العربية بتعمل كدة ؟ مع العلم ان......
1 - بتابع مؤشر حرارة العربية مبتسخنش يجي قبل النص بشوية ويسبت علي كدة والمروحة تشتغل وتفصل عادي
2 - عندي رشح زيت من وش السلندر من عند المسمير وكنت مكبر للموضو دة بس مش عارف بعد موضع مية القربة بدات اشك .... هل لية علاقة ؟
3 - الزيت في العربية كويس
4 - لم اغسل الراديتيرالي الان ولم اغيرالمية بداخلة من ساعت مجبت العربية زيرو بقلها سنتين .
وااخيرا الي حصل عندة نفس الموصوع او عندة فكرة الخلل فين يوضح لينا وخايف اكون طولت عليكم ......وشكرا

غطا القربة هو السبب .... غيره بواحد أصلي

تمام الكلام
ولو الراديتير ليه غطا غيره هو كمان

شكرا يا eng بس الراكب فيها الاصلي بتعها .... بس دا مكملشن سنتين .....طيب الغطا دة ممكن الواحد يلعب فية شوية يمكن يتصلح هو ممكن يتفكك من بعضة ويتركب تاني ..... طيب الاصلي بتاعو بكام ؟

غالبا المشكله ان دورة الميه واخده هوا ولو مغيرتش غطا القربه ياريت تغيره

اخويا معاه الاوبترا وعندنا نفس شرخ القربه لكن مغيرتهاش مجرد اني نضفت الراديتير وسلكناه وونضفت القربه واخدنا الهوا من دورة الميه واتظبطت مؤقتا لحد اما ان شاء الله نغير القربه قريب


فرايي ان مشكلتك في الهوا جوه دورة التبريد وده اللي بيخلي مستوى الميه بيوصل لغطا القربه


تحياتي

بالنسبه لكاسكيت الزيت غيره افضل محافظة على بوجيهاتك من الزيت

سعره رخيص وتغييره سهل جدا ومش مكلف

تحياتي

وغير الميا
عشان سنتين كتير

الرداتير واخد هوا
لو مش هتعرف تطلع الهوا من الخرطوم فا ممكن تعمل حا مؤقت
زود مياه عادي والعربية باردة الصبح
وبعدين دور العربية وقبل ما الحرارة توصل للربع افتح غطاء القربة سنة صغيرة لحد ماتسمع صوت هواء
وبعدين اقفلها تاني
واستني دقيقتين وبعدها دوس بنزين لمدة ربع دقيقة كده وبعدها افتح الغطا سنة تاني ةهتسمع نفس الصوت
سيبها بقي لحد ما توصل الحرارة لطبيعتها واعمل كده تاني

وبأذن الله الهوا يطلع
لكن طبعا الأحسن تروح لبتاع رداتير هيفك خرطوم القربة ويطلع الهوا

الزملاء كفوا ووافوا:
1- غير غطاء القربة.
2- خذ هوا دورة التبريد.
3- غير مياه الرادياتير
4- غير جوان غطاء التاكيهات
وبالتوفيق إن شاء الله

علي فكرة نسيت أقول لك إن مشكلتك سببها إن لما المياه بتغلي في الرادياتير وتزيد بتروح القربة ولما تروح المياه الباردة للردياتير ومنسوب المياه فيه يقل ترجع المياه مرة تانية للرادياتير وهكذا ... ودي وظيفة غطاء القربة إللي بايظ عندك وبيخلي المياه الساخنة تروح من الردياتير للقربة وماترجعش تاني للردياتير ودة بيأثر علي القربة

شكرا يا جماعة علي ردودكم ودا شيء متوقع من المنتدي الجميل دة وهحاول اعمل بنصيحكم وبالتوفيق للجميع

انا عندى نفس الحوار وغيرت غطاء الريادتير وجبت واحد بـ 15ج ومن ساعتها الصوت راااح بس هغير غطاء القربة برضه للأمااان وياريت مع دخوول الصيف تنضف دورة الميه الريادتير والقربه بـ 40ج بس والله المستعان

انا ليا استفسار ليه الشرخ ده بيحصل انا شوفته بالصدفه وانا بغير ميه العربيه بس مش متعمق ياعني عامل زي خدش واخد مللي من عمق ؟ بس انا ماغيرتش القربه

كل عيد وانتو بخير جميعا ...... الحمد لله غيرت غطا القربة ب 15 جنيه وعملت كام مشوار والعربية بقت تمام والحمد لله .....وكثير الشكر لكل من شارك

تحياتى للكل
حصل معى نفس المشكله واكتشفت حاجه وقلتها للتوكيل وقال لى احتمال كبير هى السبب وغيرهم وشوف وهى خرطيم المياه الكبيره الداخله للرداتير و الخارجه منه لانها فقدت قوة التماسك بتاعتها واصبحت مثل البلونه تنتفخ مع الحراره وتم تغيير هذه الخرطيم واتحلت هذه المشكله تماما (غليان المياه و شرخ القربه)