طيب ممكن توضح سعر الفلوينس والكماليات والفئات واعتزار على ايه؟؟ ده عادى اوبل مش افضل عربيه فى العالم ولو فى حاجه افضل لازم نعرف الفرق والسعر
عرض للطباعة
هو موضحش الاسعار ولا المواصفات عشان نعرف الفرق
الاسترا افضل بكتير من الفلوانس في كل شيئ من وجهة نظر المتواضعة والقابلة للصواب او الخطأ .... فهي افضل من حيث الشكل من الداخل والخارج او الموتور او الفتيس او الامكانيات ... لكن احقاقا للحق توكيلها سيء جدا منصور هيقضي علي العربية منه لله لو فضل يتبع نفس السياسات في حجز العربية وصيانتها لان العربية بسم الله ما شاء الله تكنولوجيا عالية جدا وهما مش قادرين علي مواكبة التكنولوجيا دي .
بس المهم انا بدعوا كل ملاك الاسترا حاليا ومستقبلا ان شاء الله بعد ما يستلموا عربياتهم اننا نتواصل علي هذا الرابط لعرض اي مشاكل تواجهنا في العربية او في التوكيل وكذلك لعرض مميزات العربية بحيث كلنا نستفيد ونتعلم من بعض .... والله الموفق والمستعان .... مين موافق ؟؟؟؟
او ممكن حد يعملنا موضوع مثبت عنوانه رابطة ملاك استرا
أنا أخر مرة عملت صيانة كانت أول الشهر ده في صيانة الـ20 ألف فرع جسر السويس, و بعد ما خلصت و روحت البيت كتبت فيهم شكوى محترمة على موقع opelegypt.. تاني يوم الصبح كلمني واحد و سمع مني بالتفصيل و فضل يتأسف و أنهم هيحاولوا يحسنوا مستوى الخدمة و الأهتمام بأوبل..
ربنا يسهل و يتظبطوا على الصيانة الجايه و إللا الخطوة الجاية هتكون شكوى في أوبل ألمانيا..
[QUOTE=dede_dodo88;3874823661]أنا أخر مرة عملت صيانة كانت أول الشهر ده في صيانة الـ20 ألف فرع جسر السويس, و بعد ما خلصت و روحت البيت كتبت فيهم شكوى محترمة على موقع opelegypt.. تاني يوم الصبح كلمني واحد و سمع مني بالتفصيل و فضل يتأسف و أنهم هيحاولوا يحسنوا مستوى الخدمة و الأهتمام بأوبل..
ربنا يسهل و يتظبطوا على الصيانة الجايه و إللا الخطوة الجاية هتكون شكوى في أوبل ألمانيا..[/QUOTE
انا حاسس ان توكيل منصور مش فاهم في العربية وبيضحكوا علي الناس في حاجات كتير وعملوا معايا حاجة غريبة جدا ... انا كان عندي رجة خفيفة جدا جدا في الدريكسيون وانا جايب الفتيس علي r ( مرشيدير ) ودايس علي الفرامل لفترة قصيرة ( بتحصل معايا وانا بركن العربية بس ) فقولتلتهم عليها ... لقيتهم بيقولولي دي حاجة بسيطة في السوفت وير وسابوني ساعة تقريبا وقالولي خلاص عملناها فاخذت العربية ومشيت .... ففوجئت انهم عملوا حاجة في ( الار بي ام ) يعني لما بجيب ال (D) بلاقي العربية مشيت لوحدها لغاية سرعة 8 تقريبا وكان من مميزات العربية من اول ماجبتها ان وانا جايب (d) العربية مش بتمشي خالص .... فرجعتلهم تاني يوم وقولتلهم رجعولي العربية زي ماكانت ففوجئب بردهم بيقولولي ما ينفعش احنا عمالنا update للسوفيت وير وده السوفت وير الجديد ليها وكنت حاسس وهما بيكلموني انهم كدابين جدا ... المهم بدون اطالة وبعد خناقة وشد وجذب قعدت في التوكيل 4 ساعات وشايفهم جايبين الاب توب وموصيلينوا بالعربية قالولي احنا كل اللي قدرنا نعملوا اانا عملنا reset للموتور وكانت النتيجة ان العربية بقت بتمشي علي سرعة 5 وانا جايب (D)..... المهم خدت العربية وحلفت ما انا رايح عندهم تاني من اللي شوفته ومن شكاوي كتير من الناس اللي بتعمل صيانة هناك ... لكن يبقي السؤال الواحد يعمل الصيانة فين ؟؟؟؟ في ناس بتقولي علي ياسين اللي في طريق السندباد بمصر الجديدة ؟؟؟
وياريت لما تعمل شكوي في المانيا ابقي قولي علشان تبقي شكوي جماعية
أعتقد أنه الطبيعي في الأوتوماتيك ان العربية تمشي أول ما تنقل للـD و ده اللي بيحصل عندي من أول ما جبت العربية..
أنا في عندي حوار بقى مش عارف أظبطه أزاي.. السنترال لوك عندي كان بيقفل لوحده أول ما بنقل للـD و بيفتح أول ما أجيب P.. دلوقتي مبقاش يفتح لوحده و لما أجيب D لازم العربية تتحرك شوية عشان يقفل مش زي الأول كان بيقفل على طول!!..
خلاص أنت معايا الشكوى الجايه ان شاء الله lol
النسبة للسنتر لوك انا عمره مان بيقفل علي d وبيفتح علي p ... هو بيقفل اول لما امش وبيفتح لما اقفل الكونتكت
بس انت شجعتني ولسة قافل التليفون مع اوبل ايجيبت ورزعتهم شكوي محترمة وقالولي ان الادارة هتكلمني بعد 48 ساعة
بعد اذنك انا هبعتلك رقم تليفوني علي الخاص بتاعك ولو تكرمت ابقي كلمني او ابعتلي رقم تليفونك
ملحوظه بس
اى اوتوماتيك المفروض على الd يمشي لوحدو بسرعه بطيئه اوى و ده الصح الطبيعي :)
انا عارف ده كويس وكنت راكب اتوماتيك ..... لكن العربية كان ميزة فيها انها مش بتتحرك وانا جايب d الا لما ادوس علي البنزين ودي كانت ميزة جميلة جدا فيها ... ثانيا العربية حصل فيها لخبطة في الار بي ام وانا بدورها الصبح يعني كان الصبح بيثبت علي 750 مجرد ما دورت العربية لكن بعد اللي عملوا التوكيل بﻻقي الار بي ام وانا بدورها الصبح بيعدي 1000 لمدة ثﻻث دقائق وبعدها يثبت علي 750 ..... وللعلم هما قالولي انهم رفعوا الار بي ام بتاع العربية ال 825 والاستاندر بتاع العربية 697 بالظبط وكانت المشكلة معاهم انهم مش عارفين يرجعوه تاني ذي الاستاندرد بتاعه وبتسمع منهم اي كﻻم في اي كﻻم ... هو ده تقريبا الموضوع
عازين تعرفوا كمان المصيبة الكبيرة اللي عملوها ومكنتش عايز اقولها الا بعد ما ادارة منصور ترد علي شكويتي اللي قدمتها امس ؟؟؟؟
للاسف الباشوات اللي في التوكيل بتاع منصور اللي في الصحراوي بعد ما خلصوا العربية ورايح استلمها فوجئب با العربية حد راكبها وخارج بيها من المركز الساعة عشرة صباحا بالضبط فروحت سألت مهندس الاستقبال هية العربية خرجت ليه ففؤجت انه بيقولي هيسأل ويرد عليا وبعد ربع ساعة روحتله تاني لقيته بيكلم واحد اسمه مهندس حازم بيقوله انت فين صاحب العربية بيسأل عليها وبعد ماقفل قالي بيجربوا العربية وجايين حاﻻ ... المهم العربية دخلت المركز الساعة 10.35 بالظبط ولقيت زيادة في عداد العربية 30 كيلوا فزعقت في المهندس اللي استلم مني العربية وقولتلهم ازاي يخرجوا يجربوا العربية وانا شكوتي والعربية واقفة مش وهية ماشية وبعدين اي تجربة للعربية ﻻزم تتم والمالك راكبها ... خﻻصة الموضوع لقيته بيقولي ده مدير عام الصيانة بيتاكد ان العربية مفيهاش حاجة وبعد مشادات كتير قرفت منهم ومشيت وكلمتهم امبارح في الادارة وتركت شكوتي وقالولي الادارة هترد عليك في خﻻل يومين عمل قاعدوا يتاسفولي كتير وقالولي ان الموضوع ده مش هيعدي بالساهل واديني منتظر ردهم لكن في جميع الاحوال توبة اروح لمنصور تاني
طيب هو منصور شارع الطيران وحش كده بردوا؟
بس على فكره مش منصور بس شوف فولكس واودى عامل ايه هتعرف ان اوبل اقرب لفيات فى المعامله وقطع الغيار
من مبدأ أعطي كل زي حق حقه ... بصراحة انا امبارح كنت بعمل صيانه ال 5000 كم في منصور جسر السويس واخيرا حلولي مشكلة الرجة اللي كنت بشتكي منها قبل كدة واللي كانت بتحصل وانا دايس علي d او r ومحمل علي الفرامل شوية ، بصراحة الموضوع ده كان مضيقني اوي خصوصا اني روحتلهم والعربية 3000 كم في التوكيل بتاع الصحرواي ومعملوش فيها حاجة ..... والعربية بقت حاجة تانية بجد
الحمد لله مبروك تانى
على فكره منصر سحب صيانة اوبل من كل الفروع ماعدا ابو رواش وجسر السويس هما دول بس الى بيعملوا صيانة الاوبل فى القاهره فقط لاغير
ليييه شركه جنرال موتورز تنزل نفس الموتور والفتيس والتابلوه والدركسيون في شيفروليه الكروز الجديده اللي هما نفس اللي موجودين في الاوبل ويا تري الفرق في العفشه بس ، ويا تري ده في مصلحتنا ولا الكروز بقت تساوي الاوبل ..... جنرال موتورز خلت كله زي بعضه للاسف !!!!!!!!!!!!!!!!!!!
[QUOTE="karim gamal;2147483647"]ليييه شركه جنرال موتورز تنزل نفس الموتور والفتيس والتابلوه والدركسيون في شيفروليه الكروز الجديده اللي هما نفس اللي موجودين في الاوبل ويا تري الفرق في العفشه بس ، ويا تري ده في مصلحتنا ولا الكروز بقت تساوي الاوبل ..... جنرال موتورز خلت كله زي بعضه للاسف !!!!!!!!!!!!!!!!!!![/QUOTE
نفس الموتور والفتيس ماشى
لكن نفس التابلوه والدركسيون فين بقى؟
حضرتك شوفت الاثنين؟
لا هو نفس التصميم ولا الالوان ولا الإضاءة ولا الفرش
اما عن الفروق التقنية فالاسترا تتفوق فى حاجات كتير
تجهيزات السلامة الاساسية زى ESP, 4Airbags وكمان Hill Assist (المساعدة على المرتفعات) وفرامل يد اليكترونية
العفشة مختلفة زى ما حضرتك قولت
ده غير بقى الاسترا الكوزمو فيها مثبت سرعة ومحدد سرعة ومدخل AUX, USB وتكييف اوتوماتيك تاتش مع كليماترونيك ومرايات ذاتية التعتيم وده كله مش فى الكروز الهاى لاين.
مش معنى الموتور مشترك ان العربيتين بقوا واحد.
فى عربيات صينى كثير واخده مواتير وفتيس من ميتسوبيشى ومازدا وتويوتا، ده ما يخليش العربية الصينى زى الياباني
بص اعمق من الموتور حتلاقى فروق كثير جوهرية
تحياتى
يارجاله هى العربيه لسه بتتباع بنظام الحجز والاوفر برايس ولا ايه النظام ؟
بعد ما السعر ارتفع طبعاً معدش فى حجز
هو الاسعار بقيت كام دلوقت
الاسعار 172.500 للانجوى سيدان و 188.500 للكوزمو
وللمهتمين بشراء العربية
http://www.nilemotors.net/Nile/346538-2013.html
اللي بيشتري يشوف عند الموزعين المعتمدين مش من منصور نفسه. فيه موزع بيعمل خصومات بتوصل لـ 3000 جنيه في الكوزمو (يعني 185 ألف) و 2000 في الإنجوي (يعني 170 ألف) بس مش عارف لو حطيت اسمه هنا الإدارة يمكن تعتبرها دعاية. عموما هو في المهندسين واللي يعوزه يبعتلي على الخاص لو محتاج يوصله.