ممكن ببساطة كان وضحله النقطة دي
بس ملحوظة صغيرة كده :
استرا الجديدة مش بتتجمع غير في ألمانيا و انجلترا و بولندا و روسيا
مفيش جنوب افريقيا والهند و مصر ,ده كان زمان
عرض للطباعة
الصراحة
من فترة كانت كلمة Made-in-Germany/Italy/Japan ليها وزن
دلوقتى الصناعة إتغيرت.. عشان المعايير والـStandards بتاع الشركات المحترمة..
+ المكونات والـQuality measures واحدة؟!!
يعنى الأسترا اللى معمولة فـ بولندا:
هتلقى ECU و injection وطلمبات كلها بوش، الكهرباء والحساسات كلها ماريللى...etc
- زى بتاع ألمانيا بالضبط.
وكذلك الفوكسهول فـ إنجلترا، وحتى الهولدن فـ أستراليا.. هتلاقى نفس الكلام!!
مش عايز أقول: دا ممكن الروبوتات اللى بتجمع تبقى واحد Comau مثلا المنتشر فـ المصانع الأوروبية.
وأيا كانت نسبة المكون الـLocal على فكرة.. ماهو فـ الأول والآخر فيه Specs لااااااااااازم يعديها قبل التصنيع/التجميع،
وفيه مواصفة منتج نهائى برضه لازم conform!
الكلام ده (تقفيلها فين) مش فـ الشركات دى؟؟!!! ههههههههههههههههه
- ما الجيتا كانت مكسيكى؟!! وكانت Typical = جولف + شنطة زى الألمانى!!
الميجان واللينيا تركى.
بس طبعا الكلام ده مش فـ النيسان صنى -مثلا (الصراحة انا كنت فاكرها كده لحد ماركبتها قديم وجديد)
وعندك عربيات زى السيراتو والإلنترا كورى و made-in korea.. بس عشان مواصفاتها على قدها: ولا هتفرق لو متجمعة فـ ألمانيا حتى؟؟!!! Lol
بالنسبة لجزئية المعلومات المغلوطة فـ التوكيل -عن تسارع/توب-سبيد المانيوال vs الأوتو:
- أنا بس مش عارف ليــــه ماقدرش يكذب فـ الهاتشباك (لا N/A ولا تربو).. وكذب فـ السيدان؟!!
يمكن عشان المصريين بيفضلوا السيدان - والهاتش ليها ركيبة (بيدققوا شوية)؟؟!!!
ومتفق جدا ان المستهلك المصرى -ضايع- ولا بيبص على Specs ولا أرقام أداء وإستهلاك وقود والحاجت دى،
وبيشترى عـ السمع من جاره/زميله اللى مش عارف حاجة زيه؟!! ههههههههههههههههه
Rgds،
أنا كنت بسمع ان سمعة توكيل منصور مع شيفورليه مش كويسه يا تراه سمعه أحسن مع أوبل ولا ايه؟
عيزك تركز يا احمد شويه :Oc_sun1[1]: انا بتكلم ان جى ام المصنع المجمع للعربيه موجود فى كل الاماكن دى والاداره هى اللى بتحدد ايه يخرج منين يعنى الهند حالياً بتنتج قطع غيار اوبل الى اليوم وبعض موديلات جى ام ومصنع جى ام فى مصر بيجمع العربيات النقل وجنوب افريقيا بيجمع موديلات شيفورليه تانيه وادارة جى ام بتتصرف بمزاجها يعنى الاوبترا والافيو بره مصر بينزلو بأسم دايو لأن جى ام اشترت مصنع دايو من سنين وحتى اوبل فى انجلترا بتنزل فوكسهول واستراليا هولدن وبعض الدول بتنزل شيفورليه ويا ابو حميد لو الناس بالدقه دى فى بلد المنشاء مكنوش اشترو العربيات الصينى المرفوضه فى دول تانيه او اشترو الشيروجى والرانجلر المتجمعين فى مصر والبى ام والمرسيدس المتجمعين هنا برضو واكيد بولندا افضل من مصر فى كل حاجه والجدال الحالى يفضل يتحول للكماليات عشان نتحرك للناحيه العمليه والعلميه يا ابو حميد
عربية فعلا شكلها حلو
موتور boxer
AWD
VDC
ABS-EBD-EBA
4 airbags
فاميه
bluetooth
جنط 16
فوجات
multifunction
aux-usp
تكييف اوتوماتيك
الفئة اللي بـ 160 ألف دي جميلة جدا
وعلى فكرة العربية مش تقيلة ولا حاجة
0-100 في 12.6 sec ,رقم كويس جدا
أنا رأيي مش ناقصها غير parking sensors و cruise control
و دول ممكن تركبهم عادي
بيتهيألي دي منافس جامد
مع انى مبكرهش فى حياتى اد اليابانى , الا انى بحترم الهوندا و السوبارو .
الهوندا لان كان معايا واحدة 96 اللى اسمها الدولفن دى , بتاعت واحد صاحبى 1500 اوتو ,, و حصل مرة ان كان فى مشوار لازم نطلعو حالا فى اسكندرية و نرجع تانى بسرعة . و انا اللى سوقت ..
عايز اقولك ان الكيك داون ب 180 وش ... مبتهزرش , اة الهاندلنج مش زى الفكترا . بس جميل و عجبنى اوى ماتورها . تسارع جميل اوى ..
فخدت الطريق على 180 . بس و احنا راجعين رعبتنى لما لقيتها بتفصل ؟! .. الفتيس مبقاش مستحمل السرعة بيقوم محول لوحدو على d !! .. اسيبها تهدى شوية و ارجع تانى برضو ربع ساعة كدة و نفس الحوار مش فاهم لية
و السوبار . لانى واحد قريبى ماسك البراند دة فى عز العرب تقريبا . بيحكيلى عنها اشعار .. و بصراحة العربية شكلها اد الكلام دة من اللى الواحد بيسمعو .
مع انى برضو لو معايا 160 عمرى مهركب حاجة يابانى .
جماعة هى الاسترا الجديدة ارتفاعها كام سم عن الارض علشان حاسس انها مش عالية عن الارض بس مش واطية قوى؟
+1
كلامم سليم, و نظريا المفروض ان العربيات اللى بتبقى دواسه البنزين كهرباء بتبقى مجهزة ومهيئة لمثبت السرعه, الموضوع كله بيبقى كام قطعه غيار على شغل برمجه للكونترول يونت بس للاسف الشركات دى مش بتعمل الموضوع ده عشان تقدر تميز الفئات الاعلى زى 2000cc و2400 وشرحه
لو عايز تركب مثبت سرعه فعلا عليك وعلى الحرفيين وشوف ميين هيقدر يخلعلك قطع الغيار المطلوبه من موتور اعلى بينزل بيه ستاندرد ويركبهولك ومظنش قلبك هيطاوعك انك تعمل التعديلات دى فى عربيه زيرو والوكيل هيخرجك وش من الضمان
طبعا اشكر كم كلكم في قسم اوبل علي انكم شجعتوني اسحب حجز الفلونس و اقتنع بالاسترا ورحت فرع المنصور في اسيوط ٣ مرات و اتفرجت عل العربية الاوبل استر السيلفر اللي هناك و قالولي دي مش محجوزة و لو عايز تاخدها تبقي ملكك...وكل يوم اسأل عليها عشان اعرف اذا كانت اتحجزت ولا لا يقولولي لأ..وخليت المدام و اخو المدام راحوا شافوها كمان وسألوا عنها...
وفي اليوم اللي رحت عشان اجيبها قالولي قال ايه العربية متباعة...قولتلهم امتي؟ ده انا باٍسأل كل يوم..قالولي دي متباعة من قبل ما تيجي الفرع اصلا و هي في الفرع لغاية ما صاحبها يستلمها...بقي بالذمة ده كلام يا جدعان وتقولولي اوبل و منصور وبتاع...والله حرام العالم دي تاخد توكيل زي اوبل...وعشان خاطر منصور لا هاجيب اوبل و لا اي ماركة من تبعهم
وكمان ايه..اتصلت ٤ مرات بالنمرة ١٦٤٢٤ و كل مرة ياخدوا بياناتي ويقولولي حد هيتصل في خلال ٤٨ ساعة و اديلي ٣ مرات و لا مرة حد اتصل
بالذمة ده كلام....
بصراحة انا راجع تاني للناس المحترمة بتاعة توكيل رينو...ووالله لو الاوبل دي بتطير مش بتمشي مش هشتريها الا لو سابها المنصور..اذا كان بيعملوا كدة مع واحد عايز يشتري العربية اما يعملوا ايه لما يحصل عطل و لا محتاجة صيانة...
الله الغني
ايوة انا اقصد كده فعلا و دورت فى الكتالوج و على النت مالقيتش حاجة بس رحت المعرض اللى فى شارع الطيران و بالمرة اتفرج على العربية سالت الاخ بتاع المبيعات الاول قاللى مش عارف انما بعد كده قالى من الجنب 18 سم و من قدام 16 سم صراحة كلامه مش مؤكد بس يعنى لما شفتها على الحقيقة لقيت ان الارقام دى ممكنة على الاقل ال16
اما بقى بالنسبة للعربية عامة و الخامات هاقولها كلمة بامانة العربية دى حلوة للى هيجيبها فئة اولى للى ب155 باكو لانه مقارنة بمثيلاتها على الفئة السعرية مفيش حاجة احسن بنفس الكماليات
انما اكتر من كده فى حاجات احسن كتير و بعدين العربية شبابى اكتر لان الصالون مش واسع من ورا فماتكونش عائلية مريحة
:stink[1]:
طيب بعد التحية
انا حجاز فلوانس بقالى اسبوعين و بعد مشوفت الاسترا عجبتنى جداً فانا مش عارف اعمل اية
و بعد مشوفت ان توكيل منصور شكله مش بيهتم بحد و كمان بيوقلك لسه بيشترى امال لو حصل عطل هيعملوا اية احتمال يطردونى برة التوكيل و يقولولى متجيش هنا تانى :C_laugh[1]:
قولولى اية الحل ؟؟؟
انا نزلت شوفتها في الطيران وكانت الفئة الاولى وهناك قالولي ان الفئة التانية مش موجودة الا في مركب لو باشا اللي في الزمالك ومش موجودة في اي معرض لمنصور حاليا .... ولما سألته صناعة ايه ؟؟ قالي الماني وتقفيل بولندي .... بالامانة العربية حلوة اوي ما شاء الله وسعرها ممتاز
لدرجة اني بفكر بجدية اني ابيع اللانسر واجيبها قسط هههههههههه وبلاها جواز بقاااااا لأن بصراحة بقالي كتير اوي مشوفتش عربية محترمة وداخلة دماغي زيها كدا وشكلها حلو اوي
تاني فئة كانت معروضة في الطيران من فترة وقت أما روحت أتفرج.. بس كده واضح أنها أتباعت..
و من يومين كده عديت على فرع المهندسين كان معروض هناك أول فئة بس.. و كان في ناس كتير رايحة تتفرج و كان شكلهم مهتم بالعربية..
بس السخيف بقى هو أن التسليم لأول فئة بعد 45 يوم. و تاني فئة بعد 75 يوم!!!.. و الله أعلم بقى خلال الفترة دي يجي يقولك السعر زاد وللا حاجة!!..
مش عارف ليه هما مصممين يوطدوا الفكرة السيئة اللي الناس وخداها عن التوكيل!!
متكملوا حملة الدعاية الكويسة اللي أنتوا عاملينها و بلاش تماطلوا في مواعيد التسليم!!..
هو يمكن اللي حصل ده بيبقى حالة فردية..
لكن للأمانة أنا لحد دلوقتي مبسوط من تعامل التوكيل معايا..
حجز الصيانة سهل و قبل الميعاد بيتبعتلي sms كتذكرة بالميعاد..و بروح بدخل في معادي على طول. التكلفة معقولة مش غالية.. المعاملة محترمة.. و المهندس بنفسه هو اللي بيشرف على صيانة العربية.. و في المرات اللي عملت فيها الصيانة بعدها بكام يوم حد بيكلمني و بيسألني عن مدى رضايا عن الخدمة و بيسألني العربية عاملة أيه بعد الصيانة..
بص صدقنى الاتنين حلوين بس الصراحة الاسترا شدانى و التكنولوجيا بتاعتها لا يعلى عليها
اه اينعم انا هضحى بالزينون و فتحة سقف لو اخترت الاسترا بس هكسب esp و كفاية اسم الاوبل
بس اية حوار ال 75 يوم دة طب دنا احجز مودبل السنة اللى جاية اكرملى D:
لا بجد 75 ولا دة هزار !!
انا مش شايف ٧٥ يوم كتير يا جماعه لعربيه هتعد معاك سنين ان شاء الله والمده تدل ان الطلب كتير جداً على العربيه
انا لم قلولى كده قلتلهم زى محضرتك اقترحت نجيب احنا الزينون وهما يركبوا قلولى لا ولو ركب هيخرجوا العربية من الضمان قلتلهم ركبوا عندكم فى التوكيل ردو بنا هما مينفعش يركبوا بس هما اخدوا ملحوظة وقلولى هيبلغوا الاداره بيها لانى فى اكتر من حد سءل على الموضوع ده
هوا لي يجماعة محدش جايب سيرت الفورد فوكس في المقرنات
ياريت حد يقولي مين احسن انا شيف انهم اريبين اوي من بعض و كمان اسعار قطع غيار الفورد ارخص ؟؟؟؟
طب دلوقتى يا جماعة بالنسبة للتيربو فى واحد قالى انه بيبقى عبارة عن زرار تشغله يبقى الموتور تيربو و تطفيه يبقى الموتور عادى هل ده صح و الا لا و لو صح هل فى حالة انى طافيه استخدم بنزين 92 و مشغله استخدم 95؟
مفيش أي أخبار عن الستيشن؟؟؟!
مفيش عربيه نازله زينون بعلى ويوطى لواحدو فى رنج سعر الاوبل والانسر اعلى فئه فقط هى اللى فيها لمبه بتنور وع حودة الدركسيون لكن اوبل نظام اعلى عدسة الفانوس نفسها بتتحرك مع الملفات وفى حساس نور بيوطى النور لوحدو للفنوس الشمال لو فى عربيه مقابله والموضوع معقد اكتر مما تتخيل
السلام عليكم يا رجاله
المبيعات الى فى الطيران قالى ان الموتور التربو شغال بنزين ٩٢ عادى علشان نسبة الانضغاط مش عاليه اوى و ان هما سألو و اتأكدو من اوبل قبل ما يجبوها علشان موضوع رفع الدعم عن ال٩٥
والله وحده اعلى واعلم