الموضوع: المواصفات والاسعار لأسترا سيدان 2015 بمصر

المشاركة الأصلية كتبت بواسطة mfrateb

انا بستغرب ان البوست ده لسه شغال...بصراحة الاعضاء يستاهلوا جايزة في طول النفس...انا اصلا كنت معجب بالعربية دي لغاية ما فحصتها اكثر من مرة...واكتشفت ان اوفر برايس خالص.وتوكيل تعبان..نصيحة لوجه الله...عليكم بالفلوينس....هي سيارة مصر الاولي بلا منازع...صراحة فيها كل شيء...وقطع غيار متوافرة...والتوكيل محترم محترم محترم...وعلي فكرة اللون الابيض نزل منها...تحس انها حصان مجنج رابض علي الارض...مع اعتذاري للاوبلاوية...

انا بس ليا تعليق بعد اذنك
انا كنت هجيب الفلونس لكن بعد مقارانات كتير مع الاوبل
لقيت في فرق كبير بينهم خصوصاً من ناحيه الامان و تصفيح العربيه ( افتح كبوت كل واحده وقارن ) و كمان التابلوه الفلونس وحش اوووووي بالنسبه للاسترا ( اذواق)

الاسترا افضل بكتير من الفلوانس في كل شيئ من وجهة نظر المتواضعة والقابلة للصواب او الخطأ .... فهي افضل من حيث الشكل من الداخل والخارج او الموتور او الفتيس او الامكانيات ... لكن احقاقا للحق توكيلها سيء جدا منصور هيقضي علي العربية منه لله لو فضل يتبع نفس السياسات في حجز العربية وصيانتها لان العربية بسم الله ما شاء الله تكنولوجيا عالية جدا وهما مش قادرين علي مواكبة التكنولوجيا دي .

بس المهم انا بدعوا كل ملاك الاسترا حاليا ومستقبلا ان شاء الله بعد ما يستلموا عربياتهم اننا نتواصل علي هذا الرابط لعرض اي مشاكل تواجهنا في العربية او في التوكيل وكذلك لعرض مميزات العربية بحيث كلنا نستفيد ونتعلم من بعض .... والله الموفق والمستعان .... مين موافق ؟؟؟؟

او ممكن حد يعملنا موضوع مثبت عنوانه رابطة ملاك استرا

[QUOTE=dede_dodo88;3874823661]أنا أخر مرة عملت صيانة كانت أول الشهر ده في صيانة الـ20 ألف فرع جسر السويس, و بعد ما خلصت و روحت البيت كتبت فيهم شكوى محترمة على موقع opelegypt.. تاني يوم الصبح كلمني واحد و سمع مني بالتفصيل و فضل يتأسف و أنهم هيحاولوا يحسنوا مستوى الخدمة و الأهتمام بأوبل..
ربنا يسهل و يتظبطوا على الصيانة الجايه و إللا الخطوة الجاية هتكون شكوى في أوبل ألمانيا..[/QUOTE


انا حاسس ان توكيل منصور مش فاهم في العربية وبيضحكوا علي الناس في حاجات كتير وعملوا معايا حاجة غريبة جدا ... انا كان عندي رجة خفيفة جدا جدا في الدريكسيون وانا جايب الفتيس علي r ( مرشيدير ) ودايس علي الفرامل لفترة قصيرة ( بتحصل معايا وانا بركن العربية بس ) فقولتلتهم عليها ... لقيتهم بيقولولي دي حاجة بسيطة في السوفت وير وسابوني ساعة تقريبا وقالولي خلاص عملناها فاخذت العربية ومشيت .... ففوجئت انهم عملوا حاجة في ( الار بي ام ) يعني لما بجيب ال (D) بلاقي العربية مشيت لوحدها لغاية سرعة 8 تقريبا وكان من مميزات العربية من اول ماجبتها ان وانا جايب (d) العربية مش بتمشي خالص .... فرجعتلهم تاني يوم وقولتلهم رجعولي العربية زي ماكانت ففوجئب بردهم بيقولولي ما ينفعش احنا عمالنا update للسوفيت وير وده السوفت وير الجديد ليها وكنت حاسس وهما بيكلموني انهم كدابين جدا ... المهم بدون اطالة وبعد خناقة وشد وجذب قعدت في التوكيل 4 ساعات وشايفهم جايبين الاب توب وموصيلينوا بالعربية قالولي احنا كل اللي قدرنا نعملوا اانا عملنا reset للموتور وكانت النتيجة ان العربية بقت بتمشي علي سرعة 5 وانا جايب (D)..... المهم خدت العربية وحلفت ما انا رايح عندهم تاني من اللي شوفته ومن شكاوي كتير من الناس اللي بتعمل صيانة هناك ... لكن يبقي السؤال الواحد يعمل الصيانة فين ؟؟؟؟ في ناس بتقولي علي ياسين اللي في طريق السندباد بمصر الجديدة ؟؟؟

وياريت لما تعمل شكوي في المانيا ابقي قولي علشان تبقي شكوي جماعية

المشاركة الأصلية كتبت بواسطة dede_dodo88

أعتقد أنه الطبيعي في الأوتوماتيك ان العربية تمشي أول ما تنقل للـD و ده اللي بيحصل عندي من أول ما جبت العربية..

أنا في عندي حوار بقى مش عارف أظبطه أزاي.. السنترال لوك عندي كان بيقفل لوحده أول ما بنقل للـD و بيفتح أول ما أجيب P.. دلوقتي مبقاش يفتح لوحده و لما أجيب D لازم العربية تتحرك شوية عشان يقفل مش زي الأول كان بيقفل على طول!!..

خلاص أنت معايا الشكوى الجايه ان شاء الله lol

النسبة للسنتر لوك انا عمره مان بيقفل علي d وبيفتح علي p ... هو بيقفل اول لما امش وبيفتح لما اقفل الكونتكت
بس انت شجعتني ولسة قافل التليفون مع اوبل ايجيبت ورزعتهم شكوي محترمة وقالولي ان الادارة هتكلمني بعد 48 ساعة
بعد اذنك انا هبعتلك رقم تليفوني علي الخاص بتاعك ولو تكرمت ابقي كلمني او ابعتلي رقم تليفونك