هي العربيه دي محدش بيعتب عندها ليه
ايه ياخونا ....انا شايف ان سعرها ممتاز جدا ومش مبالغ فيه نهائي...وافضل من سيارات كتير اغلي
عرض للطباعة
هي العربيه دي محدش بيعتب عندها ليه
ايه ياخونا ....انا شايف ان سعرها ممتاز جدا ومش مبالغ فيه نهائي...وافضل من سيارات كتير اغلي
كفايه انها دفع رباعي
يعني تتقارن بالبي ام والمرسيديس فولفو جاجوار
كل العربيات المحترمه علي مستوي العالم متمسكه بالدفع الخلفي والرباعي
مش 2 كبالن يشدوا العربيه من الامام وخلاص
لكن المصريين ليهم طبيعه خاصه في شراء وركوب العربيات
بص انا بتكلم بحماسه اوي
بس لو فكرت اشتري ...هخاف اجيبها....هبقي انا اللي ماشي بيها فمصر بس ...محدش يقولي تميز....دي سحوله
كحوله
مش سحوله
لانك ولا هاتعرف تبيعها ولا تصلحها
طبعا معاك
زي كان في موضوع عضوه كريمه داخله بتسال علي الفورد فيستا
عضو كريم نصحها بيها
طيب ياخي
حد في مصر كلها من اسكندريه لاسوان شاف الفيستا في الشارع
مره واحده طوال عمري ال40 اللي شفت فيها افيستا الجديده
اصلها الماني واعتماديه
وانا بركب عربيه لنفسي مش للناس
طب لما احب اصلحها او ابيعها اعمل ايه
الفيستا موجوده بس قليله اوووووووووي اووووووووووووووووووووووي
برغم إن حضرتك من أشد المعارضين للعربيات دى عشان انتشارها وقطع غيارها
العربية دي هي وال alfa romeo بيرفعوا معنوياتي
بيحسسوني إن citroen انتشارها رهييب :36_2_33:
انا بقي واحد من اللي كان معاه سوبارو
ودلوقتي معايا الفا روميو
كده انا مش محتاج ارد (بلاش احسن)
لإعلا انا مستغرب ملقتش ولا واحده فى الشارع
مع انى شفت سيتروين ds5 حوالى 3 مرات ههههههههههه وكمان 508 كتيير و الفوكاس الجديدة
يعنى اشمعنى الامبريزا متباعتش !
انا شوفتها فى المعادى مره واحده بس امبارح كان لونها طوبى حاجة كده وهم بس مش عارف ليه ولا بشوفلها اعلان على التلفزيون ولا الراديو ولا اى حاجة نهائى
و وريتها لوالدى فى بروشور و عجبته و لناس صحابى مكانوش مقتنعين ولما شافوها اقتنعوا
بس هيه عربيه حلوه جدا جدا و سعرها كويس بس عايزه اهتمام و عروض من ابو الفتوح شويه
انا شفت يجي 3-4 في نطاق مدينه نصر
اللون اللبني و الاسود و الفضي
و الفيستا برضه بشوفها
مش نادره و لا حاجه
انا شفتها 3 مرات .. طوبي واسود وفضي
بالنسبه لندرتها وصيانتها .. المهم ان الوكيل يكون بيعرف يصلحها وعنده قطع غيارها يبقى مفيش مشكله لان افتكر عربيه زي دي مش محبذ حد يحط ايده فيها بره التوكيل
ابو غالي محتاج يكتر الاعلانات شويه لانها في الفئه دي من احسن العربيات في الامكانيات خاصة الميكانيكيه وعوامل الامان
بس هي لازم تمشي ببنزين 95 ؟؟
أنا امبارح شفت 508 معدية من عندننا وشفتها قبل كدا فى المنيا برضه لكن ما شفتش ولا إمبريزا حتى الإمبريزا القديمة
بشوفها هاتش باك جماهيرية ليبية أكتر من مرة اللى هى الشكل القديم
العربية رائعة فعلا ولاكن عدم انتشارها لعدة اسباب
1/ توكيل سىء جداا لا صيانة ولا بيوفر قطع غيار ولاخدمة قبل الشراء مش بعد الشراء اى استفسارات الناس دة تايهة ميعرفوش حاجة ب ممكن اى حد بيسال سواء على الانترنت او فى الشارع يتقال لة نفس الكلام لان التوكيل سمعتة سبقاة
2/ وقت نزول السيارة بعد انتشار السيارات الاخرى بفترة كبيرة ودة سبب اكيد فى ضعف تواجدها مقارنة بالباقى
3/ السوق المصرى فى ظل الظروف الحالية صعب اى حد يخاطر بمبلغ 150.000 فى سوبارو مش لعيب بها او انها سيئة طبعا حتى لو مقتدر ماديا بيزود ويركب سيارة معروفة اكثر وسعرها ثابت ولها باع فى السوق على راسها سكودا اوكتافيا
4/ وجود سيارات بتقضى الغرض وبسعر اقل ومنتشرة بصورة كبيرة واظن هى الفئة الغالبة حاليا فى السوق من 100.000 ل 120.000 فالاغلب من الطبقة المتوسطة بيدور فى المعروق والسهل بيعة نظرا لقناعة شخصية انة منتشر وحيلاقى الشكل البيحلم بية بسعر قليل
5/ نظرا لكثرة السرقة والحوادث الفترة الاخيرة الكل بقى بيدور على اسعار صيانة وتوكيل معروف بل وشركة تامين لاننا اصبحنا عايشيين فى كوكب مصر كوكب لة قوانين خاصة وفكر خاص واسلوب قيادة عكس كل البشر
واسف على الاطالة :)
شوفتها انهارده لتانى مره فى المعادى فى طريق اللاسلكى الى راكبها خد بيها غرزه مقفوله على سرعه حوالى 40:50 كده لو عربيه تانيه كانت عملت معاه الدنيئه فى الطريق و السوبارو ولا كأنه بيلعب بيها و لا بيهمها ما شاء الله عليها
شفتها النهاردة في المعادي
فضي الفئة الاولى
فى نقط كلامك صح فيها زى 3 و 4
بس بالنسية للنقطة 1 ( عرفت منين انه توكيل سئ جدا و انه مفيهوش صيانة و كده !!!! حضرت جربته ؟؟؟ و لا دى وجهة نظر عن طريق السمع من ده و ده؟؟)
التوكيل و عن تجربة ليا بعربيتين 2004 و 2009 : توكيل تعاملاته ممتازة و قطع الغيار متوفرة , الحمد لله مفيش مرة رحت أعمل صيانة و ملقيتش قطع غيار طوال ال 8 سنين اللى فاتو و ده اللى شجعنا و جبنا موديل 2009 .... و بالنسبة لسؤال الشارع اللى انت بتقول عليه : مفيش أكتر من الفتايين فى الشعب المصرى....
علشان تدى رأيك فى حاجة لازم تكون مجربها ده اللى اقتنع بيه...
عموما شراء العربيات وجه نظر و كل واحد يشوف ايه اللى بيرتاح له .....
وتوضيح لنقطة و بالنسبة لسؤال الشارع اللى انت بتقول عليه : مفيش أكتر من الفتايين فى الشعب المصرى....
السؤال فى الشارع المصرى اراء الناس عموما او حتى من اصحاب التوكيلات المنافسة دة سبب ان السيارة فشلت تسويقيا دة الاقصدة بجانب عدة نقاط اخرى ذكرتها ردا على صاحب الموضوع ومبعتش غير بصورة قليلة لان التوكيل غايب مبيقدمش عروض او بيسوق صح للعربية او توفير معلومات يحسد الفترة الاخيرة بموضوع الاعلانات فى رمضان :) عامة كل شخص بيقول راية على حسب تجربتة الفردية ودة مش مقياس مجرد وجهة نظرة الشخصية ومن يريد الشراء فلة مطلق الحرية ..
طيب حضرتك بتقول ان قريبك كذا مرة ملقاش قطع غيار و لما لقيتوا كان مبالغ فى سعرها : زى ايه و كان بكام لو امكن تقولى؟؟
اولا السيارة كانت سوبارو امبريزا موديل 2007
ححاول افتكر لان الموضوع عدى علية فترة
الزجاج الامامى ازيد من 5000 جنية
اسعار لقطع غياراغلبها ليست متوفرة وكانت بالحجز لفترة شهر فاكثر
الزجاج الخلفى 4000 جنية تقريبا
الفانوس الامامى فى حدود 2000 جنية ان ماكنش ازيد ودة بتستنى فترة علشان يجيبوة
اسعار الابواب لم تكن متوفرة ولاكن كانت غالية 2500 جنية
غطاء الموتور ب 2000 جنية تقريبا
الاكصدام الامامى 1500 جنية
الاكصدام الخلفى 1350 جنية
قطع الغيار الميكانيكية كنا بنستنى بالشهر واكثر خاصة - تيل طنابير سيور القطع البنحتاجها فى الصيانة الدورية وكانت حجج كتيرة والرد الطلبية الجاية تابع معانا الاسبوع الجاى
انا وغيرى فى التوكيل وبالرغم من سعرها الغالى التوكيل كرهنا فى العربية وباعها بخسارة وبعدها جاب VW Golf 5 وقطع غيارها بالرغم من انها غالية ولاكن متوفرة برة التوكيل
اخيرررررررا شفتها انهرده في صلاح سالم ....لونها ابيض ومن غير نمر.....بس شكلها صغير وكنزه
بعني السيفيك والكرولا اعرض كتيييير
بمعنب اخر انها باينه في الاعلان كبيره جدددا
اتفق مع حضرتك السيارة على الحقيقة اصغر من الصور وطبعا زاوية التصوير فى الاعلان اوحت لى ايضا انها كبيرة بعكس السيارة على الواقع وبالارقام بالنسبة للطول السيارة اطول من السيارتين الذكرتهم بفارق من 40 ل 52 مم لصالح السوبارو
- اما العرض ففعلا السوبارو اقلهم فى العرض بفارق 13 مم لصالح السيفيك و 20 مم لصالح الكورولا
-بالنسبة لقاعدة العجلات فاكبرهم الهوندا سيفيك 2668 مم -ويلها السوبارو2645مم- ثم التيوتا كورولا 2600مم
معاك بالنسبةللطنابير ممكن علشان مش بتتغير علطول .... انما التيل صعب ممكن حظكلما رحت كان خلص لانها محصلتش معايا....
بالنسبة لباقى الأسعار قارن السعار دى بأسعار قطع غيار عربيات تانية فى توكيلاتها مش عند بتوع الاستيراد اللى القطعة اللى بتشتريها ممكن تكون اصلية بس لا ليها ضمان و لا انت متأكد 100% انها اصلية و لا ممكن تعمل حاجة لو طلعت بايظة...
اسعار فوانيس الهوندا سيفيك 2800 للفانوس , الكورولا 2200 , شوف الألمانى بكام كمان...
فى بعض قطع الغيار الخارجية مبالغ فيها زى الزجاج بس له بديل من د جريش ب 900 و التوكيل بيضمنه و يركبه بالسعر ده....
لما تيجى تقارن أسعار قطع غيار لازم تقارن الأسعار فالتوكيلات.. لان بتوع الاستيراد انا مضمنهمش و كل واحد حر يشترى من الحتة اللى تريحه
تعديل لكلامك بس الزجاج الأمامى هو اللى كان ب 3800 و بتركيبه عمره ما كان ب 5000 دى خالص... الخلفى ب 2500 ....
و قطع الغيلر الميكانيكية ارخص من أى عربية يابانى او المانى:
فلتر زيت ب 35 ج
فلتر بنزين 60 ج
فلتر هواء 120 ج
تيل فرامل امامى 500 ج بالتركيب
صيانة كاتينة و تغيير سيور و تروس و تغيير زيت و فلتر ب 2100 ج
صيانة دورية كل 5000 كم بيكون فيها زيت و فلتر و لجلشة تيل و تشحيم ب400 ج
يا ريت تكتب عربيتك ايه و اسعار صيانتها
ده كلام ده !
بقى عايز الناس تسيب الانترا و السيراتو و تجيب امبريزا
ده الانترا بقت أكتر من أى عربية تانية فى البلد
غير السيراتو و اللانسر بومة
والله يااسلام انا من 2006 بقول كلامك ده وبرضه الناس تقولك غاليه وبتاع
يكفيني اعتماديتها وانها معمره جدا وان العربيه بتديني اللي انا عايزه
قارنو الاول قبل ماتحكمو لو سمحتو وخلونا موضوعيين
امال احنا في منتدي ليه عشان نعرف معلومه صح ونفيد ونستفيد
اضافه لكلامك ان 2012 مش بيتغير ليها سير كاتينه وتيل الفرامل بيتغير 60000كم