الموتور بقى خفيف الله يسامحه

السلام عليكم
انا حابب اشارككم المشكلة يا ريت تفيدونى
العربية اوبل استرا موديل 2000 1200 سى سى
المهم الاول كانت المية نقصت وسخنت والحوار ده ووديتها للميكانيكى قاللى جوان وش سلندر بكام يا عم 1000 جنيه
المهم اخدت العربية مشيت بيها اول سفرية وانا راجع العربية سخنت شوية وبعديت ما فيش رابع المهم نزلت اشوف لاقيت مسامير التاكيهات طايرة خالص واللى موجود مقكوك والزيت طبعا كله على وش الماتور.
المهم جبت اتنين ميكانيكية غيره قاللولى الرجل ده مربطش المسامير دى كويس عشان كده طقت والزيت وقع فى مش عارف ايه والدنيا باظت.
المهم رحتله قاللى دى جابت بستمين ولازم طبعا جوانات تانى قلتله وده ذنب مين قاللى معرفش المهم دفعت 1500 جنيه تانيين عشان يصلحها .

المصيبة بعد ما خدتها منه بعدها باسبوع لقيتها بتاكل زيت ودى عمرها ما عملتها ودخنة بيضة وصوت الموتور عالى جدا رحتله قاللى اصلى احنا ما غيرناش الشامبر اصله ما كانش بايظ وطب ده ذنب مين .

المهم قاللى احتمالين يا ريت تفيدونى لانى عايز ابيع العربية ومش عارف
الاول : يغير شامبر وطبعا جوانات لتالت مرة وقاللى 1500 جنيه
التانى:قاللى الشميز ممكن ما يستحملش فنضطر نغير الموتور 3500 جنيه

السؤال: هو الراجل ده غلطان والمفروض يتحمل تصليح العربية حتى لو وصلت لموتور بما انى دفعت 2500 جنيه قبل كده
وتنصحونى اعمل ايه

طبعا" ميكانيكى غلطان
المفروض كان عمل شغله صح
كل اللى حصل ده من العك اللى عمله
الموتور ده عامل كام كيلو وهل وش السلندر مفقع ومحتاج شغل ولا سليم ؟

شكرا لاهتمامك هو الموتور عامل 115 الف كيلو بس مش عارف بصراجة حالة وش السلندر هو كل مرة كلن بيحاسبنى بس على خراطة وجوان بس انا خايف بصراحة حتى اعمل الشنبر والجوانات وبرده ما تتصلحش
وبرده مش عا يز ادخل فى موتور لانى عايز ابيع العربية وكده الدنيا هتفتح

متقلقش
لو موضوع شمبر فقط أعمله عند ميكانيكى شاطر ومتقلقش الموضوع بسيط

اقتباس:

---

المشاركة الأصلية كتبت بواسطة mhamdy37

السلام عليكم
انا حابب اشارككم المشكلة يا ريت تفيدونى
العربية اوبل استرا موديل 2000 1200 سى سى
المهم الاول كانت المية نقصت وسخنت والحوار ده ووديتها للميكانيكى قاللى جوان وش سلندر بكام يا عم 1000 جنيه
المهم اخدت العربية مشيت بيها اول سفرية وانا راجع العربية سخنت شوية وبعديت ما فيش رابع المهم نزلت اشوف لاقيت مسامير التاكيهات طايرة خالص واللى موجود مقكوك والزيت طبعا كله على وش الماتور.
المهم جبت اتنين ميكانيكية غيره قاللولى الرجل ده مربطش المسامير دى كويس عشان كده طقت والزيت وقع فى مش عارف ايه والدنيا باظت.باظت ازاى؟؟اية الاعراض اللى حصلت بعد الزيت ما نقص؟
المهم رحتله قاللى دى جابت بستمين ولازم طبعا جوانات تانى قلتله وده ذنب مين قاللى معرفش المهم دفعت 1500 جنيه تانيين عشان يصلحها .

المصيبة بعد ما خدتها منه بعدها باسبوع لقيتها بتاكل زيت ودى عمرها ما عملتها ودخنة بيضة وصوت الموتور عالى جدا رحتله قاللى اصلى احنا ما غيرناش الشامبر اصله ما كانش بايظ وطب ده ذنب مين .

المهم قاللى احتمالين يا ريت تفيدونى لانى عايز ابيع العربية ومش عارف
الاول : يغير شامبر وطبعا جوانات لتالت مرة وقاللى 1500 جنيه
التانى:قاللى الشميز ممكن ما يستحملش فنضطر نغير الموتور 3500 جنيه الشميز بيبان قبل مايركب اذا كان فى عتب ولا لا

السؤال: هو الراجل ده غلطان والمفروض يتحمل تصليح العربية حتى لو وصلت لموتور بما انى دفعت 2500 جنيه قبل كده
وتنصحونى اعمل ايه

---

با ختصار كدة الراجل دة بيعمل عليك احلى شغل
ازاى يقولك جايبة بستمين وبعد كدة يرجع يقولك اصلى ماغيرتش الشمبر اصلة سليم؟؟
هو دة ميكانيكى اوبل اصلا ولا اية بالضبط؟؟

شكرا لاهتمامكم YYY و ahmed _h_g

باظت ازاى بعد حواز الزيت لما نقص كانت بتمشى على التالت بس وبعد كده على الاول والتانى بس وطبعا رجرجة وصوت فى الموتور جامدة .

المهم انا سألت كذا ميكانيكى قاللولى موتور اوبل 1200 بالذات غبى والاحسن ما تصرفش عليه وتجيب اما شورت بلوك او موتور كامل بس انا مش عارف الفرق ما بينهم بالظبط وايه الاحسن خصوصا الشورت بلوك هيوفر الف او اتنين بس خايف ماتظبطش الدنيا خصوصا الميكانيكى قاللى الزيت هيظبط مع الشورت بلوك بس يفضل الصوت عالى عشان الموبينة او الكاتينة ومش عارف ايه كده بس ايه رأيكم؟

بخصوص حكاية الشامبر ديه قاللى اصلى انا عارف ان الشامبر لازم يتغير مادام غيرنا البساتم بس انا مرضيتش اغيرهولك عشان الشميز بتاعك ما كانش هيستحمل مش عارف طبعا ايه الكلام ده بس انا رديت عليه ان هو قال لى قبل كده هو ههيغير بساتم ومش هيدخل فى عمرة كاملة لو لقه الشميز كويس حاجة غريييييبة

بخصوص الفتيس الاوتوماتيك عايز اعمل صيانة يعنى تغيير زيت وكشف والذى منه هل ده ليه متخصص معين ومين هو وعنوانه وياريت يكون على تجربة عالشان مسافر بعد العيد القاهرة وعايز اعمل صيانة كاملة للموتور والفتيس والعربية كلها (النترا 2009 خليجى اوتوماتيك عاملة 90000 كيلومتر)وكل الناس بتقول قليل جدا اللى بيفهم فى الفتيس الاوتوماتيك ياريت تدلونى عالشان اخوكم مايعرفش الف من كوز الذرة وعيب لما اكون معاكم فى نايل موتورز ويتضحك عليا

انت غلطان لانك روحت للميكانيكى مش بيفهم فى الباذنجان دا الفلوس اللى صرفتها بتمن موتور يا رجل بس الرجل دا لازم يعرف الغلط بتاعة ويتغرم علشان يتعلم ما بيبوظ فى حاجات الناس والغلط عليك لانة عمل لك شغل غلط وروحت تانى دفعت لة فلوس لو عايز ترجع العربية احسن من الاول تعالى لى صقرقريش المعادى فى كذا وضع مش بيشتغلوا غير فى الاوبل بس تخصصهم ومنهم واحد اسمة محمد عفريت فى الاوبل الناس بتجى لة من اخر الدنيا علشان تصلح عندوا

يا ريت تعمل موضوعك فى قسم الاوبل علشان هتستفيد جدا من خبرات الملاك.
طبعا انتى وقعت مع واحد معندهوش ضمير ومفتح شغل .

يعني انته رحتله اول مرة وعك الدنيا ودفع الف والميكانيكيا قالو عيب ميكانيكي ونتره رحتله تاني ونكر ونته زي الباشا دفعتله 1500 ورحتله تالت مرة وعايز تدفعلو تاني معلش انته زبون لقطة الغلط مش منه منك انته اصلا عشان انا الميكانكيا قالو انه حمار ونته رحتله تاني
شوف ميكانيكي نضيف يقلك تعمل ايه وانا لو مكانك اقارن سعر العمره وسعر ماتور استيراد
لو رحت لنفس الميكانيكي تستاهل الي يجرالك



بالتوفيق
حسام السويدي