بخصوص الاعلانات الهابطة .. هو كدة حلال ولا حرام؟؟
من حوالي اسبوعين كدة قاعدين على القهوة انا وصحابي كان شغال فيلم على قناة اسمها التوك توك
طبعاً منتهى القرف حتى من اسم القناة
ماعلينا
المهم في وسط الاعلانات جيه اعلان عن سامسونج s3 وفيه كل الامكانيات
بكام بقى؟؟
ب 349 جنيه ولو طلبت 2 هيبقى ب 700 جنيه
طبعا امكانيات الموبيل اللي معروض
8 ميجا بيكسل hd
32 جيجا ميموري
بروسيسور 1.4
رام 1 ميجا
واي فاي
يعني كأنه بالظبط زي الموبيل الاصلي اللي سعره اكتر من 4000 جنيه
المهم واحد صاحبي قال ان ده ضحك على الناس طبعاً عشان يتصل ويشتري وبعد مايشتري يكتشف انه كله فشنك
اصحاب السوء طبعا اتفقوا انهم يضحكوا على الشركة دي زي ماالشركة ضحكت على الناس
كل واحد فيهم وهما 4 اتصلوا بالشركة وطلبوا جهازين لكل واحد يعني 8 اجهزة للكل
طبعا متصلوش في نفس الوقت عشان متبقاش باينة اوي
المهم جيه المندوب لل 4 ( وكان مندوب واحد عشان كان في نفس المنطقة )
وعرض عليهم الاجهزة وطبعاً اصحابي عاملين حسابهم انهم مش هيشتروا الاجهزة دي لانها مش زي اللي كانت في الاعلان
اعترضوا ان مش هيا دي الاجهزة وان ده نصب من الشركة وخلاص مش هياخدوا المنتج ( طبعاً كله بنفس الاسلوب )
كان مطلوب من كل واحد فيهم يدفع مصاريف الشحن على الاقل وكلهم رفضوا كدة لان المنتج مش زي المنتج اللي في التيليفزيون وعلى الاساس ده مش هيشتروا
ياترى المقلب اللي حصل في الشركة حرام ولا حلال ؟؟