ما هو الموضوع بالعقل كده باين من الأول. ازاى حاجه بتتباع ب ١٠٪ من تمنها يعنى ازاى تبقى اصليه ؟ كده يا أما مسروقه او تقليد رخيص و كذلك حاجات تانيه كتير من اللى بتتباع بالطريقه دى نفس النظام برضه ، الحكايه واضحه زى الشمس و اللى بيشترى بيبقى عارف السعر الاصلى بس هو عايز يمسك فى أيده حاجه شبه الاصلى بس بسعر رخيص و. مش فارقه معاه الامكانيات . يعنى ال s3 باكتر من ٤ آلاف جنيه و التليفون العجيب ده ب ٣٥٠ جنيه و احسن من الاصلى كمان لانه بخطين مش واحد بس؟ ادينى عقلك . هو المقلب اللى حضرتك عملته للأسف تعبت بيه البائع الغلبان و احتمال ان الشركه تحسب مصاريف الانتقال عليه و احتمال برضه انه بيشتغل بعموله فقط فحضرتك تكون عملتله مشكله و فى نفس الوقت الشركه لم تتأثر بحاجه و هتبيع لناس تانيه. هو اعتقد ان الحل الأنسب حاجه من اتنين أما انه يتم الإبلاغ عن الشركه دى أنها بتقوم ببيع حاجات مضروبه و تقليد لماركات عالميه عينى عينك كده و هما بقى يجيبوهم و يتعملهم قضيه زى الفل تقفلهم الشركه و ترحم الناس من اذاهم و الحل التانى ان السذج اللى بيشتروا الوهم ده يبطلوا سذاجه و ما يشتروش منهم اى حاجه لحد ما يفلسوا و الحل التانى ده صعب يتحقق مع شعب قليل الوعى و عامل نفسه لئيم و عنده شويه احلام طبقيه على عقد اجتماعيه زى حالاتنا
المفضلات