عرض للطباعة
اقترح إبراهيم الصياد، رئيس قطاع الأخبار بوزارة الإعلام، تحصيل ضريبة من جميع أصحاب السيارات، مقابل الخدمة الإعلامية التى تقدمها الإذاعة لأصحاب السيارات.
وقال «الصياد»: «من الممكن تحصيل ١٠٠ جنيه عند تجديد رخصة السيارة فى المرور لصالح اتحاد الإذاعة والتليفزيون».
ده اكيد على اللى بيسمعوا راديو النهضة العظيمة !!!!!!! وعجبى
اقتراح بتحصيل ١٠٠ جنيه من مستخدمى «راديو السيارة»
طيب واللي ما بيسمعش راديو يدفع ضريبة إيه؟؟
إنه مش مشغل الراديو؟
وبعدين هيحددوا مدة الإستهلاك إزاي؟ هيركبوا صندوق اسود في كل عربية يعرف الوقت اللي شغلت فيه الراديو
ههههههههههههه
أظن ان الخبر غير صحيح واذا كان صحيح فطبعا الراجل اللي طلع بالفكرة دي المفروض يطلع معاش ويجيبوا حد بيفهم
طيب لو واحد عنده راديو و بايظ مثلا او سليم بس ما بيشغلوش ذنبه ايه؟ و بعدين ما الإذاعات معروف أنها بتكسب من الاعلانات اللى بتتعمل و سط البرامج و الاغانى يبقوا عايزين ايه تانى من الناس؟ يا رب يرحمونا بقى من محاولات الاستغلال الساذجه دى بقى علشان بقت حاجه تزهق :angry27:
انا حاسس انهم شويه وهيدخلوا يفتشوا البيوت لو عندك جمبرى ولا كافيار هياخدوا ضريبه عليه عشان ده بقى رفاهية دلوقتى
طب انا معنديش عربيه بس عندى راديو فى الموبايل هادفع عليه ضريبه كمان ههههههههههههههههههههههههه هه
دى حاجه جنان
بكره بقى يحددوا اسعار البرامج يعنى تتفرج على البرنامج الفلانى بكذا والنشره بكذا
طب ممكن اعمل اشتراك شهرى ههههههههههههههه
انتو عارفين. انا نفسي اشوف صاحب الاقتراح العظيم ده واجيبوا واشيلوا واقعدوا على اريل العربية ويكون اريل كهربا . لحد ما اخليه يجيب نجوم اف ام في عز الظهرررررر هههههههههه
فعلاً المشكلة مش في الوزراء الي بيتغيروا او القيادات الي بتتغير المشكلة في الموظفيين الي ملهومش لازمة. ويطلعولك من تحت الارض بافتكاسة كده تخلي الشعب يلف حولين نفسوا .... اهو دول بجد المفروض الواحد يسئصلهم من البلد كلها ( تنابلة السلطان) ... قال يفرض ضاريب على الراديوا قال طب بالمره شركة الكهربا تفرض ضرايب على نور العربية وتكييف العربية .... بجد بجد سافر بس يومين بررررره واسمع الراديوا بتاعهم. هترجع تتف على الراديوا بتعنا. .... ده كتنا نيلة هو احنا عندنا راديوا اساساً. روح اسمع راديوا روتانا. ولا راديوا mbc fm ولا راديوا ام بي سي بانورما. ولا اذاعة ابو ظبي ولا اذاعت لندن ولا راديوا سوا ولا راديوا منتوا كرالوا ولا صوت لبنان ولا اثير الشام اقول ايه ولا ايه خلينا ساكتين. احنا معندناش راديووو اساساً هما كام قناة وتالت تربعهم رغيييي والربع الي فاضل اغاني هبطة قال راديو قال بجد المفروض بعد الاقتراح العظيم ده نقولوا مقاس بيجامتك كاااام روح يابابا البس البيجامة واقعد في بيتكم اسمع راديوا هههههه .... وتحياتي
بعد كده هيدفعو الناس ضريبة على كل عيل عندهم لان العيال الكتير رفاهية غير مبررة
وضريبة على الى هياكل لحمة او فراخ او سمك لان اللحوم رفاهية غير مبررة
والى هيروح مصيف طبعا لازم يدفع ضريبة رفاهية على كل غطس هياخده فى البحر
طب راديو الموبايل علية ضريبة برضة
و حبايبنا الحلوين بالمره يعملوا ضريبه على الهواء اللى الواحد بيشمه و مقدار الضريبه هيتحدد بعرض الصدر و حجم الرئه . الموضوع مرتبط بمعدل استهلاك الهوا يعنى مش وسيله لسرقه فلوس الناس و لا حاجه لا سمح الله و طبعا هواء. المناطق الجديده و السياحيه هيبقى شريحه اعلى لانه قليل التلوث بينما بتاع العشوائيات هيبقى أرخص علشان بيبوظ الرئه و يباركله يا معلم :khd:
ههههههههههههههههههههههههه ههههههههههههههههههههههههه ههههههههههههههههههههههههه ههههاقتباس:
المشاركة الأصلية كتبت بواسطة y a r i s
انت جامد جدا
الراديو اللي بقاله 50 سنه فى العربيات جايين النهارده يعملو عليه ضريبه؟ طب أنا من يوم ما جبت العربيه فاكك الاريال بتاعها وحاطه في الشنطه عشان مش بسمع الراديو. هياخدو مني الاريال؟
كل واحد يخلى باله من الاريال بتاعه بقى او يخفيه فى اى حتهاقتباس:
المشاركة الأصلية كتبت بواسطة ahmed_adham
ههههههههههههههههههههههه
يعنى هما الحراميه سايبينه فى حاله يا فندم . ما هو بيتسرق اول بأول :majd(4):اقتباس:
المشاركة الأصلية كتبت بواسطة mohdfouda
الكلام ده لو حقيقى يبقى المرحلة الجاية فرض رسوم طريق على كل واحد لابس جزمة!
شوفوا السرقة اللي عيني عينك
في الأردن في بند في فاتورة الكهرباء من قديم الزمان
رسم بسيط جدا شهريا على ارسال التلفزيون...
وانا مش نعترض عالمبدا إنما معترض عالمبلغ!!
ولاد التيت لو قالوا 5 جنيه عن كل سنه ترخيص هيطلعو بلاوي
وانا هدفعهم مش هعترض
انما 100 جنيه ده الهبل بعينه
ده لو خذوا من كل عرييه جنيه واحد هيدخلهم ملايين
الله المستعان
تحياتي
Sent from my LT18i using Forum Runner
ومطلوب من الحكومة تحط استيكر على بق كل موظف من الستة مليون علشان نبطل ننقل أخبار مالهاش لازمه
ولو الحكومة عملت كده هنقول على النظام إنه بيمنع حرية الرأي
زي ما كان بيحصل في مجلس الشعب
واحد تافه يطلع يقول أي اقتراح والإعلام يسيب كل اللي بيحصل ويحسسنا إن المجلس وافق خلاص على الإقتراح التافه
ولو رئيس المجلس كبر دماغه يقولوا إنه غير محايد ومش بيستمع للآراء المعارضة
فيه 3 جنيه سنوياً من ضمن مصاريف ترخيص العربية ضريبة راديو مطبقة من زمان
بس مش عارف عاملينها على أساس أنها ضريبة رفاهية و لا على أساس أيه.
طب ميخلوها بكروت شحن احسن للي مش بيسمع راديو علطول
ههههههههههه
الأفكار دي مش جديدة
بريطانيا بتعمل كدا من زمان على التليفزيون
You need a valid TV Licence if you use TV receiving equipment to watch or record television programmes as they’re being shown on TV.
تحتاج إلى رخصة لو أنك تستخدم أي معدة أو جهاز في مشاهدة أو تسجيل برامج تليفيزيونية يتم أستقبالها على تليفزيونيك .
‘TV receiving equipment’ means any equipment which is used to watch or record television programmes as they're being shown on TV.
معدة تليفزونية هي أي جهاز يستخدم في مشاهدة أو تسجيل برامج تليفيزينة
This includes a TV, computer, mobile phone, games console, digital box, DVD/VHS recorder or any other device.
مثل التلفاز أو الكمبيوتر أو التليفون المحمول أو جهاز ألعاب أو صندوق رقمي أو دي في دي أو أي جهاز من هذا النوع .
و دي أي حد عنده جهاز في البيت لازم يدفعها و لو رايح تشتري تليفزيون أو كارت تليفزيون للكمبيوتر لازم توريله الرخصة و لو مش معاك الرخصة مش بيرضى يبيعها لك علشان فيها مشكلة عليه كبائع .
طبعا ده بقى أسمه أستهبال من الحكومة اﻷنجليزية .
لأن بالفعل فيه أعلانات و دي بتصرف على التليفيزون أصلا و الراديو .
اقتباس:
المشاركة الأصلية كتبت بواسطة tutankhamoun
يا فندم فى انجلترا الفلوس اللى بتتلم دى بتبقى محسوبه اكيد بدقه و بتستخدم لخدمه المجتمع فعلا و عليها رقابه من مليون حته و فى شفافيه لكن عندنا ال ١٠٠ جنيه دى هتبقى مصيرها فى جيب بين؟؟ و اشمعنى ١٠٠ جنيه ؟ إذا كانت الضرائب اللى بيلموا و الجمارك مثلا محدش يعرف بتروح فين و لا بيتعمل فيها ايه لحد دلوقتى زىها زى غيرها من الفلوس اللى بندفعها بدون حاجه قصادها لا شوارع بتترصف و لا عشوائيات بتتطور و لا اى حاجه عدله بتحصل . ما ينفعش نقارن نفسنا بالناس التانيه دى
يا فندم أنا مش بقارن .اقتباس:
المشاركة الأصلية كتبت بواسطة land_cruiser
أنا ضد الفكرة أصلا لا هنا و لا في أنجلترا كمان .و الناس في أنجلترا مش عاجبها بس بتدفع غصب ان عنها .
و انا لما طرحت المداخلة ... لمجرد توعية الناس أن دي مش فكرة مصرية خالصة ... لاءة دي مطبقة في أماكن تانية في العالم .
http://www.nileup.com/uploads/13508077731.jpg
نقلا من الفيس بوك للامانه
وجهه نظر حضرتك وضحت كده و الف شكر على التوضيحاقتباس:
المشاركة الأصلية كتبت بواسطة tutankhamoun
هههههههههه. دحكتني يا لاند كروزر باشا. حلو البوستر ده بجد ... وبيعبر عن الحالة المنيلة الا احنا وصلنالها ..... وياتوت يا حبيبي انا بجد لو في لندن. هدفع وانا سعيد كمان ومبسوط لان الخدمات دي كلها بتجيلي عن طريق الكيبول يعني ولادش ولا يحزنون كيبول لكل بيت. واعيش على النيت واعيش على ملاين القنوات المسموعة والمرأية بس بجد احنا عندنا ايه في مصر
فاكرين المشكلة الي قلتلكم عليها قبل كده في احد مشاركاتي ان في الوفات من العاملين في مبنى الاذاعة والتلفزيون ملهومش لازمة. وعالة على اقتصاد الدولة .... كانوا بيتوظفوا بس علشان الانتخابات يدو صوتهم لحسني مبارك واعوانوا .
اهو علشان كده بيفكروا يلموا ١٠٠ جنية من كل عربية علشان يصرفوا عليهم .... لكن انا رئيي انهم. يبيعوا كل القنوات دي وتخصخص يعني مجموعة زي قنوات النايل مالهاش لازمة بالنسبة ليا او ليك. ومحدش بيتفرج عليها. غير كل فين وفين
القناة التانية والتالته والرابعه والخامسة الى اخروة مالهاش لازمة اذاعة الشرق الاوسط كمان بطلت من زمان ومش مواكبه العصر. صوت العرب الى اخره كل دي قنوات عالة على المجتمع .... ومفهاش فكر جديد ولا دم جديد. فبالتالي مفيش حد بيشوفها ونخلي الفضائية المصرية اهو نشوف عليها نشرة الاخبار .... والي هيقولي طيب والموظفين دول نعمل فيهم ايه. اهو يتوالاهم ربنا بقه والي خلقهم مش هينساهم
انا لو عاوز تاخود مني فلوووووس. و ١٠٠ جنية كل سنة علشان تبني مصانع او تزرع اراضي تشغل فيها شباب هدفع ومن العين دي قبل العين دي اما علشان تشغلي قنوات. ماتت من زمان. وعجزت هقول لأ والف لأ. مفيش ولا مليم. واكرام الميت دفنوووووا .
وبعدين في طرق محترمة الدولة ممكن تلم فلوس من الناس مثلاً ادخال خدمت الكيبول للبيوت دخلي ياعم الغاز الطبيعي وخود فلوس اديني خدمة فايف ستار مثلاً خدمة مميزة او خدمت رجال الاعمال او تسهيل في الاجرائات وخود فلووووس. مشيني بسرعة. ومتوقفنيش في طوابير زي طوابير الجمعية واعملي خدمة مكيفة وخود فلووووووس .... بس مشكلة الادارة المصرية عمالة تصحي في ميت وعمر مالميت هيصحى ولا هينطق اساساً .... وعلى مستوى شركة عندنها سلسلة مطاعم. خسرانه ومحدش بيشتري منها حتى سندويتش الشركة بتغير الادارة بالكامل والموظفيين. واسم وديكورات المطاعم واللهي اذا اتحسنت كان بيها متحسينيتش بتبيع المطاعم وتخلص. لحد تاني يقدر يشغلها اما مش هقعد اصرف على المطاعم الخسرانه دي من دمي ومن فلوس عيالي
انا كمواطن محتاج احس ان الفلوس الي بدفعها باخود من وراها قيمة او عائد. مش ادفع وخلاص .... وتحياتي
ههههههههههههههههههههههههه ههههههههههههههههههههههههه ه :what:
انا عندى 3 اريال فى العربيه
واحد فى طرف القايم من قدام
وواحد فى نص السقف من اخر السقف
وواحد على الشنطه
الاخ اللى قال الاقتراح ده على كده هيدفعنى 300 جنيه
لانه كده بيدفع على الاريال 100 جنيه
بالنسبه لصاحب الاقتراح يحب يجرب انى اريال فيهم :tumb:
انا بقول اللى على طرف الشنطه حلو عليه لانه بيوصل لحد متر :049:
فا ده هيعجبه اوى :tumb:
:36_2_33::36_2_33:
^_^
طب انا هشيل الكاسيت وانا رايح ارخص
اقتباس:
المشاركة الأصلية كتبت بواسطة Y a r i s
تحياتي ياباشا .
عمل زى عادل امام لما بيقوله وجايلى فاتوره تليفون وانا ماعنديش تليفون من اساسه
اصلا الراديو حرام xD