لمبة الاعطال منورة ومش راضية تطفى

**ahmedeihab** · 22-10-2012 12:25 PM

المشاركة الأصلية كتبت بواسطة abo-berry

بيتعمل زي قفله للكنترول هتلاقي لمبة التشوك تطفي وتنور وكل حساس ليه عدد معين من اطفاء و تنوير اللمبة . بس ده لازم يكون واحد حافظ كل عدد لكل حساس

المشاركة الأصلية كتبت بواسطة khalid_adel

قفله للكنترول ؟؟؟؟

ايوووووه قفله للكونترول

بيجيب فيشه قفله بتبقى عند الكهربائى و العربيه مبطله

و يفتح الكونتاك

لمبه الاعطال هتقعد تنور عدد معين

و كل عدد بحساس مختلف عن التانى

و لما تخلص قرايه الحساسات

هتلاقيها بتديك قرايه الحساس اللى فيه مشكله

و ده الحل الامثل

^_^

**shedid20** · 22-10-2012 01:26 PM

متشكر على الرد يا كبير انا فعلا غيرت فيشة الحساس ونضفته بالاسبراى وبردوا ماطفتش و دلوقتى بقا بقت تطول فى الدوارة جدا الصبح بالذات

**shedid20** · 22-10-2012 01:31 PM

المشاركة الأصلية كتبت بواسطة semsem kane

ياباشا ربنا يخليك وكل سنة وانت طيب

شوف ياباشا طالما اللمبة نورت معاك وانت ماشى مرة واحدة بدون سابق انذار يبقى كدة انت هتلاقى العربية دية

قارية tps sensor , idle valve

وعايزك ياباشا تجيب carb cleaner وترشة داخل البوابة وان شاء الله المشكلة تتحل وشوف كدة

وحاول كل 6 شهور تعمل نظافة للبوابة لازم عشان تحافظ على ال sensors

انا يا باشا فعلا نضفت الحساس زى مانت كنت شارح قبل كدا وبعمل كدا علطول كل فترة وبردوا اللمبة ماطفتش والميكانيكى عمل قفلة للكنترول وراجع على الحساسات وكلها قرت صح ولسا زى ماهى والسحب بقا تقيل قوى وفى الدوارة الصبح بقت بطول وتفضل ملغبطة لمدة دقيقة كدا ولازم اسندها بسنة بنزين لحد ماتظبط ومش عارف اعمل ايه انصحنى بقا اروح فين ؟؟ ومتشكرين ليكوا كلكوا يا رجالة هوندا على التعب معايا :)

**SAMEH_FOUAD** · 22-10-2012 01:42 PM

المشاركة الأصلية كتبت بواسطة shedid20

انا يا باشا فعلا نضفت الحساس زى مانت كنت شارح قبل كدا وبعمل كدا علطول كل فترة وبردوا اللمبة ماطفتش والميكانيكى عمل قفلة للكنترول وراجع على الحساسات وكلها قرت صح ولسا زى ماهى والسحب بقا تقيل قوى وفى الدوارة الصبح بقت بطول وتفضل ملغبطة لمدة دقيقة كدا ولازم اسندها بسنة بنزين لحد ماتظبط ومش عارف اعمل ايه انصحنى بقا اروح فين ؟؟ ومتشكرين ليكوا كلكوا يا رجالة هوندا على التعب معايا :)

بقول اية انت ساكن فين ؟؟؟؟؟؟؟؟؟

عشان لو كدة ممكن تبقى تعدى عليا اشوفلك الموضوع دة او نتقابل فى مكان قريب , عشان بس ماتعوضش تغير فى حساسات وتتكلف على الفاضى

**wildwest100** · 22-10-2012 02:03 PM

المشاركة الأصلية كتبت بواسطة shedid20

يا كبير ده كتير علينا وانا ياما زهقتك تليفونات انا بس اليومين دول قاعد فى البلد فى القليوبية وشغلى فى بسكو مصر عند حفنى بتاع قطع الغيار وبعد العيد ان شاء الله حبقا قاعد فى مدينة نصر وانا فعلا كنت ناوى اجى المقابلة ال اتلغت اتعرف عليكما اكتر واوريك المشكلة بس بقا قدر الله ماشاء فعل

طيب انا ساكن جنبك فى شبين الكوم ممكن تتصلى بيا ونظبط واعدى عليك لو انتا زى مابتقول فى بنها
01006251233
وانا اسمى مصطفى

**shedid20** · 22-10-2012 03:02 PM

المشاركة الأصلية كتبت بواسطة wildwest100

طيب انا ساكن جنبك فى شبين الكوم ممكن تتصلى بيا ونظبط واعدى عليك لو انتا زى مابتقول فى بنها
01006251233
وانا اسمى مصطفى

ربنا يخليك ويسلم زوقك يا مصطفى باشا بس انا فى الاول كدا من القليوبية وبنها بعيدة عنى وانا ان شاء الله بعد العيد اقابل سمسم ونشوف رأيه ايه وربنا يستر :)

**Mostafa.Ismail** · 22-10-2012 03:22 PM

ممكن مبدئيا تحاول انت تتصرف فى وصلة OBD وبرنامج بسيط من اندرويد ماركت مثلا Torque وشوف اية سبب العطل.

**shedid20** · 22-10-2012 03:27 PM

المشاركة الأصلية كتبت بواسطة mostafa.ismail

ممكن مبدئيا تحاول انت تتصرف فى وصلة obd وبرنامج بسيط من اندرويد ماركت مثلا torque وشوف اية سبب العطل.

ايه يا باشا الوصلة ديه وشكلها عامل ازاى وبتتوصل على ايه فى العربية فاهمنى اكتر وتتوصل على تليفون ايه مستنيك يا كبير ترد عليا انا من زمان بدور على حاجة كدة بس مش عارف اوصل لحاجة ؟؟

**SAMEH_FOUAD** · 22-10-2012 03:41 PM

المشاركة الأصلية كتبت بواسطة shedid20

يا كبير ده كتير علينا وانا ياما زهقتك تليفونات انا بس اليومين دول قاعد فى البلد فى القليوبية وشغلى فى بسكو مصر عند حفنى بتاع قطع الغيار وبعد العيد ان شاء الله حبقا قاعد فى مدينة نصر وانا فعلا كنت ناوى اجى المقابلة ال اتلغت اتعرف عليكما اكتر واوريك المشكلة بس بقا قدر الله ماشاء فعل

ياتامر ولا كتير حاجة احنا اخوات ياباشا , وانت عارف شغل الصنايعية , هيقعد يقولك غير دة يطلع مش هوة , هيقولك يبقى مش من دة طيب جرب دة هيطلع بردة مش هوة وهكذا وفى الاخر يقولك هاتلك ( مانفو جديد ) اللغه بتاعتهم دية غريبة جداااااااا هههههههههه بافضل اضحك عليها لما اسمع حد بيقول مصطلحات عشوائية

عشان كدة ياباشا حبيت بس اوفر عليك ونشوف كدة العيب منين ان شاء الله

وشوف ياباشا هتنزل امتى وكلمنى ونتقابل