عرض للطباعة
بس اجمالى الفاتورة 40 جنيه هههههه
36 اشتراك
3.61 ضريبة مبيعات
15 قرش مكالمات
فيها ايه لو يحاسبوا الناس على استهلاكهم الفعلى ويدخلوا المنافسة الحقيقية؟!
وعلى فكرة بياخدوا مبلغ شهرى محترم على كل خط نت غصب واقتدار
واللى مش عاجبه يتصرف
عايزين شركة تانية تكسر الاحتكار ده وتظبط المجال
زى اتصالات لما دخلت السوق وكسرت التحالف الاحتكارى بين موبينيل وفودافون
يا ترى ممكن ده يحصل فى يوم من الايام؟؟؟ :angelnot:
صعب انهم يسمحوا بشركه تانيه للخطوط الارضيه
ولو سمحوا ؟؟؟؟؟ مع انه من رابع المستحيلات لسى حيضطروا يعملوا خطوط ارضيه من تاني
خصوصا لو الشركة المصريه للأتصالات رفضت انها تديهم حق استنفاع قصاد مقابل مادي
فا بالتالي حيبقى الخط هوائي وده مكلف وحيحطوا ابراج وخلافه فا مش حتجيب هما
زائد ان ده كنز للحكومه موضوع المصريه للأتصالات
شوف بيدخلهم كل شهر كام منه
وممكن تريح راسك زي وتجيب usb اتصالات وخلاص
المصرية للإتصالات شبكة واحدة بتقلبنا كلنا
كان فى كلام على رخصة تانية للتليفون الارضى بس مفيش حاجة، وال usb عملى وكل حاجة بس برضه لا يعلى على dsl الارضى فى السرعة والثبات وهما فاهمين ده كويس ومعظم الناس اللى اعرفها متمسكين بالخط الارضى عشان موضوع النت ده فقط لا غير ومحدش بيتصل منه او حتى بيستقبل عليه مكالمات، عشان كدة انا بعتبر ال 40 جنيه دول مش اشتراك انما ضريبة نت!اقتباس:
المشاركة الأصلية كتبت بواسطة GMC
ده حقيقى :tumb:اقتباس:
المشاركة الأصلية كتبت بواسطة Elawany13
اقتباس:
المشاركة الأصلية كتبت بواسطة grand hand
انا فعلا بعتبره ضريبة نت
والى بيحصل ده سرقه
وقال ايه يجبلك دمغه على الفاتوره وكمان ضريبة مبيعات على الاشتراك نفسه !!!!!!!!!!!!
طيب خلو عندكم حصوة ملح واعملو الضريبه على ماهو مستهلك مش على الاشتراك
حد يعرف لو الواحد مدفعش فاتورة التليفون الارضى لمدة طويلة ايه اللى بيحصل؟ يعنى انا اسمع انهم بيشيلوا الخط من الكابينة و عشان ترجعه لازم غلبة و كعب داير عليهم..... غير كده هل الخط الارضى ممكن يروح على الواحد لو مر مدة طويلة بالسنين على عدم دفع فواتير متأخرة؟ لانى بفكر ابطل دفع فاتورته لانى لا استخدمه..... يا ريت لو حد يعرف معلومة مؤكدة يقول و شكرا
خطك لو أتفصل من السنترال .اقتباس:
المشاركة الأصلية كتبت بواسطة mahora
في نفس اللحظة أصبح غير ملكك .
و هايتباع في نفس اللحظة يا فندم .
معلومة
أرقام التليفونات مش ملكية خاصة و لا أرقام المحمول و لا أرقام الأرضي .
كلها تعتبر أيجار من الحكومة للشركات مقدمة الخدمة و منها للعميل مستنفع الخدمة .
و لذلك قانونا مفيش حاجة أسمها أنك تملك الخط .... لأنك لا تملكه و لكن من يملكه هي جهة تنظيم الأتصالات في الدولة (أيا تكن الدولة ) .
طول ما أنت بتدفع أيجاره (في شكل أشتراك أو فاتورة أستهلاك ) يفضل تحت تصرفك .
أول ما توقف الأشتراك أو الأستهلاك .
ترجع حرية التصرف فيه للشركة مقدمة الخدمة و توفره لشركة آخرى .
الكلام ده عالمي مش في مصر بس .
و بعدين ما حضرتم بتدفع 13 جنيه في الشهر لوجود الحرارة في التليفون .
أعتقد أنه مبلغ مش كبير .
و هما عاملين دلوقتي عرض 120 دقيقة محلية مجانية بنفس الأشتراك الشهري بتاعك
شوف كدا :
اقتباس:
جنيهات الاشتراك بتتكلم مع نظام ( كلام بـ 12 )اشترك في نظام كلام بـ 12 الذي يمنحك 120 دقيقة محلية و 120 دقيقة محافظات و 10 دقائق محمول شهرياً بنفس قيمة الاشتراك ودون أن تتكلف أي أعباء مالية إضافية مع استمرار المحاسبة كل 3 شهور كالمعتاد .
عند اختيارك التحويل إلى نظام " كلام بـ 12 " الجديد ، سيمكنك طلب إدخال خاصية الاتصال المباشر على تليفونك مجاناً لكي تتاح لك الفرصة كاملة للتمتع بكل الدقائق المجانية.
بادر بالاتصال فوراً على 111 لتجد ممثلي خدمة العملاء جاهزين للرد على استفساراتك وتقديم المشورة لك سواء بالاستمرار في النظام الأصلي أو التحويل للنظام الجديد وفقاً لقيمة معدل استهلاكـك المحلي والذي سيتعرف عليه ممثل خدمة العملاء من خلال الاطلاع على فواتيرك السابقة .
* بعد انتهاء الدقائق المجانية ستتم المحاسبة على أساس 5 قروش للدقيقة المحلية والمحافظات.
* هذا النظام مناسب تماماً لك إذا كان متوسط استهلاكك للمكالمات المحلية حوالي 15 جنيه في كل فاتورة.
* مصاريف التحويل لنظام "كلام بـ 12" هي 5 جنيهات يتم دفعها لمرة واحدة فقط.
سيكون بإمكانه الاختيار بين الاستمرار في النظام الأصلي للمحاسبة حيث سعر الدقيقة المحلية ( 3 قروش ) ، وبين نظام " كلام بـ 12 " الذي يمنحه دقائق مجانية ( محلي – محافظات – محمول ) وبعد استنفاذها يكون سعر الدقيقة المحلية 5 قروش ، ويتم التحويل إلى النظام الجديد مقابل مصاريف إدارية خمسة جنيهات فقط يدفعها العميل مرة واحدة وتضاف على أول فاتورة
اهلا وسهلاً ... بدأو يلعبوا هما كمان ويعملوا عروض
أنا مش مستريح لأى عرض من عروضهم
بحس ان فيها ان مستخبيه
هههههههههههههههه
يعنى من الاخر هتفضل الجباية اللى اسمها الاشتراك شغالة لو انت عايز تحتفظ بالخط..... الاشتراك ده حاجة فاشلة و شركات المحمول وقعتها من زمان..... لان دلوقتى انت تدفع فلوس تاخد بيها دقايق و خدمات..... غير كده يبقى جباية..... نفسى المصرية للاتصالات تطور تفكيرها شوية قبل ما عملاءها ينقرضوا لانهم فى تناقص مستمر و دلوقتى بقوا 8 ملايين بعد ما كانوا 11 مليون من كام سنة بس..... يشيلوا الاشتراك و يخلوا الدقيقة بشلن مثلا و يشجعوا الناس على الاستهلاك و يشوفوا ارباحهم هتبقى ازاى..... بس الفكر العقيم و بيروقراطية و عقم اسلوب التعامل مع الناس هيخلي الارضى يبقى حفرية من حفريات التاريخ و مش هيخليهم يعوموا شوية غير ال دى اس ال و المشغل الرابع للمحمول اللى هيموتوا عليه عشان عارفين لن ايام الارضى معدودة و فى سبيله للانقراضاقتباس:
المشاركة الأصلية كتبت بواسطة tutankhamoun
ما هو أنت أحسبها بطريقتهماقتباس:
المشاركة الأصلية كتبت بواسطة mahora
لو هما لغوا الأشتراك مش هاينفع يرجعوه تاني !
و لو الطريقة بتاعة حضرتك ما نفعتش ...... يبقى كدا الشركة هاتخسر .
هي طبعا الأشتراك لوجود الخط لازم بس بصراحة المبلغ ممكن يقل شوية
يعني بدلا من 13 جنيه في الشهر .... يخلوها مثلا 6 جنيه في الشهر أو 20 جنيه في 3 شهور .
بس كدا كدا الناس محتاجة الخط الأرضي علشان الأنترنت ... أنا مابعملش مكالمات أرضي بقالي سنين و لكن ما أقدرش ألغيه علشان الأنترنت .
اقتباس:
المشاركة الأصلية كتبت بواسطة mahora
برضه طريقة عصفور فى اليد هى دى اللى هتجيبهم الارض..... عصفور الاشتراك اللى فى اليد و خانق الناس كلها منهم و محسسهم انهم بيتسرقوا قصاد عصافير الدقايق الكتير اللى على الشجر..... و لو طريقة الغاء الاشتراك كانت بتخسر او ممكن تخسر ما كانت خسرت شركات المحمول بالاولى..... نفس التفكير الضيق المحدود اللى بلا اى خيال يتعمل فى شكل عروض و خدمات..... عاملة زى ايه واحد عنده كنز فى شكل عدد كبير من المشتركين بالملايين.... بدل ما يحاول يستثمر فيهم و يزودهم و يربطهم بيه عن طريق العروض و الخدمات لأ العكس عمال يطفش فيهم و مش هاين عليه يعملهم اى حاجة تحسسهم انهم بياخدوا خدمة حقيقية تستاهل..... و النتيجة التآكل المستمر للكنز حتى نفاذه و انقراض الخط الارضى.... و حتى ال دى اس ال..... زحف الوايرلس موديم عليه هينهيه مع السرعات المتزايدة للانترنت على شبكات المحمول اللى هتوصل لاكتر من 20 ميجا و حرص شركات المحمول على جودة الخدمة فى معظم الاحوال.....اقتباس:
المشاركة الأصلية كتبت بواسطة tutankhamoun
بص هو انا معاك جزئيا .اقتباس:
المشاركة الأصلية كتبت بواسطة mahora
بس خلي بالك أن أستخدام الأرضي يختلف كليا عن أستخدام المحمول .
بسبب أن التليفون المحمول موجود معاك في كل مكان و الناس اللي أنت عايزهم هاتلاقيهم أسهل بكتير من الأرضي اللي مرتبط بمكان وجوده التليفون بس .
فده برضه هايخلي المنافسة لسة في صالح المحمول .
أما بالنسبة للمودم يو أس بي .
لا يُقارن بالأدي أس أل .
لأنك مُعتمد في النهاية على شبكة لا سلكية ..... و أنت وحظك .....
و برضه المصرية للأتصالات ممكن تسثتمر في الأنترنت فائق السرعة عن طريق كابلات الفايبر الضوئية .و بكدا ممكن تستبدل الأشتراكات الخاصة بالأرضي بخدمة أنترنت فائقة السرعة .
بس خلي بالك برضه أنه عنده مصاريف لازم يغطيها .
مصاريف الكابلات - تشغيل السنترلات -
لما حضرتك يبقى عندك خط تليفون مش بتستخدمه
و هو حاجزلك مكان في السنترال ...... و أنت مش بتعمل مكالمات .
يبقى هو كسب أيه .... ده بالعكس هايخسر .
على فكرة أنا مش شغال في المصرية للأتصالات .
بس بحاول أفكر أزاي الطرف التاني بيفكر قبل ما أنتقده .... علشان أنتقادي يكون إلى حد ما صحيح لو أنا رأيي صحيح .
تحياتي .
متقارنش شركة اتفرض عليها تشغيل 50000 موظف بشركة عنده 5000 ولا 8000
والارضى بيحتاج بنية اساسية اكبر يعنى تكلفة اعلى
احنا مش بقينا بنحب استخدامه ليه
فاكر اما كنا نقول رقم البيت مش اى حد ياخده
حاجه زباله فعلا
انا الخط عندي في الشقه كان شغال بس مفيش عده يعني مش بعمل اي مكالمات نهائي والفاتوره 60 جنيه
ليه ياعالم ياحراميه ده انا مشب تكلم في الموبيل ب 60 جنيه في ال 3 شهور مع اني مش بيبطل كلام كل يوم
السلام عليكم ورحمه اللهاقتباس:
المشاركة الأصلية كتبت بواسطة shaddadfalcon1
طيب انا اشتريت شقه على الطوب الاحمر ودخلت خطوط التليفونات ونظرا لاننى لن اسكن الشقه قبل اشهر فذهبت للسنترال وطلب ايقاف الحراره فابلغونى باننى سوف استمر في دفع الاشتراك حتى لو اوقفا الحراره.
وفى موضوع اخر اتصل بالأرقام المختصره 192xx وجدت في الفاتوره ارقام محافظات فاستغربت لان الشقه مغلقه من شهور فاتصلت بالشكاوى فاخبرونى بانها المقصوده بها الارقام المختصره.
وخلى بالكم الارقام المختصره لها سعر غير المكالمه العاديه نحن الذين ندفعه
اقتباس:
المشاركة الأصلية كتبت بواسطة sas5
أعتقد يا باشا أن الكلام ده غير صحيح .
أنا أصلا معرفش حد عنده تليفون أرضي غير الوالده و أخواتي و كمان مش بكلمهم عليه .
كل مكالماتي من الأرضي على الأرقام المختصرة وكلها محسوبة محلي
أي رقم 19xxx , 16xxx
دي أرقام محلية و الدفع أو المحاسبة عليها زيها زي الأرقام الأرضي العادية
شيل خدمة ظهار الرقم ... أنا عامل كدااقتباس:
المشاركة الأصلية كتبت بواسطة shaddadfalcon1
بدفع 37 جنيه في 3 شهور بس .
السلام عليكم ورحمه اللهاقتباس:
المشاركة الأصلية كتبت بواسطة tutankhamoun
انا اتصلت برقمين هما 19219 ديروفيت
19319 العربى
وحاسبونى بسعر مختلف والرقمين موجودين بالاعلى للعلم فقط
اقتباس:
المشاركة الأصلية كتبت بواسطة sas5
و عليكم السلام و رحمة الله و بركاته
أنا على طول بأتصل بالاأرقام دي لأني ما بتصلش بغيرها أصلا من الأرضي و بتحاسب محاسبة عادية زي ما الأعلانات بتقول بالظبط .
ممكن تكلم 111 و تسألهم .
كلامك صحيح ومضبوط تماماًاقتباس:
المشاركة الأصلية كتبت بواسطة sas5
أنا بيطلع عندى محافظات رغم انى لاغى المباشر
وسألتهم فى السنترال قالولى نفس الكلام السبب الأرقام المختصرة
اعتقد ان الأرقام المختصرة بتتحاسب حسب مكان الكول سنتر الرئيسى اللى بتتصل عليه
وغالبا بيكون فى القاهرة علشان كده بيتحسب محافظات مش محلى ده بالنسبة للأقاليم
إنما بالنسبة للقاهره محاسبة المحلى علشان كده ممكن يكون كلام tutankhamoun صحيح ايضاً
زى رقم تى داتا مثلا 19777 وغيرهم
طيب فعلا ممكن تكون بتبان في خانة المحافظات .
بس المفروض أن طريقة الدفع و ثمن المكالمة واحد صح و لا أيه ؟
مش هما بيقولوا في الاعلانات ان الأسعار زي المحلي بالظبط .
دي أهم حاجة مش مهم بقى تظهر فين .
انا لسه متصل برقم 111 لايضاح الموقف وكان الرد كالتالىاقتباس:
المشاركة الأصلية كتبت بواسطة tutankhamoun
الارقام المختصره تحاسب بسعر المباشر للمحافظات حسب مسافه المحافظه من مكان عملك المكالمه.
يعنى ممكن اتصل من القاهره برقم مختصر واحاسب بتكلفه مختلفه عن لو اتصلت من اسيوط بنفس الرقم حيث انها سوف تكون اعلى.
الان وحتى نهايه ديسمبر يحاسب الارقام المختصره بسعر 3 قروش للدقيقه مع رسوم فتح مكالمه 5 قروش.
وبعد ذلك سوف ترجع للتسعيره القديمه
طيب بقى على كدا لما شركة تعمل اعلان و تقولي أصتل برقم 19xxx , 16xxx و هاتتحاسب بسعر المكالمة المحلية يبقى نصب في نصب و كذب علني على التليفزيون .
ثانيا المصرية للأتصالات عاملة عرض أن سعر المحافظات بقى زي سعر المحلي و لا أيه الموضوع ؟؟؟
المحافظات فتح خط: 5
أقل من 60 كم : 8
أكثر من 60 كم : 16
المصرية للإتصالات - شبكة واحده بتقربنا كلنا
حسب كلامهم هذا عرض خاص وتخفيض للاسعار نظرا للظروف الاقتصاديه التى تمر بها البلداقتباس:
المشاركة الأصلية كتبت بواسطة tutankhamoun
وميعاد انتهاء العرض 31 ديسمبر الحالى.
فيه احتمال يتمدد هذا العرض 3 شهور اخرى او يتوقف
معاك حق الإعلان بتاعهم مضلل ونصب فى نصباقتباس:
المشاركة الأصلية كتبت بواسطة tutankhamoun
الارقام المختصرة
بسعر المحلى لو نفس المحافظة
لو انت فى محافظةتانية بتبقى بسعر دقيقة نداء الى
هما قالوا قبل كدة ان المباشر والمحافظات والكلام ده كله اتلغى
يعنى اى مكالمة داخل مصر للارضى ب 3 قروش ومكانش فيه لا فتح مكالمة ولا قفل مكالمة
الظاهر غيروا كلامهم!
اقتباس:
المشاركة الأصلية كتبت بواسطة grand hand
فتح المكالمة من زمان
الفساد للركب
قائمة بمرتبات كبار موظفى الشركة المصرية للإتصالات
[img3]http://sphotos-f.ak.fbcdn.net/hphotos-ak-ash3/522426_525682430775086_973407990_n.jpg[/img3]
و كله على حسابنا ولاد الحرامية.... حسبنا الله فيهم و فى الاشتراك اللى بيحصلوه سرقة عشان ياخدوا مرتبات بالملايين