لو ندمان انك اشتريت هيونداى قول ماركه العربيه وندمان ليه منها بكل صراحه ولو ايضا مش ندمان قول رايك
انا عاوز ردود مش مشاهدات وبس يا جماعه عاوزين نتفاعل شويه ومتكسلش انك تكتب رد او تشترك فى الموقع:rfds:
عرض للطباعة
لو ندمان انك اشتريت هيونداى قول ماركه العربيه وندمان ليه منها بكل صراحه ولو ايضا مش ندمان قول رايك
انا عاوز ردود مش مشاهدات وبس يا جماعه عاوزين نتفاعل شويه ومتكسلش انك تكتب رد او تشترك فى الموقع:rfds:
انا الحمد لله كنت حشترى فى الاول افيو ومكنتش اعرف اى حاجه فى اى حاجه ...بس ربنا اللى نجانى واختارلى اكسنت حبيبتى وبصراحه كنت حزعل قوى لو كنت جبت افيو وشوفت هيونداى بعدها اكسنت كنت حموت انا الحمد لله مش ندمان بل فرحان باختيار ربنا ليا والحمد لله وربنا يستر علينا ويكفينا شرها
انا زيك بلضبط حاسس انا اشتيريت العربيه الصح اللي كنت نفسي فيها شكل وبرستيج توفير في البنزين امكانيات جيده في العربيه بلنسبه للسعر المدفوع فيها بس اعتقد العيب اللي فيها الدهان ضعيف اوي العربيه اتملت خرابيش بيضاء والصاج ضعيف بس كل ماسال اي واحد يقولي كل الجديد كده بس الحمد لله علي كل شئ
انا زيك بلضبط حاسس انا اشتيريت العربيه الصح اللي كنت نفسي فيها شكل وبرستيج توفير في البنزين امكانيات جيده في العربيه بلنسبه للسعر المدفوع فيها بس اعتقد العيب اللي فيها الدهان ضعيف اوي العربيه اتملت خرابيش بيضاء والصاج ضعيف بس كل ماسال اي واحد يقولي كل الجديد كده بس الحمد لله علي كل شئ
لعلمك موضوع الدهان والصاج دا غير صحيح
دهان العربيه قووى وصاج جيد جدا ايضا بس انت خلى بالك وانت بتغسل العربيه فى المغسله متخليش حد يغسلها بفرشه انا بخليه يغسلها بسفنجه ناعمه بتنضف العربيه وربنا معاك ويحميك منها
وخلى بالك من الفلاسفه بتوعنا فى مصر اللى ميعرفوش حاجه فى اى حاجه :018a1d~146:
في الواقع انا ماخترتهاش ! -فيرنتي العزيزة-
لكنها هي التي اختارتني
مجرد اني اخترت لونها بس
في الواقع انا سعيد جدا بيها ومبسوط ومندمتش عليها بغض النظر عن سوء التقفيل لكن العربية اجمالا جيدة جدا وعمري ما طلبت منها حاجة وقالتلي لا الحمد لله
انا بس احط المفتاح في الكونتاكت واقلها ياللا يا زوزو تقلي ياللا بينا وتطير على طول :d
عارف يا استاذ اشرف احسن حاجه ايه
القناعه كنز لايفنى ...وحب الشئ المتاح فى ايديك وانك متبصش لحاجه غيرك ايضا جميل جدا فى علاقه وحب بينك وبين عربيتك بالشكل دا دى حاجه بحسدك عليها وبهينك بيها وربنا يحميك انت والعربيه ويكفيك شرها .:chirol_nawa1:
انا فعلا بحبها جدا
بحبها حب غريب شوية لو خدت مطب انا مشفتهوش او لو قرصت عليها في طلعة او حاجة تلاقيني قمت مطبطب على الدروكسيون واقلها معلش
لو طلعت بيها مشوار طويل ورجعت بدون ما تريح اول ماوصل اقوم قايلها سطورة يا زوزو :D
انا بعتبرها شريكتي في الحياة اساسا :iloveyou2:
نفسى اركب هيونداى ماتركس
الموضوع فكرته جميلة جدا و جديدة الي حد ما
عموما في البداية كنت قلقان عند أختيار هيونداي خاصة أني كنت مقتنع بماركة تويوتا اللي جربت كل أنواعها علي مدار 4 سنوات تقريبا و لم أكن أريد التنازل عنها
لكن بعد فترة ليست بالقليلة من البحث و التفكير و الحيرة في قائمة طويلة من السيارات اليابانية فجأة و بدون سابق انذار جاءت هيونداي ألنترا كي تخطفني من كل هؤلاء
حقيقي كانت صدفة خير من الف ميعاد و زي ما بيقولوا "قسمة و نصيب"
الحمد لله الألنتر أثبتت لي أن مخاوفي كانت غير صحيحة و أنها كانت أختيار موفق بالنسبة للقيمة السعرية لها و اليوم و انا أشاهد سيارات هيونداي بهذا الانتشار في أحدي الدول الاوروبية و اسمع تعليقات الاوروبيين من دول أخري ايضا عليها افتخر بأني أنضممت لمالكي الهيونداي
الندم الوحيد الي ندمان عليه هو ان العربيه مفهاش abs انما غير كده عمري ماكنت فكرت اغير العربيه طول عمري
شرف لينا ان حضرتك بقيت من الهيونداويه يا باش مهندس والله والحمد لله على كل حال ولعلم سيادتك العربيات هيه اللى بتختارنا مش احنا اللى بنختارها
لا مش ندمان الحمد لله معايا فيرنا و عاجباني بس بتخيل لو بعتها دلوقتي و جيبت اكسنت ار بي كنت هاندم بعد ما النيسان صني نزلت
الاربي الفئة الهاي لاين فيها ABS , Air bag 1 بس و مافيهاش EBD ولا immobilizer
الصني السوبر صالون فيها ABS , EBD , 2 Air bag + immobilizer
الاربي مش واسعة زي الصني
الا ربي مش عالية عن الارض زي الصني
الار بي موتورها اقوي من موتور الصني و كذلك الفتيس استبترونيك
الاربي نازلة بجنط 14 الصني السوبر صالون نازلة بجنط 15
الار بي تقفيل كوري و ده حاجة جميلة الصني تفيل مصري و ده حاجة مش جميلة
خدمة ما بعد البيع : الهيونداي بتسعي لتطفيش العملاء بكل الطرق / علي عكس توكيل نيسان شايف انه معاملة كويسة و خدمة كويسة
الار بي الهاي لاين معدية ال 120 الف جنيه / الصني السوبر صالون ب 112 الف جنيه
بالنسبة للشكل الاربي تكسب شكلها تحفة
في الاول و الاخر ده رأيي و دي اذواق و لولا اختلاف الاذواق لبارات السلع
لو كنت اتسرعت و اشتريت الا ربي و شفت الصني سوبر صالون بعدها كنت هاندم
معايا فرنا و بعشق نعومتها و مندمتش لحظة اني جبت هيونداي هي بس الاوبشن القليل اللي فيها هو اللي يضايق مقارنتا بخوتها الصيني
لو رجع بيا الرمن حشتريها تاني او ممكن اجيب byd صيني و اخاطر علشان الكماليات
ندمان على النيو اكسنت عشان عفشتها وحشه جدا وموضوع التنطيط ده متحلش الا في الاكسنت ال ار بي
او ممكن يكون اتحل برا مصر ومتحلش في مصر او التوكيل كبر دماغه
مش ندمان على الانترا 2005 عربيه خرافيه بس عموما الاوتو فتيسه ضعيف فيها بس مش قصه يعني
الحمد لله عمرى ما ندمت و راضى عنها تماما .. بس ده مايمنعش انى ممكن اغير :44:
انا جبت الار بي قبل الصني ماتنزل بحوالي 9شهور ولكن بعد ماشفت سعر وعوامل الامان في الصني زعلت شويه لكن كل شئ نصيب ناس قالتي الصني تقفيل مصري ومعاك تقفيل كوري ومعاك شكل خرافي كل الناس بتبص عليها موتور1600قدام 1500للصني بس بصراحه الار بي من غير abs دا اللي مش مخليني راضي عنها شويه بسيطه لكن انا راضي عنها بنسبه90% والحمدلله علي كل شئ ممكن اكون جبت الصني لكن ركبوتها وارتياحها النفسي ميعجنيش او شكلها اللي الناس تقول حلو وناس تكون عربيه خليط شكلها من الخلف مش ماشي معاها فلحمد لله علي الاكسنت وشكرا
ندمان ان جيبت اكسيل بس انا جبتها اتعلم عليها كان ممكن اجيب فيات لانشيا ديدرا بجد عربية خرافية وقطع غيارها حنينة وشكلها احسن من الاكسيل وكمان فى العفشة والموتور بس قدر الله وماشاء فعل وبأذن الله لو غيرت ممكن النترا 2005 او سيفيك 97
انا مخترتهاش هى اللى اختاراتنى خصوصاً انها كانت عربية والدى وانا استوليت عليها
حالياً بدور على حاجة تانية علشان بصراحة مش مآمن على نفسى فيها لان طبيعة سواقتى جرى شوية
وهى مفيهاش عوامل امان تقريباً فدة السبب اللى خلانى افكر فى غيرها
لاكنت غير كدة عربية ناعمة جداً شيك موتورها متوحش بمعنى الكلمة
ندماان جدا يارتني كنت جبت سكودا بدل التوكيل المقرف ده
انا لم اري في حياتس اسوا من توكيل هيونداي حتي الان توكيل لادا افضل منه
سيارتي سوناتا زرار الدركسيون بيعلق وبقالهم سنتين مش عارفين يصلحوه وبعتوني توكيل ابو رواش وغيروا الزرار مرتين وغيروا الدركسيون وبعدين قالوا العيب في ال clock spring بس مش عارفين يجيبوه وبعدين قالوا العيب في الكاسيت وفرمته 3 مرات بفلوس عند التوكيل بتاغ الجهاز الصيني ولغايت دلوقت متصلحش مهزلة الصراحة ده غير المعاملة السيئة وعدم الاهتمام
وعلي فكرة عربيتي دلوقتي في التوكيل بقالها 3 شهور اتبهدلت والبطارية باظت علشان البهوات بيستوردوا الفانوس الخلفي بقالهم 3 شهور والله 3 شهوووور
ده اسوا توكيل شفته في حياتس واخره يعمل صيانة ودي اخر مرة اقرب من هيونداي بسبب التوكيل مع ان السيارات كويسة جدا بس لة عنك مشكلة تبقي لبستها
حتي الآن لأ ، بس مشاكلي تقفيل ، النور مش مترجلش ، الكاوتش مش مريح ، بس في السعر و الأداء انا راضي عن العربية
انا ندمان وهموت من الزعل بسبب انى فكرت اشترى النترا 2012 انا اشتريتها تقريبا اول مانزلت ايام ما كانت ب124 الف وقعدت معايا مايقارب الشهرين ونصف وال2100 كيلو وريتنى فيهم الويل
1:موتور بيسقف بشكل رخم فى عز البرد شهر 1 ويقولولى فى التوكيل عادى والعربيه اوتوماتيك
2:العفشه ناشفه جدا جدا فى المطبات و الحتت المكسره ويمكن الللى ركب يابانى وركب دى هيعرف انا قصدى ايه
3:اصوات تزييق وخربطه من كل سنتى داخل الصالون دا غير عيوب التقفيل
4:الصاج مفارق بين الرفرف وباب السائق و واضحه جدا
5:كرسى السائق كان بيزيق جامد وراحت الهياكل ركبولى صواميل جديده و رشوها wd40 والمشكله ما اتحلتش وقالولى نصيبك كده مكنتش عارف ارد الصراحه
6:الفتيس كنت فيه نتشه مابين التالت والتانى عند النزول من التالت للتانى وقالولى حساس وبعد كده سوفت وير وبعد كده قالولى عادى وتعايش معاها
7:بعد ما اخدها وبشيل الورق الشفاف من على فرش الباب لقيت خدش بطوب 7 سم تحت السلوفان والله تحته رجعتلهم فى عمارات العبور قالى وانا ايه اللى عرفنى انه مش انت كنت هفرقع من الغيظ
وبروده الباشا اللى اصلا بيعلى العربيه منه لله
8:العربيه تلتت منى بعد 1500 كيلو ورحت لهم قالولى حط منظف مش عارف منظف ايه اللى كل 1000 كيلو ده مع انى كنت مدلعها وبحط 95
9"العربيه جابت اويل سيل وكانت غرقانه زيت من عند غطا التاكيهات لدرجه انه رشح على الفبره اللى فوق الموتور وده وقلتلهم عليها فى صيانه ال 1000 وكل اللى عملوه انهم زودوا الزيت بعد علامه max سنتى تقريبا وساعتها بدون مبالغه مسكت فى زماره رقبه المهندس اللى فى كرفان مدينه نصر ومكنتش عاوز اسيبها
ودى كانت القشه اللى قصمت ظهر البعير روحت من هنا ونزلت اعلان فى كونتاكت وبعتها ب116 يعر خسرت 8 الاف جنيه فى شهرين منك لله ياغبور واشوف فيك يوم
انا مش زعلان على البيع اكتر منا زعلان من المعامله يعنى لو كانوا حلوا مشاكلها مكنتش فكرت انى اخلص منها وحسبى الله ونعم الوكيل يعنى اجيب عربيه جديده علشان افضل رايح جاى على التوكيل وياريت بسمع كلام عدل او الاقى معامله مش كويسه آدميه على الاقل يلا منه لله غبور والحمد لله انى فضفضت معاكم احسن كنت هاموت من الغيظ
ايه ياعم انت كنت شارى النترا 2012 ولا لاادا 1899 :))
المهم انك بخير واحمد ربك انها جت فى العربيه ولعله خير
استاذ SE_coralsea
والله ما اعرف العربيه عامله ايه مع اللى اشتراها منى تلاقيه باعها هو كمان دى كانت عربيه معيوبه ومش متظبطه كويس وعامه المشاكل اللى حصلت فيها وهى معايا ولا واحده فيهم اتحلت لا فى توكيل ولا غيره وعلشان كده خلصت منها بقرفها قبل ما يجيلى الضغط
استاذ elmo7amed
شكرا على شعورك النبيل وانا بحمد ربنا وراضى بنصيبى
اكسيل
بصراحة عربية محترمة ومش ندمان بفضل الله اني اشتريتها
انا اخترتها علشان كانت انسب حاجه اتوماتيك فى الفلوس اللى كانت معايا
بس بعد ما جبتها بصراحه و الحمد لله و بينى و بينكم بالرغم من انى عارف انها مهياش واو يعنى
بس بحبــــــــــــــــــــــ ـــــــــــــــــــــــــ ــــــــــــــــها اوىىىىىىىىىىىىىىىىىى بجد و يارب ربنا يحفظهالى و بعاملها كويس جدا و زى اشرف كده بحب اطبطب عليها لما تلبس منى مطب ولا نقرة و اصبح عليها الصبح و اقولها تصبحى على خير باليل
تفتكرو ابقى مجنـــــــــــــــــــون
ههههههههههههههههههه انت مش مجنون لوحدك متقلكش انا مكهرب الجماعه عندى لو اى حد عمل اى حاجه واحنا مسافرين وبحب عربيتى قوى وربنا يحفظها ويحفظنا كلنا ويحسن ختامنا
ماحدش لاقى نصفها
دلوقتي بعد زيادة أسعار العربيات و خاصة الهيونداي و كل الكلام اللي بيتقال عليها
هل أنتم نادمون علي شراء هذه السيارات ؟
أم أن قرار شراء الهيونداي كان صائبا ؟
بصراحة من وجهة نظري المتواضعة ان السيارة الهيونداي مميزة ومحترمة واسعارها في المتناول وقطع غيارها متوفرة وده الاهم بالنسبة لي
بصراحة انا معايا اكسنت ار بى الندم الوحيد اللى ندمتة فيها الحكة فى المطبات وانا عمرى محسات فى الحكة دى فى عربية والدى بس هى مريحانى فى كل حاجة الا الحكة ومش عارف اعملها اية
اولا تحية طيبة للاعضاء الكرام....
ثانيا انا من اسرة متوسطة الدخل زي اغلب الناس في بلدنا يعني منقدرش نركب bmw ولله الحمد امكانيات تجيب اكتر من 128 والادا مع احترامي الشديد لملاك الفيات والادا (فضل ونعمة من عند ربنا برضوه)
المهم في 1998 كان معانا 128 زيرو 1988 بعناها وطبعا كان اعلان الهيونداي الاكسيل (بتاع هيونداي الاسطورة) طبعا فاكرين الاعلان ده...وفعلا كانت اسطورة بالنسبة لسعرها نقلة كبيرة من الفيات من حيث الشكل والنعومة والابشن وسعر اقل من الاوبل فكترا اللي كانت في وقتها اسطورة برضه بس السعر غالي خالص بالنسبة للكوري المهم دي كانت المرة الوحيدة اللي نجيب فيها مستعمل واشترينا اكسيل 94 1300 ....المهم طبعا اخدت العربية غيرت زيت وفلاتر والذي منه وانا بركن بليل متعود ادوس كام مرة بنزين والمفاجاءة دخان ابيض ملاء الشارع زي عربية الناموس بالضبط اتاري العربية مفوتة(مش خفيفة وبس) لا مفوتة بمعني الكلمة المهم العوض علي الله واللي باعها كان حاطيت زيت تعاون تقيل وشوية زيت فالفالينا عشان يحكم الدخان شوية المهم العربية كانت برضوه تمام سفر ومشاوير وكله تمام مع مراعة عدم القرص عليها بس لم نندم علي شرانا ليها وفي 2001 بعناها واشترينا اكسنت زيرو ودي كانت اختيار موفق من الله ولم نندم للحظة لانه كل يوم كانت بتثبت انها يعتمد عليها في السفر و وسط البلد وكسيارة اسرة متوسطة العدد كانت ممتازة وقطع غيار متوفرة ورخيصة وتكيف تمام وبغض النظر عن الناس اللي بتقول لا دي عربيات ورق لا دي عربيات مفيهاش امان لا الماني مستعمل برقبتها كل ده كلام فارغ العربية لحد 100 كيلو ممتازة وفرامل وثبات مش وحش وطبعا اللي معاه اسرته في العربية ويفكر يجري اكتر من 100 يبقي حرام انه يعرض اهله للخطر لانه اساسا الطرق بتاعتنا كتير عليها كمان 100 بس ده لم يمنع اني ساعات كنت بتجنن بيها بس لوحدي طبعا وامشي 160-170 ومكنتش بتقول لا....وفي 2011 بعناها واخدنا شوال الفلوس(مش بقول عربية غاليا جدا) واجري علي عموا غبور اللي مش امور بس (ان كان ليك عند ال.....قولوا يا غبور) اشترينا نيو اكسنت 2011 وبرضوه لم اندم للحظة عربية بالنسبة لسعرها جميلة وسحب حلو وصالون تمام وثبات معقول المهم لم اندم لحد الان(ومحدش يسأل هتندم امتي كله جاي) المهم نزلت الrb وكنا في حاجة لعربية تانية نظرا لظروف الشغل المهم اوعي الrb ومن تجربة النيو اكسنت توقعنا انه هتبقي فعلا اسطورة جديدة بس السعر غالي خالص بالنسبة للنيو اكسنت فرق 23 اللف طيب وماله الشكل احدث اجري علي غبور وللاسف بعد ما اشترينا العربية بشهر وبداء الندم العربية تكيفها مش قوي للدرجة يعني تكيف الاكسنت القديمة والفيرنا والنيو اكسنت اقوي بكتير( ساعات كنت بركب الفيرنا بتاعت صاحبي وعز حر الصعيد ومستحيل تستحمل التكيف اعلي من 2) الrb التكيف علي 4 وحلني لما يسقع وكله الrb كده لاني شكيت وجربت كذا عربية تاني نفس المشكلة ومحدش يقولي العربية في الشمس والكلام ده لانه الفيرنا والنيو اكسنت برضوه كانو منقعوين في الشمس وقت التجربة المهم اكشفت انه نفس الكومبيريسور بتاع النيو اكسنت هو اللي راكب في الrb و طبعا الكبينة اكبر والعزل اسواء فالفارق ملحوظ جدا ومع اول سفر وكنت حكيت الموضوع ده قبل كده المهم ندم بكل المقايس لانه العربية لايوجد بها غير شكل شيك واوبشن العربية لو مليكش خبرة في الهيونداي او كنت راكب حاجة اقل هتعجبك لاكن انا عن نفسي مش عجباني ده غير موضوع المساعدين الزبالة والكنوسول اللي يتسخن جدا وغير التابلوه اللي بيجيب هبو سخن عامل زي موضوع الافيو وحاليا العربية معروضة للبيع ولسه ماكملتش 15 الف وفيها جنوط وبروجيكتور فرش جلد ومصاريف تانية كتير اعتقد انه مفيش ندم اكتر من كده بس كل اللي قبلها كان تمام يمكن عشان الrb اغلي بكتير عن الموديلات السابقة عشان كده السعر لايقابل القيمة
علي فكرة العربية زي ماقولت للبيع او البدل بالانترا hd 2011 كاملة شرط ان تكون فبريكة وعداد لا يتعدي ال25000 كيلو وانا جاد في البدل وحسب سعر السوق يعني لو ليا فلوس او عليا فلوس مفيش مشكلة بس شرط العربية تكون كسر زيرو لانه ولو فيه منها زيرو كنت جبتها ولو يرجع بيا الزمن اجبها بدل الrb والعربية الrb والله زيرو ومستعد للكشف عليها في اي توكيل او اي مكان العربية فيها سنسور وكاميرا وفوانيس شبورة وزينون بروجيكتور جنوط 15 205\55 ايطالي.....علي فكرة العربية فئة اولي والكماليات دي متركبة واللون موكا (حاسس اني بدلل علي العربية):stink[1]:
اسف للرغي الكتير.......وديما منورين
انا معايا فيرنتى حبيبتى ومبسوطة بيها جدا ولحد دلوقتى قربت على 90 الف ماعملتش معايا ولا فصل بايخ
ومرسيه على الموضوع اللطيف ده
الامانة في البيع و الشراء أهم حاجة علشان ربنا يبارك
أنا عربيتي اللانوس لما أتخبطت و صلحتها و بالرغم من أن الخبطة لم تؤثر أطلاقا علي الشاسيه أو الحوض كل الحكاية أني غيرت الباب و الرفرف و صلحت القائم و ماحدش قدر يعرف أن العربية دي كانت مخبوطة
لكن لما عملت أعلان كنت كاتب فيه الحقيقة و بالرغم من كده ربنا بارك و بعتها وقتها بسرع معقول