سؤال لذوى الخبره

**hossam_elwani** · 23-10-2012 12:25 AM

بشترى عربيه ميجان 2006 عامله 75000 كيلو

وانا شارط كشف التوكيل طبعا

المهم صاحبها من مدينه بعيده عن القاهره شويه وبيأكد ان العربيه بحاله فوق الممتازه ولما قولت له شرطى كشف التوكيل قالى حضيع وقتى فى الذهاب للقاهره وممكن منتفقش فى الاخر ورفض تمام الذهاب للتوكيل وقالى هات اى حد يكشف عليها معاك زى ما انت عايز وبيأكد انها عامله صيانة الــ 60000 و صيان 70000 الف فى فرينش موتورز

قولت له طيب لو مش عايز تروح التوكيل ادينى رقم الموتور والشاسيه اتأكد منهم من خلال تاريخ الصيانات عندهم

السؤال هو هل لو فعلا العربيه عامله الصيانات دى فى التوكيل لحد 70000 وهيا حاليا عامله 75000 يعنى مامشتش كتير هل ممكن استغنى عن كشف التوكيل تمام واكتفى بلكشف الظاهرى وخبرتى المكتسبه؟؟

وعلى فكره انا معايا صور العربيه والحاله العامه ليه مبدئيا وظاهريا فوق الممتازه

ايه رأيكم انا محتار وخصوصا انى حضرب مشوار بتاع 200 كيلو رايح جاى عشان اشوفها

تحياتى

**medo99_pc** · 23-10-2012 12:35 AM

كشف التوكيل أضمن حاجة بالذات عشان الحساسات والفتيس تتأكد ان حالتهم سلميه, اى حاجة تانى ممكن اى ميكانيكى وعفشجى يعرفوها....

**hossam_elwani** · 23-10-2012 12:46 AM

المشاركة الأصلية كتبت بواسطة medo99_pc

كشف التوكيل أضمن حاجة بالذات عشان الحساسات والفتيس تتأكد ان حالتهم سلميه, اى حاجة تانى ممكن اى ميكانيكى وعفشجى يعرفوها....

انا عارف بس زى ماوضحت فى موضوعى اعمل ايه يارجاله؟؟

**MARTINDALE** · 23-10-2012 01:32 AM

روحله اكشف براحتك واتفق على الموضوع كله واديه 10000 في ايديه وقوله الباقي بعد الكشف في التوكيل . بكده انت هتاكدله انك جاد وان الموضوع علشان تطمن مش اكتر .

**hossam_elwani** · 23-10-2012 01:44 AM

المشاركة الأصلية كتبت بواسطة ahsd2000

روحله اكشف براحتك واتفق على الموضوع كله واديه 10000 في ايديه وقوله الباقي بعد الكشف في التوكيل . بكده انت هتاكدله انك جاد وان الموضوع علشان تطمن مش اكتر .

ياباشا ولاد الحرام كتير اضمن منين ان الفلوس ترجعلى لو العربيه طلع فيها حاجه وانا رجعت فى البيعه ؟؟؟

**mazher_m** · 23-10-2012 02:15 AM

لو مكانك لاروح ولااجي طالما ان هو مش عايز يروح التوكيل
العربيات كتير
متستعجلش عربيتك مستنياك

**mohamed_e36** · 23-10-2012 08:55 AM

المشاركة الأصلية كتبت بواسطة mazher_m

لو مكانك لاروح ولااجي طالما ان هو مش عايز يروح التوكيل
العربيات كتير
متستعجلش عربيتك مستنياك

معاك في الرأي ده
بدل ما توجع دماغك وتاخد الحاجه وانته قلقان منها ويطلع بعد كده فيها حاجه و تحس ان اتنصب عليك
مفيش اكتر من العربيات اصبر ودور على حاجه تانيه مفيهاش قلق لانك مش هتدفع فيها مبلغ بسيط والخساره هتكون كبيره
وممكن حل تاني لو خلاص قافله معاك على العربيه دي
اكتب معاه عقد ابتدائي وحددو في غرامه مثلا 500 جنيه للي يرجع في العقد ساعتها هو هيحس بجديه في الموضوع واطلع اكشف عليها في التوكيل لو تمام خلص معاه مش تمام يبقا هوه شال المشوار رايح جاي

**MohammedAladel** · 23-10-2012 09:59 AM

بالنسبة للحساسات دى استهلاكية على فكرة

بالنسبة لكشف التوكيل عشان تضمن العربية بالضبط وتعرف كل حاجة فيها

بس فيه ناس بتكسل وشايفة الأمور أبسط من كدا يعنى مثلا حضرتك عايز تشترى وخايف وهو عايز يبيع ومش فيه دماغ يكشف فى توكيل ههههههه

على العموم زى ماقال الأعضاء لو ينفع تربط معاه بفلوس وعقد ابتدائى بس إنت كدا يعتبر اشترتها

شوف لو العربية فبريكا من برا مفيش مانع تروح تشوف حالتها بنفسك

هتركبها وتدورها تشوف صوت الموتور وإنت عارف طبعا وعندك خبرة فى العربيات

أهم حاجة تسوقها على سرعة عالية وغالبا لو فيها حاجة هتبان وامشى بيها فى طرق متكسرة

وبعد كدا اكشف فى التوكيل لو عايز تتأكد وتعرف مدى كفاءة السيارة وقطعها وإيه اللى عايز يتغير دلوقتى وإيه اللى ممكن تمشى بيه ودا حتى بعد ما تشترى إن شاء الله هيسهل عليك معرفة العيوب لو قابلك عطل

**bedooracle** · 23-10-2012 12:00 PM

لما جبتى عربيتى كان معاها تقرير من الميكانيكون ان مفهاش غلطة و لما روحت توكيل العبور طلع فيها مقص وبطاحة و قواعد موتور و موتور فانوس فما باللك اللى خايف يروح التوكيل و خلى بالك اللى متاكد من عربيته ميخافش من التوكيل الا اذا كان قلقان من حاجة و الصراحة لو عايز راى انا لو مكانك مدفعش مليم غير بعد كشف التوكيل كفاية انك هتدفع بتاع 400 جنيه كشف بلاش فوسك تكون فى ايدك و تدفعها و بعدها تيجى تدور عليها