الموضوع: الفيكترا بتتحسد والحمدلله

السلام عليكم ورحمة الله

انا من 3 اسابيع اشتريت فيكترا 97 ولله الحمد مفيش فى حالتها فى مصر نضيفه اوي باستثناء حاجات بسيطه جدا وده الى مزعلني لانها فعلا زيرو ..

ومن ساعت مانا جبتها وابتدت العين الله ينور .. وحصل الأتي

صلو بينا عالنبي

- من حوالي اسبوع كده ونا طالع من الكليه لاحظت ان الدبرياج مش مظبوط ... كأن مشوار الدبرياج نصه فاضي
قلت مش مشكله اهى تمشيني لحد البيت
طلعت نمت ونزلت تانى لقيت الدبرياج عالارض ..
سوقتها لحد ميكانيكي جمبي تعبان كده ملوش فى الاوبل .... قالى الاربه مفيهاش زيت
اشتري ياعم زيت باكم
حطينا الزيت وقعد يرجلش وبتاع الدبرياج بقه تمام
بس برضه المشكله متحلتش ..
كل يوم لما اجي ادورها الصبح لازم ادوس عالدبرياج شوية لحد مايبقي تقيل معايا ..
وكمان وانا مسافر القاهره من يومين كنت ماشي 190 كل ماجى ادوس عالدبرياج الاقيه عالارض .. ولازم اقعد اكاركله عشان يبقي ناشف ويشتغل معايا ..

ده بقه ايه الكلام بالظبط ؟؟ ولو لاقدر الله محتاجه ماستر دبرياج الليله هتدخلها فى كام لحلوح .. عشان بجد مش ناقصه مصاريف بعد التظبيط الى انا عملته


--

تعالى بقه تانى حاجه .. الايدل مبقاش مظبوط معايا لما افتح التكييف ..

بمعني لما اضغط على زرار الكومبيرسور ال RPM مش بيعلي .. و الاقي العربيه بتبرجل معايا كتير ... وكمان استجابه دواسة البنزين بتبقي ضعيفه ..

ايه دي كمان بقةةةةةةةةةةةةةةة !!!!!!!!!!

--
لمبة ال ABS نورت

ادي جامد .. عشان جامد مخدش ..

حساس ال ABS بيعمل فى حدود كام يارجاله وايه اقصي احتمال ممكن يكون بايظ فى ال ABS وتكلفته ممكن توصل كام ..

لان ال ABS دا خراب بأمانة ربنا .. كنت داخل ملف على سرعة متقلش عن 160 ودوست فرامل وانا ناسي ان ال ABS بايظ .. وكانت احلي تعريضه بأمانه وربنا سترها

---

واخيرا بقه دي الحاجه المضحكه .. ان حتى الحراميه مسابونيش فى حالي ..

الغطا البلاستيك بتاع المرايتين الى عالجمب اتسرقو بالكامل .. الحتتين فوق وتحت ...

محدش عنده فكره الغطا ده يعمله كام ... ولو افترضنا انه مش بيتباع المرايه بتعمل كام ..

--

واخيرا الحمدلله وانا مش طالب من ربنا غير الستر من عيون الناس لان كده الموضوع بقه اوفر