والله العظيم زعلان

**cap0** · 23-10-2012 03:39 AM

2012 Nissan Versa sedan side test - YouTube

ارجو من الاعضاء مشاهدة الفيديو للاخر وارجو ان محدش يزعل منى انا والله كنت ناوى اشتريها بس لما اتفرجت على الفيديو قررت انى افكر تانى

**cap0** · 23-10-2012 03:41 AM

انا اسف هو ده الفيديو اللى قصدى عليه

Low-Speed Crash Test 2012 Nissan Versa - YouTube

**S O P H O S** · 23-10-2012 04:29 AM

معلش الفديو متحامل اوي علي العربية
ومش مقياس بردوا لو قارنت العربية بعربيات كتير فالفئة دي
وبردوا مقياس العربية فالامان كعيون فرامل او ايرباج وده نيسان ناجحة فيه
يبقي العربية هتفضل ثفاقة رابحة لان مفيش عربية بالسعر ده وفيها كل ده كراي الشخصي
ولابد من بعض العيوب الصغير ومعلش اي عربية تانية فيها بردوا عيوب
اما عن الفديو فحسيت بصراحة ان دي ناس عاوزة تدمر مميزات العربية
كلامي راي شخصي فقط ..

**AHMED_DINAMO** · 23-10-2012 05:35 AM

المشاركة الأصلية كتبت بواسطة s o p h o s

معلش الفديو متحامل اوي علي العربية
ومش مقياس بردوا لو قارنت العربية بعربيات كتير فالفئة دي
وبردوا مقياس العربية فالامان كعيون فرامل او ايرباج وده نيسان ناجحة فيه
يبقي العربية هتفضل ثفاقة رابحة لان مفيش عربية بالسعر ده وفيها كل ده كراي الشخصي
ولابد من بعض العيوب الصغير ومعلش اي عربية تانية فيها بردوا عيوب
اما عن الفديو فحسيت بصراحة ان دي ناس عاوزة تدمر مميزات العربية
كلامي راي شخصي فقط ..

+11111 الرجل ده قال كل ال كنت عاوز اقوله
بس الفكره هنا انت مش مرتاح للعربيه ايه ال يزعلك ما الانواع والاشكال والماركات كتير فكر تانى واختار تانى مع العلم رأيى من رأى استاذ أحمد متحاملين بزياده على العربيه مع وجود وسائل الأمان فيها

وربنا يباركلك وتختار صلى انتى بس استخاره

**AHMED_DINAMO** · 23-10-2012 06:37 AM

المشاركة الأصلية كتبت بواسطة cap0

اولا شكرا لاهتمامكم بالموضوع والله العربية داخلة دماغى جدا جدا جدا بس الفيديو التانى بيوضح ان العربية الصاج ضعيف جدا وهنا فى مصر لو حتى انت بتسوق كويس برضو انت ماتضمنش سواقة غيرك والله انا عملت الموضوع ده على موقع نايل موتورز عشان من خلال متابعتى للموقع وجدت ناس محترمة جدا وناس عايزة تخدم وبس واتمنى حد يفيدنى مع العلم انى لو هاجيبها ان شاء الله هاجيبها قسط عشان كدا القرار صعب

ان شاء الله خبراء قسم نيسان يفيدو حضرتك واهلاً وسهلاً بحضرتك معانا فى نايل موتورز وان شاء الله تختار الانسب ليك صلى استخاره وربنا هيكرمك ان شاء الله
وعلى فكره وسائل الامان مش صاج بس

**wella3330** · 23-10-2012 08:17 AM

للاسف كل الجديد عضمه ضعيف لان المصنعين هدفهم تقليل وزن السيارة و الاعتماد علي وسائل الامان لحماية الركاب , يعني من الاخر العربية تتحطم عادي بس اللي جوه يفضل سليم و هي العربيات بقت 124 او 140 حصان و هي 1600 سي سي ازاي, ببساطة مفيش وزن اصلا .
و هتلاقي كل العربيات كده في نفس الفئة دي و اذا كنت عايز حاجة قوية فعليك بالالماني بس انت ادفع :)

و تحياتي للجميع

**hassaan_handom** · 23-10-2012 01:38 PM

فين الفيديو هو اترفع لية يا جماعة

**zangry** · 23-10-2012 02:16 PM

انا اسف يعنى .. حضرتك ليه غيرت رأيك لما شوفت الفيديو !! اولا ده مش مقياس اى عربية بتكون كده

اصلا كل ده مش مهم ! لأن المهم الكابينة والركاب اللى في العربية مش الصاج ! وبعدين تفكر في اية ! عربية فيها 2 ايرباج

وabs وتلت تربع العربيات في الفئة دى مفيهمش حاجة من دى !