محتار بين تويوتا كرولا 99 و إكو 2000

**Elsobky** · 23-10-2012 01:03 PM

عايز عربيه كويسه فى حدود 50 الى 52 محتار بين إكو 2000 شكلها احلى من الكرولا 99 بس اعتقد انها اصغر
بس قليله مش عارف ايه اخبار الصيانه وقطع الغيار عايز مقارنه افيدووووووونى و الثبات ايه اخباره وسع

الصالون الموتور كل حاجة ياريت مالكى احدى العربيتين يفدونى او ناس تكون جربت

**arakysolom** · 23-10-2012 01:33 PM

السلام عليكم
انا كنت في حيرة زيك في موضوع الايكو الهاتش باك بس الكل نصحني بعدم الشراء لأن قطعها تكاد تكون غير موجودة و لكنها عربية جميلة و ناعمة جدا و موتورها هو موتور الكورولا 2002 و ليس كورولا 2000 و يعيبها ايضا عدم سهولة البيع
بالنسبة للعيون 99 هي اكثر انتشارا اكثر مبيعا
فانا رأيي خليك في المضمون الكورولا

**mahmoudselim** · 24-10-2012 10:28 PM

انا من رأي خليك في الكورولا 97 احلا من الاتنين
وفي نفس السعر وياسلام لو كانت خليجي او امريكي ب موتور 1600

**omaroof** · 08-11-2012 03:34 PM

فرق كبير بين الكورولا والايكو
الايكو عربيه غير متزنه بعد ال100 كم وفعلا قطع غيارها معدومه تقريبا

**S O P H O S** · 10-11-2012 06:28 AM

كورولا علشان قطع الغيار كمان
..

**م/ماجد على** · 11-03-2013 11:19 AM

انا معايا الايكو من 11 - 2012 و ماشى بيها لحد دلوقتى حوالى 6 الاف كيلو - معظمهم على سرعات فوق ال 120 كم
1- العربية جميلة و ناعمة
2- الثبات مشتكيتش منه خالص و بوصل بيها ل 180 و الغرز بيها على 120 و 140 و مفيش مشاكل
3 - كنت على طريق السويس و كنت جايب 150 و طلع اتوبيس من الشمال مرة واحدة و عربية على شمالى خدت اليوتيرن مرة واحدة - الفرامل الحمد الله لحقتنى و العربية خدت يمين فى شمال فى يمين بس دة بسبب انى مكنتش ضبط الزوايا و الحمد الله فرملت قبل الاوتوبيس و الناس كانت فاكرة انى انتتهيت بس ربنا ستر
4- قطع الغيار موجودة و لو اللى قدامك مش فاهم اسال على الكورولا 1300 موديل 2007 - او اليارس مع العلم ان فى الحرفيين الاستيراد مرطرط للايكو - الكاوتش اللى تحت الريداتير لقيتة بتاع الصنى 1998 و ب 10 جنية
5- الصيانة موجودة عااادى جدااا و ناس كتير بتفهم فيها لانها نفس ماتور الكورولا 1300 vvt-i
6- الايكو بتاعتى فيها ABS بس فى عربيات مفيهاش و ان كان سهل انك تركبهولها
7- التسارع بتاعها كويس الى حد ما لو انت مهتم بالعربية
---------------------------------------
اى اسئلة انا فى الخدمة