الله يعزك
انا عارف انه موجود فى الــ ex صالون وفى الصنى القديمه كمان بس حبيت اوضح اكتر بلصوره للاعضاء الجدد
هههههههههههههههه
نفس اللى قالهولى مصطفى لما حجزت الـ Ex
بس بصراحة سواء هو أو اسلام و حتى مدير الفرع محترمين جدا فى التعامل
أنا استريحتلهم عن مودرن
وبصراحة مدير الفرع عمل خدمة لواحد صاحبى معاه جراند تريوس لانه كان ماسك مدير فى دايهاتسو و صاحبى كانوا مدوخينه شوية
بس استنى انت لما يجى ميعاد التسليم
قبل الاستلام بـ 10 ايام كل يوم يكلمنى ويقولى
حانت ساعة الصفر
يوم تحديث بيانات و يوم فى لون فضى و يوم فى نبيتى و دهبى
يا عم انا عاوز برونزى فرش بيج
ههههههههه
المهم كان عندك حق فى موضوع الفرش البيج انه بيبان انه مش نضيف علطول بمجرد ما تلمس الباب من جوه تلاقى ايدك معلمة و طبعا الحمد لله الباشوات الصغيرين قايمين بالواجب و زيادة
بس لو هتحجز فرش اسود فبلاش نبيتى لانه قفلها اوى
وحاول تشوف اللون اللى انت عاوزه بالفرش على الطبيعة
وطبعا نحن نقدم خدمة التيست درايف مجانا بالمشاريب
ومفيش مانع تظبطنا بسندوتشين كبدة من عند الفلاح
وهنعملوا معاك الواجب برضه
ونزداد شرف يا حسام باشا
.
.
فعلا عندك حق هما فعلا ناس محترمه جدا فى المعامله
انا حقولك على مفاجاه وكانت ليه قبل ماتكون ليك
انا كنت رايح استلم الـــ 1000 جنيه بتوع الحجز وكان فى بالى لما الظروف تتحسن على الصيف الجاى احجز السوبر صالون
فوجئت ان حجزى للــ ex صالون متلغاش من السيستم عندهم ولما سألته طيب ممكن ابدل الحجز على السوبرصالون
قالى عادى مفيش مشكله
قولت له طيب الاستلام بعد قد ايه
قالى ليك الاولويه وتستلم اول عربيه سوبر صالون تيجى عندنا !!!!!!!!!!!!
يعنى مفيش انتظار واستلام فورى وبلسعر الرسمى
انا عملت كده
:untitled:
قولت والله انتو ناس محترمه فعلا مع انى كنت مكنسل بلكلام من خلال التليفون ومع مين مع مدير الفرع نفسه مش اسلام المندوب ومع ذلك قالى اوك مفيش مشكله تعالى استلم بعد العيد
وعلى فكره كنت بدور على ميجان بحاله كويسه على قد الفلوس الى معايا ولحد دلوقتى مش لاقى ولسه اختيار الصنى كزيرو مطروح بس قدام
انا بعد كلامه ده مرضتش اسحب الفلوس وقلت خليها كحجز لحد ماربنا يفرجها وعلى نهاية الشتا اجبها والله المستعان
وليك اكله محترمه ان شاء الله ساعتها عند الفلاح هههههههه :3mla: والشرف ليه طبعا
هههههههههههه
دول دلعوا محترمين لدرجة انهم ورطوك
أنا لو منك أتصرف فى الفلوس بأى طريقة
حتى لو بعت الشقة
بأهزر طبعا
بس محدش عارف يمكن ربنا رايد
بس رأيى قلهم على الموضوع و ان الفلوس هتتوفر على آخر الشتاء و هما هيظبطوك
عامة سمعة عبداللطيف جميل تسبقه سواء فى السعودية أو هنا فى مصر
ههههههههه مش قادر أمسك نفسى من الضحك على الورطة دى
هما بصراحة أحرجوك و ملكش حجة يا عم
سورى ياباشا
وكل سنة و انت طيب
تصدق طلعتنى من المود بتاعى قاعد بقالى كذا ساعة بـ upgrade فى الاندرويد بتاعى لما دماغى ورمت من الـ backup و الـ downgrade نفسى فى حاجة زى جوجل كده اول ما تفكر فى حاجة و تكتب حرفين هو يكمل لوحده
ههههههه
تقرير جامد جداً بس ياترى ليه منزلتش بحساسات ركن بقا ونيكل على الابواب زى السوبرصالون القديم؟؟؟ ولا هو لازم تنزل ناقصه حاجه عن بتاعت بره ؟؟ ويا ترى ليه الكاوتش ماكسيز صينى !!! ليه مش بردجستون يابانى زى اللى قبلها ؟؟؟ حاجات عجيبه اوى بتعملها نيسان
شغل عالى ياباشا تسلم ايدك
تقرير جميل وتسلم ايديك يا باشا
للأسف مش واحده يا باشا
الأوفر درايف ..... بيدى غيار رابع للعربيه و عاده بتخليه شغال على طول و بتبطله بس و هيا العربيه بارده
الكيك داون .... بيسقط نقله ... والزرار ده مش موجود فى النيسان ... لو عايز تعمل ده فى النيسان بتدوس دواسه البنزين للأخر
مشكور مره اخرى على المجهود الكبير
حتى وقت قريب جدااااااااا كانت كل نواقل الحركة الاتوماتيك 4 سرعات فقط قبل ظهور ال6 و7 و8 نقلات
وبالتالى الاتنين بيكون هدفهم هو الانتقال للسرعة الثالثة لأنه فى الغالب بتكون العربية على الرابع أيا كان اسمه
والكيك داون كده كده ممكن يتعمل على اى سرعة بمجرد الضغط على دواسة البنزين بقوة على اى سرعة ان شالله الاول والثانى .. فمش محتاج زرار لحجز النقلة الثالثة زى الاوفر درايف
وما تنساش حضرتك ان اغلب اذرعة النقل الاتوماتيك فيها نقلات مانيوال زى l - 2 -3 ممكن تستخدمها للنقل مع تشبيع الغيار لاستخراج كامل عزم العربية على كل سرعة .