الموضوع: مشكلة فى عداد بنزين هوندا سيفيك 93 ex

السلام عليكم ورحمة الله وبركاته
بصوا بقي يا هندواية وقولولي المشكله دي منين
اولا انا كان عندي عداد البنزين مش شغال خالص رحت لكهربائي ابن حلال الله يكرمه قالي ده عيب من عوامة البنزين اشتري عوامة
المهم انا سمعت كلامه وطلعت اجري اشتريت عوامة وللاسف فضل العداد مش شغال قالي روح لاي حد بتاع عدادات يركبلك عداد جديد
المهم رحت لواحد كده على الكورنيش بعد البنك الاهلي والله مش فاكر اسمه غيرلي العداد واشتغل بس ظهر العيب ده بعد فترة
اسمعو بقي العيب:
اولا: لو انا مفول العربية والمؤشر بتاع البنزين فوق النص بيفضل فى مكانه حتى لو بطلت العربية مش بينزل.....
ثانيا: لو البنزين تحت النص يعني المؤشر تحت النص اول ما ابطل العربية المؤشر ينزل لتحت خالص بس اول ما اشغل الكونتاكت
يطلع تانى لمكانه بس ببطئ شوية ( تقريبا زي كده اللى بيحصل فى العريبات الحديثة )
ثالثا: نسبة البنزين اللى بحطها فى التانك غير متانسبة مع حركة العداد يعني ايه ؟؟؟؟؟ يعني مثلا لو الموشر فى النص
ورحت حطيت 10 لتر الاقي المؤشر ضرب لفووووووق عن الfull وطبعا لما بمشي شوية اخلص ال 10 لتر اللقي نزل للنص,
وطبعا برضو لو تحت خالص وحطيت 10 لتر يبقي عند النص( يعني حركة المؤشر اكتر من اللى بحطه او اللى بتستهلكه العربية )

طبعا الكلام ده لو انا كتبته فى منتدي تانى كنت هشك ان الاعضاءهتهنج بس انا عارف انا هونداوية نايل موتورز مش كده وقدها وقدود
المهم بقي انا عاوز اعرف ده عيب عداد ولا عيب ايه بالظبط ولو عداد الاقيه بكام واجيبه منين جديد واستيراد لانى طبعا مش هروح عند اللى انا عملته عنده ده تانى

سؤال اضافي بسيط :
الفانوس اللى قدام بتاع الاشارة الشمال برضو بكام واجيبه منين

واسف يا هونداوية لو طولت عليكما بس انا ماليش غيركو وكل سنة وانتم بالف خير وسلامة

بص ياباشا أنا هريحك من المشكلة دى خالص..

الفانوس دا بحوالى 40 جنيه وتلاقيه عند مجدى الدسوقى فى الحرفيين :d:d

المشاركة الأصلية كتبت بواسطة matrix_87

بص ياباشا أنا هريحك من المشكلة دى خالص..

الفانوس دا بحوالى 40 جنيه وتلاقيه عند مجدى الدسوقى فى الحرفيين :d:d

الف شكر ليك يا باشا على الرد

الى الاخ العزيز sasa 4

بالنسبة الفانوس اللى قدام بتاع الاشارة الشمال برضو موجود عند
الحاج قورة الناصية اللى بعد سينما التحرير يمين فى الدقى.

المشاركة الأصلية كتبت بواسطة ahmedeihab

العداد ملوش دعوه بالقرايه

المشكله فى العوامه اللى جوه التنك

هتروح تجيب عوامه استيراد و تبقى لسه طالعه من تنك و تنزلها فى التنك بتاعك على طول من غير خبطاك و الكلام ده

و لازم واحد فاهم يركبها علشان لو ركبت غلط ولا كأنك عملت حاجه

و العوامه بتعمل استيراد 150 جنيه لحد 175 جنيه بتاعت ال ex و التوكيل ب 275 جنيه و اوعا تشترى عوامه فردانى

لازم العوامه تخرجها انت بأيدك من التنك واحده واحده لحد ما تطلعها و تحافظ عليها جدااااا لحد ما تركبها فى التنك بتاعك

الفانوس هتلاقيه عند مجدى الدسوقى زى ما matrix_87 قال

^_^

الف شكر ليك يا باشا على الرد بس ممكن تشرحلي يعني ايه العداد مالوش دعوة بالقراية

المشاركة الأصلية كتبت بواسطة yousflee

الى الاخ العزيز sasa 4

بالنسبة الفانوس اللى قدام بتاع الاشارة الشمال برضو موجود عند
الحاج قورة الناصية اللى بعد سينما التحرير يمين فى الدقى.

شكرا يا باشا على الرد

المشاركة الأصلية كتبت بواسطة semsem kane

انت كل اللى انت بتحكى فية دة عيب عوامة بنزين

واصلا الكهربائى كان المفروض قبل مايشتغل فى العربية كان يتأكد اذا كان العيب من العداد ولا العوامة قبل مايقولك غير العوامة

وفعلا هات فانوس اشارة استيراد ب40 جنية , او ب60 جنية جديد تايوانى

شكرا يا سامح باشا على الرد بس معلش استفسار بسيط موضوع العداد بيفضل فى مكانه لو التانك مليان فوق النص وبينزل تحت خالص لو تحت النص ده برضو عيب عوامة مش عداد ؟؟؟؟؟؟؟؟؟؟؟؟

ثانيا: هو المفروض ايه الصح ان العداد يفضل على قرايته ومينزلش حتى لما ابطل العربية ولا الطبيعي انه ينزل مع تبطيل العربية ويرفع تانى مش تشغيلها ؟؟؟؟؟؟؟؟؟؟؟؟؟

المشاركة الأصلية كتبت بواسطة semsem kane

شوف ياباشا احنا فية عندنا مشكلتين وهية كالاتى , لو العيب من العداد هتلاقى حاجة من الاتنين

1- يأما عداد البنزين يقعد ينزل ويطلع بمعنى اصح مايبقاش ثابت

2- العداد مايعلمش اصلا ويفضل مكانة ولا يطلع فوق ولا ينزل تحت

طيب مشاكل العوامة اية :

1- هتلاقى لو العوامة بدأت تهيس شوية , هتلاقيها مش بتنزل للاخر يعنى البنزين يخلص وتلاقى المؤشر قبل الاخر بشوية

2- مرحلة اكثر تطورا : انك تيجى تمون تلاقى الدنيا بتعمل زى عندك كدة بالظبط

بالنسبة للوضع الطبيعى للعربية . انك لما تفصل المحرك مؤشر البنزين يفضل زى ماهو ماينزلش او يتحرك

اولا دلوقتى انت بتقول انك غيرت عوامة , حضرتك كدة تشيلها وتاخدها وتوديها للراجل وتقولة مش شغالة

وقبل ماتعمل اى حاجة اتأكد الاول ان العداد بردة سليم ,

انا ان شاء الله هجيب عوامة تانية بس يا تري اجيبها من مجدي الدسوقي ولا حضرتك ترشحلي واحد تانى وممكن تقولي سعرها كام
ومعلش يا سمسم انا عارف انى بتقل عليك والف شكر ليك يا باشا