ياترى دا طبيعى ولا فيه مشكلة ؟!

**Saeed-Taha** · 24-10-2012 11:03 AM

السلام عليكم ورحمة الله وبركاته

وكل سنة وأنتوا طيبين وباللحمة والعيد فرحانين

المهم عندى مشكلتين كدا وأتمنى اعرف السبب..

1. العربية ساعات لما تكون لسه باردة تبطل لو الطريق زحمة بس مش دايس بنزين كويس

ودا بيحصل ازاى.. أنا اول ما بركب العربية وأدور مش بتحرك لحد ما مؤشر الحرارة يبتدى يتحرك والعربية فى الحالة دى بتكون بتكركر كدا شوية
لكن أول ما ادوس بنزين وامشى فى طريق (طوالى) مفيش اى مشكلة
لكن لو فجاة اول ما اطلع يكون الطريق (زحمة) ومش قادر ادوس بنزين العربية ممكن تبطل!!
وساعات بكون فى نص الطريق واضطر اقف وارجع ادورها تانى وبتدور عادى وامشى
ياترى دا عادى عشان العربية لسه مش سخنت ولا كدا فيه مشكلة ؟
الموضوع دا حصل معايا 3 مرات على فترات مش كل يوم يعنى

2. تانى استفسار.. أنا من فترة رحت سلكت الريداتير والراجل فك الغطا وسيحه تانى او مش عارف قالى ايه وكله تمام والحرارة مش بتعلى تانى
بس المشكلة أن الماية بقت بتنقص من (القربة) كل اسبوعين كدا بمقدار كبايتين تقريبا
مع العلم أن الماية قبل تنظيف الريداتير دا مش كانت بتنقص خالص

وشكرا ,,

**SAMEH_FOUAD** · 24-10-2012 11:16 AM

طيب ياباشا نحل كدة المشكلة واحدة واحدة :

1- مشكلة توقف المحرك والعربية لسة ماوصلتش لدرجة حرارتها الطبيعية , دية بتبقى من بلف الايدل عايز تنظيف , لانة مش قادر يظبط العربية ويقرى درجة الحرارة كويس عشان يخفض السلانسية بتاع العربية

وهنا بلف الايدل لازم يتنظف بطريقيتين ان شاء الله هيكون فية شرح كامل ليهم بالصور كمان , عموما انت بس رشة مؤقتا دلوقتى باسبراى Carb cleaner وان شاء الله هيكون كويس

2- كدة عندك تسريب , خلى العربية دايرة لحد ماتسخن والمروحة تشتغل وتابع اى تسريب فى الوش بتاع الردياتير

**SAMEH_FOUAD** · 24-10-2012 12:44 PM

المشاركة الأصلية كتبت بواسطة matrix_87

ياباشا قبل ما هشكرك على الرد لازم اشكرك على سرعة الرد
ربنا يخليك لينا

بس انا عربيتى ex وسمعت ان مش بيكون فيها أيدل, ومش عارف المعلومة صحيحة ولا لاء
ولو فيها هستنى شرحك لطريقة التنظيف

وموضوع التسريب دا هشوفه كمان وارد عليك

تسلم ايدك

معلش ياباشا حضرتك ماوضحتش معاك si او ex او يمكن انا نسيت معلش

طيب كدة انت لازم بردة تنظف الكربراتير لانة كدة مسدود