فى الدايو انا بغير سير الكاتينة كل 40 لكن الشداد بغيرة كل 80
اللستة منطقية فيما عدا البلى بتاع الشداد عشان دة بيعيش كتير... الحل الامثل انك تجيب شداد احتياطى و لو طلع الشداد بتاعك سليم رجع اللى انت اشتريتة
MMamdouh
عرض للطباعة
فى الدايو انا بغير سير الكاتينة كل 40 لكن الشداد بغيرة كل 80
اللستة منطقية فيما عدا البلى بتاع الشداد عشان دة بيعيش كتير... الحل الامثل انك تجيب شداد احتياطى و لو طلع الشداد بتاعك سليم رجع اللى انت اشتريتة
MMamdouh
مبروك و عقبال ال 200000 كيلو
مبدئيا سيبك من التوكيل خاااااااااااااالص واشترى الحاجة من برة وهتوفر كتير جدا لان التوكيلات عندنا استغلالى اوى والشعب بتاعنا هو اللى بيخليهم يزودوا فى الاستغلال لما بيشتروا منهم
بالنسبة للى يتغير :-
- سير كاتينة مهم جدا جدا جدا لان لو اتقطع هيدخلك فى شغلانة زرقا زى مقالك محمد ابيزا
- طقم سيور مهم وراحة بال علشان مفيش سير يقل معك ويقطع
- بوجيهات
-فلتر بنزين
-فلتر زيت
- زيت
- زيوت الباور و الفرامل ( زيادة في حالة النقصان )
والحاجات اللى فوق دى ماعتقدش انها تعمل مبلغ كبير لانها حاجات كلها مش مكلفة
- فلتر هواء ممكن تنضفة بالهوا وتركبة تانى لو حالتة كويسة
- فحص الفرامل ( حالة التيل ) ممكن تسنفر التيل وتركبة تانى طالما شغال
الف شكر يا MMamdouh
انا حروح بكرة للراجل بتاعي في دمشق و اشوف الاسعار ان شاء لله
الف شكر يا زياد باشا
بالنسبة للفلتر انا مركب فلتر سبورت اصلا .. بس عايز اغيره فحغيره بالمرة
التيل لسة جديد ( معملش 10 )
انا بروح لواحد اسمه مهدي في شارع دمشق راجل زي العسل كدة :) الف شكر ليك مرة تانية .
أستاذ CryptonX أنا هقولك على اللي أعرفه في عربيتي (لانسر 2007):
مبنعمل اللسته اللي حضرتك كاتبها ديه في صيانات 80 ألف وممضاعفتها (ده كلام كتيب الصيانة والتوكيل).
لكن صيانة 40 ألف ومضاعفتها بنعمل كل اللسته ماعدا:
-سير كاتينة
- بلية كاتينة
- طقم سيور
ونصيحة أخيرة التوكيل عندنا بيبيع البوجيهات NGK العادية ب100 جنيه في كون أنا رحت جبت بوجيهات بلاتينيوم من توكيل NGK في المعادي ب90 جنيه:) علشان كده حاول على قد ماتقدر تجيب الحاجات الأصلي من برة التوكيل لو هتضمن إنها أصلي.
حسب نوع العربية يا كريم و مواصفاتها.
أنا عندى المفترض انى أغير سير الكاتينة كل 40 ألف, و بقية السيور (سير الدينامو, التكييف, الباور) عند 80 الف, لكن انا غيرتهم كلهم عند 40 الف لأن من الأفضل تغيير الكاوتش كله مع بعض.
على العموم سير الكاتينة طبيعى انو يتغير عند 40-50 الف فى معظم السيارات ده لو أصلى, و بص على الكتالوج هتلاقى ميعاد تغييره, سير الدينامو يفضل انو يتغير معاه, سير الباور و التكييف نفضلهم لحد 80 الف او لحد ما يتقطعوا أيهما أقرب, و ده الى انا بعمله:).
لاحظ انك لو حطيت سير مش أصلى يفضل انك تغيره عند فترة أقل 30 الف مثلا أو 25 الف.
الليستة منطقية ماعدا بلية الكاتينة, ديه مبتتغيرش الا لو باظت.
الفلاتر طبيعى بتتغير أقل من 40 الف, و البوجيهات كل 10-20 الف بس البوجيهات ممكن تسيبها لو العربية كويسة.
أهم حاجة طبعا سير الكاتينة لأن ده لو اتقطع يجيبلك صمامات, و سير الدينامو لأنه لو اتقطع طرمبة المياه مش هتشتغل و مش هتعرف تمشى بالسيارة.
و ممكن تنفض لأى حاجة فى الليستة ماعدا سير الكاتينة ده حياة أو موت :).
الف شكر يا باشا و يا استاذ فادي .
ان ان شاء الله حنزل اجيب السيور و الزيت الاول و الباقي بعدين .
الف شكر .