صيانة ال 40 الف فيها تغيير سيور و سير كاتينة ؟؟؟

**CryptonX** · 08-07-2008 02:15 PM

السلام عليكم

العربية الحمد الله كملت 41 الف كيلو .. و انا كنت مطنش موضوع الصيانة لحد اول الشهر لما نقبض .

المهم نويت اخلصها الاسبوع ده

فاتلصلت بالمهندس الي اعرفه في التوكيل علشان اعرف منه ايه المطلوب تغييره
علما باني مش بعمل حاجة في التوكيل .. انا بعرف منهم و اطلع اشتري من برة و اركب مع الميكانيكي بتاعي .

المهم قالي لستة طويييييييييييلة اوي ! و كل مسال حد يقولي لأ دي كدة 60 مش 40 ! فايه رايكم ؟

و راي اصحاب السيينا والبونتو كمان بالاضافة الي باقي الانواع علشان اقارن .

اللستة ! :

- سير كاتينة
- بلية كاتينة
- طقم سيور
- بوجيهات
- فلتر هواء
-فلتر بنزين
-فلتر زيت
- زيت
- فحص الفرامل ( حالة التيل )
- زيوت الباور و الفرامل ( زيادة في حالة النقصان )

المهم اللستة دي كلها من غير تيل الفرامل قالي تعملها حوالي 1600 - 1800 بالمصنعيات .

طبعا انا عارف ان السعر غالي بس مش فارقة معايا انا مش حشتري حاجة من عندهم .
بس الفكرة هل فعلا بنغير السيور و سير الكاتينة في صيانة ال 40 ؟؟؟

**CryptonX** · 08-07-2008 02:19 PM

المشاركة الأصلية كتبت بواسطة NaderNabil

هاقوللك علي حل لذيذ جدا!!

ص علي الكتالوج بتاع العربية....بيبقي فيه الservice intervals بالكامل...و هتلاقي ان عندهم الحاجات ديه بتتغيير عند ال 80 مش ال 40:)

هو كل اللي انت كاتبه يتغير ماشي...لكن السيور و البلي لأ و ألف لأ....

منا عارف السيور هي الي مجنناني :)

بس الكتالوج ضــــــــــــاع من زمــــــــــان XD

**mohamed ibiza** · 08-07-2008 02:23 PM

والله يا كيمو انا هقولك رأيي احنا لما عملنا تاني و اخر صيانة في حياة الابيزا كانت عاملة 42657 كيلو غيرو زيت موتور و فلتر و سير كاتينة و اختبار عفشة و عموما السيور بتتغير علي 40 الف خصوصا سير الكاتينة متهملش فيه زي واحد صاحبي معاه كوردوبا سابه و فجأه ضرب و كلفه طقم صبابات ب 2800 جنيه!! و اللسته بتاعة الصيانة بصراحة مش شايف فيها حاجة مبالغ فيها انا رأيي اتوكل علي الله و ربنا يوفقك

**mohamed ibiza** · 08-07-2008 02:29 PM

نسيت اقولك معلش متغيرش البلية

**CryptonX** · 08-07-2008 02:53 PM

المشاركة الأصلية كتبت بواسطة mohamed ibiza

والله يا كيمو انا هقولك رأيي احنا لما عملنا تاني و اخر صيانة في حياة الابيزا كانت عاملة 42657 كيلو غيرو زيت موتور و فلتر و سير كاتينة و اختبار عفشة و عموما السيور بتتغير علي 40 الف خصوصا سير الكاتينة متهملش فيه زي واحد صاحبي معاه كوردوبا سابه و فجأه ضرب و كلفه طقم صبابات ب 2800 جنيه!! و اللسته بتاعة الصيانة بصراحة مش شايف فيها حاجة مبالغ فيها انا رأيي اتوكل علي الله و ربنا يوفقك

طب و الاسعار الي في اللستة دي كويسة ؟ 1800 جنيه ؟ولا اجيبهم من برة ؟؟

**CryptonX** · 08-07-2008 03:12 PM

المشاركة الأصلية كتبت بواسطة mohamed ibiza

بس انا معرفش اسعار القطع في عربيتك غالية ولا عادية بس بصراحة انا شايف ان الاسعار عالية يعني بوجيهات و فلاتر و سير كاتنية و طقم سيور و زيت موتور كتير اوي اوي علي الحاجات دي 1800 جنيه يعني حاجاة هايفة يعني سيور فلاتر زيت موتور البلية ممكن تكون سعرها عالي شوية بس برضه مش كده انا رأيي هات الحاجة من برا لان قطعا التوكيل اسعارة ولعة يعني عندك مثلا في الهندسية بيبيعوا تيل فرامل الليون ب 385 جنيه بينما موجود برا ب 170 جنيه!! شايف الفرق عامل ازاي انا لو مكانك هجيبهم من برا عشان كمان العربية متفرتكش المرتب و تكرهها:embarrassed2:

تيل الفرامل في التوكيل ب 330 جنيه برة ب 120 جنيه

المساعدين ب 1400 جنيه برة ب 600

طقم الدبرياج كامل ب 1250 جنيه برة ب 500 جنيه

فعلا خلينا برة :)

شكرا يا محمد :)