علي فكرة انا مقتنع بكلامك جدا..العربية الصغيرة فأقصي سرعتها ١٦٠ كيلو بتجيب اخر مافي الموتور بينما اخر مافي العربية الكبيرة بعد ال ٢٠٠ و عند ال ١٦٠ بيبقي مستريح
انما فالزحمة..idle ..الصغيرة اقل بكتير من الكبيرة
عرض للطباعة
حاولت أبص النهاردة عندي على الـinstantaneous fuel consumption على كمبيوتر الأسترا j.. بنزين 95
كنت مثبت سرعة على 100.. بس الرقم مكنش ثابت كان متغير بين 2.9 أحياناً لما الطريق كان نازل لحد 11 و الطريق طالع.. بس و الطريق مستوي كان بيلعب من 4 و كسور لحد 7..
تمام يابشمهندس سيد،
ماحنا متفقين انه هيتطلب Engine-Load أعلى فـ السرعات دى عشان المقاومة
وبالتالى إستهلاك بنزين أكبر
- وزى ما الرجالة قالوا: أحد نقاط القوى بتاع المواتير الأكبر.. انها مش بتبذل نفس الـLoad عشان تحقق نفس السرعات، وبتلف عند rpmــات أقل!!
بس Still فـ الـThrottle-input فوق الـ60% المواتير الكبيرة عندها القدرة انها تطلع باور أعلى من البنزين!! :F_eyeb1[1]:
(وده مفهوم.. capacity وinjectors و تيونها أعلى طبعا).
طب خد عندك -مش فاكر فـ Top-Gear ولا Fifth-gear
على التراك..
M3/// وتويوتا-ياريس 1.5
ثبتوا السرعة على 80 وقاسوا الـinstant-consumption.. تقريبا زى بعض؟؟!!!
رفعوا السرعة (مش فاكر كام).. البيمر حرقت عدة-أضعاف من الـmaximum اللى موتور التويوتا يقدر يستوعبه!!
هحاول أدور عـ الحلقة وأجيبهالك.. دا حتى كانوا بيتريقوا ان الـM3/// أكثر إقتصادية ECO من الياريس فـ السرعة دى؟!! :B4_282:
مفهوم طبعا
بس معلش ماتاخدش عليا -أصل أنا فعلا مابدخلش المنتدى-الإجتماعى، وآخرى منتدى العربيات
فـ ممكن أكون ما راعيتش الحاجات اللى حضرتك قولت عليها؟!!
شكرا،
بالنسبة للأرقام يا فورميوليتر هصدمك شويه
بقالي يومين براقب الاستهلاك اللحظي للعربية وزي ما قلت 1100سي سي dohc 16 v مع فتيس amt اللي هو زي الام ام تي كده بتاع التويوتا...
العربية لو طالع من السكون عالاول بالراحة الاستهلاك اللحظي بيدي من 25-31 لتر /100...
لو طالع وانا دايس جامد عشان اجري عالاول الاستهلاك اللحظي اداني لحد ٧٠ لتر /100 وده لما اكون على مطلع لان الشوارع هنا أغلبها مطالع
اما لو الطريق مستوي وهطلع وانا حارق ف بتستهلك لحظيا 40-45لتر لكل 100
شايف الأرقام معديه ازاي...
بالنسبه للسرعات..
عالخامس جربت من شويه تحت ال90 كان الاستهلاك 6.1 ولما زودت ل 100 نزل ل 5.7 وكان الطريق مطلع طويل شوية
عالطريق المرتاح بنزل ل 5
بعد ال105 زاد ل 8.7 وللأسف عشان المطلع زاد القتيس جاب الرابع وطيعا الاستهلاك بينط الضعف وجاب 18...
كل دي استهلاك لحظي من كمبيوتر العربية...
ايه رأيك وتعليقك ؟
برضو من شويه كنت بشد مع بيكانتو والحقيقة حسيت انها 800 سي سي مش 1300!!
تحياتي
Sent from my LT18i using Forum Runner
بصراحة ان جيت للحق - المواتير الكبيرة دي ما تنفعش معانا في مصر
لأن علي السرعات الواطية استهلاكها اعلي من العربيات الصغيرة - وفي نفس الوقت بتستهلك اقل علي السرعات العالية - واساسا في مصر مش مسموحلنا دايما نمشي بالسرعات العالية
عشان كدة بقول ماتنفعش معانا
في انتظار الفيديو
وتحياتي
عربيتى ستروين سى فور مانيوال
تانك العربية 60 لتر .. التانك فى الزحمة بيعمل حوالى 500 كيلو
يعنى الصفيحة بتعمل معايا حوالى 166 كيلو .. بس انا طريقى زحمة اوى ( ميدان الجيزة - شارع الهرم ) وقت الذروة مع العلم ان المشى بتاعى مش بحرق على العربية الا قليل اوى يعنى نادرا ما بعدى الـ 3k rpm
جربتها مرة على الطريق السريع سرعات بين 90 - 140 عملت فى التفويلة حوالى 750 كيلو
يعنى الصفيحة حوالى 250 كيلو
ديه ارقام تقريبية و هحاول اجرب تانى و اجيب ارقام ادق بس لما اخف ان شاء الله و ارجع اسوق
انا كنت عايز اسأل على حاجة و اسف لو كانت برة نطاق الموضوع شوية
دلوقتى انا فى المشى الزحمة ده مثلا ببقى ماشى على سرعة 10-12 و بمور العربية لما باجى اهدى ( متعود على كده و اظن انه غلط ) .. العربية بتبقى على سرعة 10 - 12 مثلا الصح على العربية و استهلاك البنزين اديها اول و لا تانى كده .. المشكلة انى اديها اول اجى ازود شوية اوصل 20 مثلا بحتاج اغير للتانى على طول فباخد غيارين ورا بعض على طول .. لو اديتها تانى العربية بتسقف عشان السرعة قليلة على الغيار التانى .. عارف ان السؤال بدائى و بسيط بس انا بصراحة احترت فيه و خايف انى اكون كده ببوظ حاجة او بزود الاستهلاك عن غير قصد