الموضوع: عاوز رايكم

كل سنه وانتو طيبين يا شباب
انا معايا اسكورت كنت باعمل شغل فيها عند احمد فرج وهو محترم بس مشوارة كان بعيد عليا من الدقى لجسر السويس المهم بدات اتعامل مع ياسر فى الزاوية هو محترم بردوة وبيفهم فى العربية بس مشكلته انه مصنعيته غالية ومش بيشتغل غير بالليل لانه شغال الصبح.
المهم الاخوة هنا شكرو فى الاسطى قطب جدأ , وانا فعلا كلمته هو محترم جدا بس عملو معايا موقف مش لذيذ خالص خلانى افكر فى التعامل معاه.
انا كنت غيرت فبرة الدبرياج لان طقم الدبرياج كان تعبان والفبرة اتكسرت لانها مكانتش اصليه غيرت الفبرة بواحد اصلية وغيرت طقم الدبرياج لوك المانى, شوية والدبرياج بقى ناشف جدا المهم الميكانيكى قالى السلك وحش وحط فى اعتبارك تغيره فى اقرب فرصه ولجلش على السلك القديم وظبطه وقالى كدا يمشيك شويه لغاية ما تجيب واحد جديد.
المهم: السلك ابتدى يتقل بعدها ياسبوعين اتصلت بالميكانيكى مكانش فاضى اروحله وقعد على كدا اسبوع قلت اروح لقطب لان الدبرياج رجع يتقل جامد والدواسة تبقى ناشفه خفت الفبرة تتكسر والعربية تقف منى فى حته مش تمام قلت اروح للاسطى قطب وكلمته ورد عليا بكل زوق ورحتله قابلنى هناك الاسطى سمير او على الاصح الدكتور سمير اخوه بعت اجيب السلك ملقتش موجود ساعتها غير التركى قالى لا يا تجيب الاصلى يا بلاش اقوله يا اسطى الاصلى مش موجود دلوقت نجيب دا ونركبه بدل ما الفبرة تنكسر منى وانا ماشى فى الزحمه قالى لا مش مهم اصلى يعنى اصلى قلتله هجيب التركى وركبه وبعدين ربنا يسهلها لما اجيب الاصلى هرجعلك تركبهولى بردوة. المهم اتضايق واتخنق وقالى ماليش دعوة مفيش حاجة هتتغير فى العربية لو ركبت التركى وحسسنى ان التركى دا هيوقف العربية قلتله خلاص ركبه ومشينى دلوقت وبعدين ربنا يسهل
ركب السلك التركى على مضض وبى سى فالف اصلى :) ,بعد كدا اجرب برددوة الدواسة تقيلة يا اسطى شوف ايه الحكاية يقولى ماليش دعوة دا مش اصلى ياعم الحاج دا اللى فيها كان بايظ ومفتل والميكانيكى كان بيظبطهولى يقولى ماليش دعوة مش اصلى لغاية لما كرهنى فى كلمة اصلى دى كلمت الاسطى قطب بردوه نفس الكلام , واخد 40 ج فى تركيب السلك الفالف ومأخدش دقيقتين فى تركيبهم ما اتكلمتش معاه وقلت اهو موقف
قلت خلاص بقى ارجع للميكانيكى اللى باتعامل معاه رحتله بعدها بكام يوم زييت السلك ورجلش عليه لان الاسطى سمير مزيتوش والدنيا مظبوطة معايا
مش عارف بقى اللى حصل معايا دا عادى والا ايه هيا مش صنعة ولا حاجة كبيرة بس بصراحة الموقف معجبنيش انا اصلا مش بوفر ولا حاجة بس انا رايحله وبقله مزوق وخايف العربية تقف مشينى لغاية ما اجيب اللى انت طالبه يقوم يتعامل معايا باسلوب مش حلو وكانى انا بارتكب جريمه

المشاركة الأصلية كتبت بواسطة mkmaly

بص يا باشا انا متعملتش مع قطب قبل كده بس اتعملت مع قطع الغيار التركى وعارف اضرارها
انا اشتريت قبل كده مقصين تركى طلعو بايظين ومبوشين
اشتريت جلب المانى مكلوش شهر
رحت جبت الجلب الاصلى من التوكيل لقيتهم فرقهم فى السعر بنهم وبين التركى كلام لا يذكر حوالى 50 جنيه بس فرقوا معايه جامد
يا باشا قطب عنده حق انو ادايق من التركى عشان الاصلى اصلى
وعلى العموم متدايقش صنايعية الفورد كتير لو قطب دايقق مترحلوش فيه احمد فرج فى الجراج
فى احمد الشناوى فى صقر قريش وكمان عنده قطع الغيار الاصليه استيراد وجديد

شكرا يا باشا على الرد والاهتمام
وانا مش بستخسر حاجة فى عربيتى بس انا بتكلم عن الموقف نفسه ان انا رايحله مزنوق وخايف حاجة تانية تبوظ منى وعلشان ملاقتش اللى هو عاوزة يقوم يعنى زى ما يكون بيعاقبنى وميظبطليش الشغل اللى عمله