اريد مساعدتكم فى التريوس

**ابوحميد** · 23-06-2007 03:32 AM

السلام عليكم
دى اول مشاركة ليا واتمنى انها متكونش اخر واحد
انا محتاج رايكم فى اختيار عربية ومحتار بين التريوس والسوران او
ممكن حد يكون عنده خبرة بيهم او يكون جربهم ينصحنى فى الموضوع دا عشان انا محتار
ويقارن بين العربيتين من حيث المتانة والرفاهية وقطع الغيار ومعاملة التوكيل
وهيا العربيتين دول صناعتهم ايه؟
ولو فيه عربية تانية تكون فى حدود ال 110 الف حد تانى شايف انها تكون مناسبة وانا مش واخد بالى منها ينصحنى بيها وليه
شكرا جزيلا وجزاكم الله خيرا[b]

**fahd_628** · 23-06-2007 01:47 PM

بصراحة يا باشا السوران عمرى ما شفتها فى الشارع انا شفتها بس فى صالة عرض

التريوس بتشوفها يعنى مش منتشرة و مش نادرة بس معقولة

التوكيل بتاع دايهاتسو محترم جدا و لكن فولكس اسمع انو وحش

التريوس يابانى و لكن السوران مش عارف متجمعة فين !

قدامك مثلا لانسر او الانترا فى نفس الفئة السعرية

و لو انت حتخنار من دول خد التريوس

**khaled ali** · 23-06-2007 01:55 PM

if you have a range of 110.0 LE you can buy Octavia A4 2006 A/t F/O used for 10000-15000 KM and it is more accurate than the terios

khaled Ali

**أبو عبدالله** · 25-06-2007 02:22 PM

أول هيا التيريوس تكسب بفارق لأن لها نقط عن السوران من حيث ثمن قطع الغيار والوسع الداخلي معاملة التوكيل أسعار قطع الغيار كل هذه النقاط لصالح التيريوس

ولكنت اذا كان من الممكن ان يكون هناك اختيارات تانيه فياريت تكتب أحتياجاتك للسياره وايه الحاجات اللي انت عاوزها في العربيه ........... لأن في أختيارات كتير غيرهم

**ابوحميد** · 25-06-2007 07:08 PM

شكرا جزيلا لكم يا جماعة
بالنسبة للعربة انا عاوزها تكون متتعبنيش وتستحمل طرق بلدنا وتكون عالية عن الارض وطبعا توكيلها يكون كويس وقطع غيارها متوفرة ومش غالية

**أبو عبدالله** · 26-06-2007 12:06 PM

متهيألي انها الكورولا
العربيه عاليه
توكيل محترم
قطع غيار في كل حته
عفشة ناعنه جدا وبتستحمل

ولو عاوزها تيريوس برضه نفس الحاجات اللي موجوده في الكورولا هيا هيا في دايهاتسو ماعدا توافر قطع الغيار في كل حته موجوده الأن في التوكيل فقط لأن العربيه جديده بس كل حاجه موجوده في التوكيل

**hahahahahaha** · 26-07-2008 01:20 PM

لو معاك 110عندك لانسر سبورت

**MEMES** · 01-08-2008 02:00 PM

االسلام عليكم ورحمه الله وبركاته....

التريوس عربيه لازم تفكر مرتين قبل ما تشتريها.

ربيه COMPACT CUTE SUV UNDEPENDENCE ENG,,

واسمع صوته مع التكييف وانت تحكم ,

ثبات ضعيف جدااااااااا وبصراحه تمنها مبالغ فيه؟؟؟؟
:party:
NILE MOTORS IS MY HOME
AND THE MEMBERS ARE MY FAMILY.

**م. تيمور** · 01-08-2008 02:51 PM

التريوس ثباتها رائع على الطريق وانا اخدت ملف الازهر بارك على سرعة 80 كنت بشد مع الانترا ولا حصل انها عليت او عانيت من الثباااااات
موضوع الصوت بيظهر لمن لا لديه خبره في عمل التليين على اصوله والاستعمال السليم وتطبيق تعليمات الكتالوج والتوكيل .. ولكن مع الخبره المناسبه بتكون العربيه معاك ناعمه جدا والمهاش اي صوت .. ( انا بفكر اعزم الشباب على خروجه اوريكوا مميزاتها بس حاخد خمسين قرش من كل وااااااحد :) .. ههههههههه )

**أبو عبدالله** · 01-08-2008 03:22 PM

المشاركة الأصلية كتبت بواسطة MEMES2008

االسلام عليكم ورحمه الله وبركاته....

التريوس عربيه لازم تفكر مرتين قبل ما تشتريها.

ربيه COMPACT CUTE SUV UNDEPENDENCE ENG,,

واسمع صوته مع التكييف وانت تحكم ,

ثبات ضعيف جدااااااااا وبصراحه تمنها مبالغ فيه؟؟؟؟
:party:
NILE MOTORS IS MY HOME
AND THE MEMBERS ARE MY FAMILY.

حضرتك جربت العربيه علشان تقول ثباتها ضعيف جدا
ولا حضرتك تقصد على القديمة لو القديمة انا معاك اما الجديده فمش معاك خالص

اما بخصوص الثمن فهو انا مش هتكلم كتير بس صدقني لو السعر مبالغ فيه مكنتش اتباعت بالكمية دي وفي اقل من سنتين
ده حتى الموديل اللونج 7 راكب الجديد بيتباع دلوقتي بكمية كبيرة جدا

وايه المقياس اصلا اني احدد ان السعر مبالغ فيه
ايه البدائل وبكام وفرق الأمكانيات ايه ؟؟؟؟