بقولها من كل قلبي كل عام وانتم بخير ودايما متجمعين في الخير (شويه فضفضه)

بقالي قرابه 5 سنين عضو معاكم هنا من 21-1-2008
مليش اصحاب غيركم
مليش معارف غيركم
مليش اهل غيركم
ليا طبعا معارف واصحاب واهل كتير من بره المنتدي
بس انتم اقرب الي قلبي
حتي والدتي بتعتبركم اخواتي فعليا
ودايما تقول محمد ملهوش اخوات ودول اخواته
عرفت منكم احسن الناس
ومعرفتش حد من المنتدي وخيب ظني فيه ابدا
اكلنا عيش وملح
مشورنا بعض وزعلنا وفرحنا
فقدنا ناس اعزاء الي قلوبنا
وكسبنا ناس ومعزتهم زادت في قلوبنا
حضرنا مواليد ووفيات مع بعض
عرفنا طابخين ايه ولابسين ايه ونفسنا في ايه
اول ناس بلاقيهم جنبي بيكونوا انتم
واكتر ناس اتمني مفارقهمش هو انتم
لما كانت بتجيلي فرصه لتغيير مجالي او فرصه سفر
من التضحيات اللي كانت بتيجي علي بالي هو اني حسيب امي لوحدها
مش حشوفكم تاني
مش حعرف ادخل علي المنتدي باستمرار
وحاجات تانيه ماديه ومعنويه
وكانت الكفه اللي من ضمنها وجودي معاكم بترجح
عندي كلام كتير اوي عاوز اقوله ومش عارف اترجمه لحروف
عاوز اشكر كل واحد عرفته او تابعته او شكرني وميعرفنيش ولا اعرفه
حشكر واحد بس بالاسم هو كريم منير ان ربنا جعله سبب في وجود المكان ده علشان يجمعنا فيه
وبشكركم واحد واحد سواء ذكر او انثي جمعتني بيه صفحات المنتدي
بشكركم من كل قلبي
كلكم
كل فرد فيكم بيقري الكلام ده وكل فرد ليه معزه في قلبي ومشافش الموضوع
وبقولكم كلكم
كل عام وانتم بخير
كل عام واحنا متجمعين مع بعض
كل عام واحنا اخوات واصحاب ومتجمعين في الخير ولخير بعض
بقالي كتير اوي عندي اكتئاب بس حاسس ان النهارده يوم جميل يمكن علشان بيوافق ذكري جميله عندي بقالها سنين
ودايما بفتكرها في اليوم ده
فمحبيتش ان يومي يكون جميل لوحدي وقولت لازم اشارككم فيه
تحياتي ليكم جميعا
ولو كنت زعلت حد بدون قصد فحقه عليا ولو حد فيكم زعل حد يصالحه ولو زعلان من حد يعاتبه
ولو زعلت حد بقصد فاكيد لو جالي حزعله تاني هههههه
وعيد اضحي سعيد عليكم وايامكم دايما احلي

اخوكم
محمد الشنوري

وانت بالف صحة و سلامة يا كبير

وبعدين انت مكتئب من ايه بس مكنش باين عليك يعنى و كويس انك افتكرت ذكرى عزيزة عليك و حاجة حلوة فى حياتك

كفاية ..... حرام عليك قطعت قلبي ... وانا دمعتي قريبة
:_Alshmokh11::_Alshmokh11::_Alshmokh11:
...
كل سنة وانت طيب وعاوزين غزوة قبل الشتا بقى

اقتباس:

---

المشاركة الأصلية كتبت بواسطة eng.m mahran

وانت بالف صحة و سلامة يا كبير

وبعدين انت مكتئب من ايه بس مكنش باين عليك يعنى و كويس انك افتكرت ذكرى عزيزة عليك و حاجة حلوة فى حياتك

---

ماهو انا ميبانش عليا فعلا هههههههههه
وراك ايه بكره انا سهران في المحل لو مش حتعمل حاجه عدي عليا نهابي سوا قصدي نقعد سوا
بس الساقع عليا المرادي
وطبعا انت مليكش دعوه بالكلام المكتوب فوق ده انت مش منهم هههههه

اقتباس:

---

المشاركة الأصلية كتبت بواسطة aif

كفاية ..... حرام عليك قطعت قلبي ... وانا دمعتي قريبة
:_alshmokh11::_alshmokh11::_alshmokh11:
...
كل سنة وانت طيب وعاوزين غزوة قبل الشتا بقى

---

والله يا حاج دي الصراحه
وانت من اغلي الناس علي قلبي برضه
جهز نفسك باذن الله علي يوم 16-11
وقبل الشتا ولا في عز الشتا حيفرق ايه يعني

كل سنه وانت طيب ياشنوري بك وكل اعضاء نايل موتورز
فتحها ياشنر متغمقهاش كفايه الأكتئاب الحلزوني اللي الواحد بقي فيه هتبقي انت والزمن ههههههه روح ربنا يكرمك بعروسه تكون جايه في اتوبيس سياحي فاخر تطلع عليك القديم والجديد ونفرح فيك بقي
عيد سعيد يازعيم القراصنه وتحياتي للحاجه وكل سنه وانتم جميعا طيبين ودوما في احسن صحه وافضل حال

كلامك مؤثر جدا يا شنوري واكيد طالع من قلبك لانه وصل لقلوبنا يا باشا..كل عام وانت بخير كل اعضاء المنتدي
واحبائنا وجيراننا واصحابنا واهالينا واصدقائنا وزملائنا بخير وربنا يعود علينا الايام بالخير

حبيبي يا ابو حميد

تأثرت بكل كلمة كتبتها لأنها من خرجت من القلب فعلا

تقبل الله منا ومنكم صالح الأعمال

وفعلا نايل موتورز مجمعنا دائما في الخير

حفظكم الله جميعا , ورزقنا وإياكم حج بيته الحرام في عامنا القادم إن شاء الله

اللهم زدنا ولا تنقصنا اللهم اعطنا ولا تحرمنا اللهم ءاثرنا ولا تؤثرعلينا

اللهم ارض عنا وأرضنا

اللهم صل وسلم وبارك على سيدنا محمد وءاله اجمعين

كل سنة وأنت طيب يا غالي وان شاء الله ايامك كلها جميله وسعيده وفرح وابتسام وآمال و و و و
هههههههههههه
يارب يجمعنا على خير دايما في وجود كل الاحباب...
تحياتي

Sent from my LT18i using Forum Runner

اقتباس:

---

المشاركة الأصلية كتبت بواسطة SHNORY

عندي كلام كتير اوي عاوز اقوله ومش عارف اترجمه لحروف

---

كل عام وانت بخير يا قرصان
ومتاكد والله ان كل كلمه مكتوبه بصدق ومن قلبك
بس ياسلام بقي طالما انك مش عارف تترجم كلامك بحروف
تخليه عملي بخروف :049:وعزومه شوي صغيره كده عندك
يبقي انت كده عملت الصح:verygood:
في انتظار الرد علشان نعرف بتحبنا اقد ايه

كل سنة وانت طيب ياشنورى بجد كلامك مؤثر جدا وربنا يحفظ المنتدى من كل سوء ونكون متجمعين فى الخير دايما ان شاء الله

كل سنة وانتا طيب يا شنورى باشا
والسنة الجاية جميعا على عرفات ان شاء الله

كل عام و انتم بخير و ربنا يديم المحبة

كل عام وانت والحاجه بخير,,وربنا يخلهالك ,
والاكتئاب دة عند ناس كتير , وللاسف الوحده بتكون عامل فيه
احيانا تلاقى ان الاصحاب المقربين اختفوا فجاة اللى سافر واللى اتجوز
ولا نملك الا الدعاء ربنا يفك كربتنا جميعا ويدخل علينا السرور

كل عام وانت بخير يا باشا :) هات العيديه بقا d:

كلام من القلب والى القلب يا شنوري ...

كل عام وانتم الى الله أقرب

كل سنه و انت و الحاجه بألف بخير و صحه و سعاده

شنورى باشا كلامك مؤثر فعلا و انا اقرأه مر اماى شريط ذكرياتى مع المنتدى من اول ما سمعت عنه على كونتاكت كار

و الى الان

واحسست بنفس احساسك مع الاعضاء الاخوة و زياده كمان انى لم احظى بشرف لقاء الاغلبيه العظمى من اهل المنتدى

صحيح انى حضرت مقابلتين للممنتدى فى اوله بس للأسف معظم من رأيتهم اختفوا من على المنتدى

يمكن علشان كده خايف اقابل الباقى نيههههههههههههههههههههههه هههههه :)

نعم الاخوه و نعم المعرفه
هناك ناس كتير احبهم فى الله و اتمنى ان اراهم ( مجرد رؤيه ) و استمتع بحديثهم
ربنا يجعلها فى الخير و نكون سند بعض

جزاك الله كل خير على تلك الذكرى و الوقفه الممتعه


الذكرى شئ ماضى و الماضى شئ جميل
فتذكرونى بقلب راضى فالرضا طبع الاصيل


و عجبى محمد طه :)

كل سنه وانتو طيبين

ربنا يجمعنا في جنته زي ما جمعنا في الدنيا علي خير ..

مش عارف يا اخي بحبك علي ايه ولا الواحد هيستحملك دنيا واخره ازاي

اقتباس:

---

المشاركة الأصلية كتبت بواسطة mazher_m

كل عام وانت بخير يا قرصان
ومتاكد والله ان كل كلمه مكتوبه بصدق ومن قلبك
بس ياسلام بقي طالما انك مش عارف تترجم كلامك بحروف
تخليه عملي بخروف :049:وعزومه شوي صغيره كده عندك
يبقي انت كده عملت الصح:verygood:
في انتظار الرد علشان نعرف بتحبنا اقد ايه

---

انا حرد عليك دلوقتي وكمان شويه حرد علي باقي الناس لما اروح المحل

كان فيه نكته بتقول :
واحد بيسال صاحبه
بتحب ابوك اكتر ولا اللحمه
صاحبه رد عليه وقاله ياعم انت بتهزر ايه السؤال ده
دي الشوربه بس برقبته


وصلت يا كبير؟؟؟؟
ههههههههههههههه
وكل عام وكلكم بخير

كل سنة. وانتا بخير .... واعضاء المنتدى كلهم بخير .... ويارب ينعاد عليكم باليمن والصحة والبركات كلامك اثر فيا جداً ياشنوري. ... وحسيت كده باستبحس نفساوي ...
ربنا يخليك لينا ياباشا ويديم المحبة والمعروف. .... واستغل الموضوع الجميل ده بتهنئت الشباب فرداً فرداً واسماً اسماً ... عيد سعيد ياشباب وربنا يعم السعادة عليكم وعلينا ويبعد عنا الاحزان قادر ياكريم ويديم المعروف قادر يا كريم ... وتحياتي

ايه الذكرى العزيزه هااا ايه الذكرى دى قوووول هاااا قووووووول

كل سنه وانت طيب يا كبير يللى بعتبرك اخويا الكبير ويا رب اشوفك مبسوط على طوول ومشفكش مكتئب ولا زعلان

وانا عارف ان انا ال مقصود بالكلام ده بس انت كاتبه بصيغة الجمع عشان محدش يقووول اشمعنى حبيبى يا قرصان
:00020140:

السلام عليكم و رحمة الله و بركاته
كل سنه و أنت بخير يا أ/محمد و كل أعضاء نايل موتورز في صحه و سعاده
و العام القادم نبقي كلنا علي عرفات
و العام القادم يحقق كل منا ما يتمناه و ما يرضي الله

[frame="6 60"]

كل سنة وحضرتك بخير وصحة
ويارب تحقق كل الي بتحلم بيه وتفضل وسطنا علطول وسط اخواتك

تحياتي لشخصك الكريم ..

[/frame]

كل سنه وانت طيب وبخير وبألف صحه وأحسن حال يا شنورى .

والله يا محمد كلامك دة فعلا لمسنا كلنا من جوانا ورجعلنا إحساس اللمه والإلتفاف

المكان دة لمنا وجمعنا على شئ واحد هو المحبه لوجه الله تعالى .

اكيد بنفيد بعض وبنساعد بعض بس بدون ما ننتظر المقابل ولا حتى كلمه الشكر .

طباع مختلفه ثقافات مختلفه اعمال ووظائف وتعليم مختلف ويمكن وسط إجتماعى

كمان مختلف لكن !

كلنا بنحس إننا واحد وزى بعض مفيش فرق مفيش فوارق

بنتقابل بنتكلم نفس الكلام بناكل نفس الأكل بنضحك بنفس الطريقه

تحس إن المنتدى عائلتك الكبيرة بس الفرق ما بين العائله الأصليه والمنتدى هنا

إنك دايما عاوز تشوف الناس وتسأل عليهم ومنتظرهم يسألوا عليك .

فى عشم وخاطر كبير قوى ليك عندهم وليهم عندك .

ياه دة انت قلبت علينا المواجع يا أخى

كل سنه وانت طيب يا قرصان وعقبال ما نفرح فيك إن شاء الله .

وتحياتى للحاجه والدتك ووالدتى وأم المنتدى كله .

اقتباس:

---

المشاركة الأصلية كتبت بواسطة ahmed-moga

كل سنه وانت طيب ياشنوري بك وكل اعضاء نايل موتورز
فتحها ياشنر متغمقهاش كفايه الأكتئاب الحلزوني اللي الواحد بقي فيه هتبقي انت والزمن ههههههه روح ربنا يكرمك بعروسه تكون جايه في اتوبيس سياحي فاخر تطلع عليك القديم والجديد ونفرح فيك بقي
عيد سعيد يازعيم القراصنه وتحياتي للحاجه وكل سنه وانتم جميعا طيبين ودوما في احسن صحه وافضل حال

---

موجه حبيبي
كل سنه وانت طيب يا جميل
ولازم الدنيا تغمق شويه وتفتح شويه علشان نعرف نعيش

اقتباس:

---

المشاركة الأصلية كتبت بواسطة zrzr1

كلامك مؤثر جدا يا شنوري واكيد طالع من قلبك لانه وصل لقلوبنا يا باشا..كل عام وانت بخير كل اعضاء المنتدي
واحبائنا وجيراننا واصحابنا واهالينا واصدقائنا وزملائنا بخير وربنا يعود علينا الايام بالخير

---

ربنا يخليك يا باشا
وكل سنه وانت وكل اللي حواليك طيبين

اقتباس:

---

المشاركة الأصلية كتبت بواسطة shikh_khaled

حبيبي يا ابو حميد

تأثرت بكل كلمة كتبتها لأنها من خرجت من القلب فعلا

تقبل الله منا ومنكم صالح الأعمال

وفعلا نايل موتورز مجمعنا دائما في الخير

حفظكم الله جميعا , ورزقنا وإياكم حج بيته الحرام في عامنا القادم إن شاء الله

اللهم زدنا ولا تنقصنا اللهم اعطنا ولا تحرمنا اللهم ءاثرنا ولا تؤثرعلينا

اللهم ارض عنا وأرضنا

اللهم صل وسلم وبارك على سيدنا محمد وءاله اجمعين

---

امين يا رب
ربنا يحفظنا ويبعد عنا الشر
وربنا يباركلنا في وجودك وسطنا ويباركلك في علمك ويزيده بدون حساب
كل عام وانت بخير يا شيخ خالد انت وكل الناس

اقتباس:

---

المشاركة الأصلية كتبت بواسطة hm414

كل سنة وأنت طيب يا غالي وان شاء الله ايامك كلها جميله وسعيده وفرح وابتسام وآمال و و و و
هههههههههههه
يارب يجمعنا على خير دايما في وجود كل الاحباب...
تحياتي

sent from my lt18i using forum runner

---

امين يا رب
وكل سنه وانت طيب يا دكتور ودايما معانا

اقتباس:

---

المشاركة الأصلية كتبت بواسطة koshary

كل سنة وانت طيب ياشنورى بجد كلامك مؤثر جدا وربنا يحفظ المنتدى من كل سوء ونكون متجمعين فى الخير دايما ان شاء الله

---

وانت طيب يا باشا
وبجد كلامي من قلبي وربنا يخليكم ليا

اقتباس:

---

المشاركة الأصلية كتبت بواسطة alfath8

كل سنة وانتا طيب يا شنورى باشا
والسنة الجاية جميعا على عرفات ان شاء الله

---

وحضرتك طيب يا باشا
وباذن الله نكون جماعه علي عرفه

اقتباس:

---

المشاركة الأصلية كتبت بواسطة forever.leo

كل عام و انتم بخير و ربنا يديم المحبة

---

امين يا رب
ويخلينا لبعض ودايما ساندين بعض

اقتباس:

---

المشاركة الأصلية كتبت بواسطة nimaster

كل عام وانت والحاجه بخير,,وربنا يخلهالك ,
والاكتئاب دة عند ناس كتير , وللاسف الوحده بتكون عامل فيه
احيانا تلاقى ان الاصحاب المقربين اختفوا فجاة اللى سافر واللى اتجوز
ولا نملك الا الدعاء ربنا يفك كربتنا جميعا ويدخل علينا السرور

---

والله يا باشا انا اختلاطي بالناس احيانا هو اللي بيعملي الاكتئاب
هههههههههه
وربنا يفك كربنا وكرب المسلمين اجمعين

اقتباس:

---

المشاركة الأصلية كتبت بواسطة ganash

كل عام وانت بخير يا باشا :) هات العيديه بقا d:

---

ولا اعرفك
انا عاملك بلوك اصلا
ولو علي العيديه لسه قدره الفول موجوده

اقتباس:

---

المشاركة الأصلية كتبت بواسطة misry

كلام من القلب والى القلب يا شنوري ...

كل عام وانتم الى الله أقرب

---

كل عام وانت وكل معارفك بخير يا باشا

اقتباس:

---

المشاركة الأصلية كتبت بواسطة mtak

كل سنه و انت و الحاجه بألف بخير و صحه و سعاده

شنورى باشا كلامك مؤثر فعلا و انا اقرأه مر اماى شريط ذكرياتى مع المنتدى من اول ما سمعت عنه على كونتاكت كار

و الى الان

واحسست بنفس احساسك مع الاعضاء الاخوة و زياده كمان انى لم احظى بشرف لقاء الاغلبيه العظمى من اهل المنتدى

صحيح انى حضرت مقابلتين للممنتدى فى اوله بس للأسف معظم من رأيتهم اختفوا من على المنتدى

يمكن علشان كده خايف اقابل الباقى نيههههههههههههههههههههههه هههههه :)

نعم الاخوه و نعم المعرفه
هناك ناس كتير احبهم فى الله و اتمنى ان اراهم ( مجرد رؤيه ) و استمتع بحديثهم
ربنا يجعلها فى الخير و نكون سند بعض

جزاك الله كل خير على تلك الذكرى و الوقفه الممتعه


الذكرى شئ ماضى و الماضى شئ جميل
فتذكرونى بقلب راضى فالرضا طبع الاصيل


و عجبى محمد طه :)

---

والله يا باشا الواحد بيحب يقابل الناس كلها
وزي ما الناس القديمه كانو قمه وبنضرب بيهم المثل
فالناس الجديده برضه قمه بس الاول كان العدد محدود وكنا ملمومين في اوضه
انما دلوقتي العدد كبر والبيت وسع علينا
والوقت حيعرفنا معادن الناس اكتر

اقتباس:

---

المشاركة الأصلية كتبت بواسطة pro_samir

كل سنه وانتو طيبين

ربنا يجمعنا في جنته زي ما جمعنا في الدنيا علي خير ..

مش عارف يا اخي بحبك علي ايه ولا الواحد هيستحملك دنيا واخره ازاي

---

هههههههههههههههه
دا انا مبحبنيش يا سمسم علشان استناك تحبني
بس عموما انا اتحب يا واد
كل سنه وانت طيب ودايما نسمع عنك الخير

كل سنة وانت طيب
وكل المسلمين بخير

اقتباس:

---

المشاركة الأصلية كتبت بواسطة y a r i s

كل سنة. وانتا بخير .... واعضاء المنتدى كلهم بخير .... ويارب ينعاد عليكم باليمن والصحة والبركات كلامك اثر فيا جداً ياشنوري. ... وحسيت كده باستبحس نفساوي ...
ربنا يخليك لينا ياباشا ويديم المحبة والمعروف. .... واستغل الموضوع الجميل ده بتهنئت الشباب فرداً فرداً واسماً اسماً ... عيد سعيد ياشباب وربنا يعم السعادة عليكم وعلينا ويبعد عنا الاحزان قادر ياكريم ويديم المعروف قادر يا كريم ... وتحياتي

---

امين يا رب
وكل سنه وانت طيب يا معلم
ودايما وسطنا ومنورنا

اقتباس:

---

المشاركة الأصلية كتبت بواسطة ahmed_dinamo

ايه الذكرى العزيزه هااا ايه الذكرى دى قوووول هاااا قووووووول

كل سنه وانت طيب يا كبير يللى بعتبرك اخويا الكبير ويا رب اشوفك مبسوط على طوول ومشفكش مكتئب ولا زعلان

وانا عارف ان انا ال مقصود بالكلام ده بس انت كاتبه بصيغة الجمع عشان محدش يقووول اشمعنى حبيبى يا قرصان
:00020140:

---

ههههههههههههههههههههههههه هه
كل سنه وانت طيب يا باشا
ودايما فرحانين بيك كده وموجود معانا

اقتباس:

---

المشاركة الأصلية كتبت بواسطة hossam99

السلام عليكم و رحمة الله و بركاته
كل سنه و أنت بخير يا أ/محمد و كل أعضاء نايل موتورز في صحه و سعاده
و العام القادم نبقي كلنا علي عرفات
و العام القادم يحقق كل منا ما يتمناه و ما يرضي الله

---

كل سنه وحضرتك طيب
ودايما متجمعين في الخير

اقتباس:

---

المشاركة الأصلية كتبت بواسطة s o p h o s

[frame="6 60"]

كل سنة وحضرتك بخير وصحة
ويارب تحقق كل الي بتحلم بيه وتفضل وسطنا علطول وسط اخواتك

تحياتي لشخصك الكريم ..

[/frame]

---

وحضرتك طيب وربنا يحققلنا كل احلامنا باذنه

اقتباس:

---

المشاركة الأصلية كتبت بواسطة alaa74

كل سنه وانت طيب وبخير وبألف صحه وأحسن حال يا شنورى .

والله يا محمد كلامك دة فعلا لمسنا كلنا من جوانا ورجعلنا إحساس اللمه والإلتفاف

المكان دة لمنا وجمعنا على شئ واحد هو المحبه لوجه الله تعالى .

اكيد بنفيد بعض وبنساعد بعض بس بدون ما ننتظر المقابل ولا حتى كلمه الشكر .

طباع مختلفه ثقافات مختلفه اعمال ووظائف وتعليم مختلف ويمكن وسط إجتماعى

كمان مختلف لكن !

كلنا بنحس إننا واحد وزى بعض مفيش فرق مفيش فوارق

بنتقابل بنتكلم نفس الكلام بناكل نفس الأكل بنضحك بنفس الطريقه

تحس إن المنتدى عائلتك الكبيرة بس الفرق ما بين العائله الأصليه والمنتدى هنا

إنك دايما عاوز تشوف الناس وتسأل عليهم ومنتظرهم يسألوا عليك .

فى عشم وخاطر كبير قوى ليك عندهم وليهم عندك .

ياه دة انت قلبت علينا المواجع يا أخى

كل سنه وانت طيب يا قرصان وعقبال ما نفرح فيك إن شاء الله .

وتحياتى للحاجه والدتك ووالدتى وأم المنتدى كله .

---

ربنا يخليك يا علاء دايما نسمع عنك الخير
ودايما تكون بصحه وعافيه
كل سنه وانت طيب انت وكل اسرتك الكريمه وسلام خاص لوالدك

احبيبى ياشنـــــــــو .. كل سنة وانت طيب ياكبير وعيد سعيد عليك وعلى اسرتك يارب ,,
وطبعا ليك فى قلبى معزتين وخنوف :tongue17: وعقبــــال مانفرح فيك بقى *بيك*:evil:

ايه يا عم الكلام اللي بيوجع ده
النهاردة ليلة عيد وعيد اضحي وانا بحب العيد الكبير قوي وزادت فرحتي بيه بعد ما عرفت طعم النحر

يا شنوري والله انا مش لاقي كلام اقوله
لاني كل مابص للكيان ده واللي هو ك كيان ومجتمع افتراضي
الاقي ان خير اصحاب عرفتهم كانو منه
اينعم اكتر خوازيق وهم وقرف وحرقة دم ومرض مؤخرا برضه منه (وعلي يدكفي مكالمة امبارح غير اللي ما تعرفوش)
لكن الحسنات يذهبن السيئات
والحسنات اكبر بكتير
طلعة بطلعها معاكم بنسي فيها قرف كتير
انا لما فكرت ني بقالي اكتر من 4 سنين مابروحش في حتة ولا خروجة ولا مشوار الا فيه نايل موتورز
وتقريبا في كل خروجة او نزولة اتكعبل في حاجة نايل موتورز يا معرفة يا استيكر على عربية يا ناس تعرفني وتسلم عليا يا يا يا

بحمد ربنا ان فيه ناس لسه بتحب بعض في الله
بدون انتظار لاي مقابل
عزاء اخونا صبحي رحمه الله اكبر دليل
عزا زوجة اخونا طارق زويل
دول مؤخرا ومش هاذكر الباقي
الافراح وكتب الكتاب
اي مصاب لحد فينا
مسجات العيد اللي اكتر من 70 % من راقام معرفهاش كلهم بيقولو كل سنة وانت طيب
ويمكن شبه متاكدين اني معرفهومش
ومنها مسجات دولي ومكالمات دولي
وحاليا مسجات على فيبر
انا معملتش حاجة استحق بيها شكرك
انت حبيت الناس في الله والناس حبيتك في الله
عامل تعمل
في ناس بتلاقي تفكيرها غريب وعذرا في اللي هاقوله
يقولو كريم بيعمل ده عشان بيكسب منه :-)
وانت فاكر انا قولتلك ايه في المكالمة امبارح الحمد لله

يا رب اكسب منه كمان وكمان
اكسب ناس ومحبة وثواب يعودلي وبشوفوة في كل نظرة او كلمة شكر من واحد استفاد معلومة او لقي ناس تسمعلة وتديلة نصيحة
وكل ما يدور على معلومة في العربيات نطلع احنا وبنديلة معلومة صح
معلش رغيت كتير
بس انت اللي عملت كدة :-)
خاصة اني مزاجي رايق عشان ليلة النحر ليلة مفترجة

ربنا يتقبل من كل اللي هاينحر ويجعلها في ميزانه
ويرزق اللي مانحرش لسبب بعد او قلة مال من وسع يا رب العالمين ويدبح عجلين تلاتة

كل سنة وانتم طيبين

اقتباس:

---

المشاركة الأصلية كتبت بواسطة karim_monir

ايه يا عم الكلام اللي بيوجع ده
النهاردة ليلة عيد وعيد اضحي وانا بحب العيد الكبير قوي وزادت فرحتي بيه بعد ما عرفت طعم النحر

ربنا يديمها عليك نعمه يا كيمو وكل سنه تدبح وتيجي تسكن في اسكندريه علشان اجي اقف في طابور الحمه

يا شنوري والله انا مش لاقي كلام اقوله
لاني كل مابص للكيان ده واللي هو ك كيان ومجتمع افتراضي
الاقي ان خير اصحاب عرفتهم كانو منه
اينعم اكتر خوازيق وهم وقرف وحرقة دم ومرض مؤخرا برضه منه (وعلي يدكفي مكالمة امبارح غير اللي ما تعرفوش)

مكالمه امبارح وانفعالك مكانش تنفع تكمل علشان كان قرب يجرالك حاجه وكان لازم مسار المكالمه يتحول
بس ايه رايك في العرض الي عرضته عليك في اخر المكالمه
العرض دا قائم يا كيمو واوعي تكسفني فيه ههههههههههههههههههههه
لكن الحسنات يذهبن السيئات
والحسنات اكبر بكتير
طلعة بطلعها معاكم بنسي فيها قرف كتير
انا لما فكرت ني بقالي اكتر من 4 سنين مابروحش في حتة ولا خروجة ولا مشوار الا فيه نايل موتورز
وتقريبا في كل خروجة او نزولة اتكعبل في حاجة نايل موتورز يا معرفة يا استيكر على عربية يا ناس تعرفني وتسلم عليا يا يا يا

بحمد ربنا ان فيه ناس لسه بتحب بعض في الله
بدون انتظار لاي مقابل
عزاء اخونا صبحي رحمه الله اكبر دليل
عزا زوجة اخونا طارق زويل
دول مؤخرا ومش هاذكر الباقي
الافراح وكتب الكتاب
اي مصاب لحد فينا
مسجات العيد اللي اكتر من 70 % من راقام معرفهاش كلهم بيقولو كل سنة وانت طيب
ويمكن شبه متاكدين اني معرفهومش
ومنها مسجات دولي ومكالمات دولي
وحاليا مسجات على فيبر
انا معملتش حاجة استحق بيها شكرك
لا انت عملت كتير اوي
ولو حكيت مواقفك انت بالذات معايا حتاخد مني وقت كبير
ولو حكيت مواقف كل واحد هنا معايا حتاج قسم لوحدي بقي ههههههههه


انت حبيت الناس في الله والناس حبيتك في الله
عامل تعمل
في ناس بتلاقي تفكيرها غريب وعذرا في اللي هاقوله
يقولو كريم بيعمل ده عشان بيكسب منه :-)
وانت فاكر انا قولتلك ايه في المكالمة امبارح الحمد لله

يا رب اكسب منه كمان وكمان
اكسب ناس ومحبة وثواب يعودلي وبشوفوة في كل نظرة او كلمة شكر من واحد استفاد معلومة او لقي ناس تسمعلة وتديلة نصيحة
وكل ما يدور على معلومة في العربيات نطلع احنا وبنديلة معلومة صح
معلش رغيت كتير
بس انت اللي عملت كدة :-)
خاصة اني مزاجي رايق عشان ليلة النحر ليلة مفترجة

ربنا يجعل مزاجك رايق دايما يا كبير

ربنا يتقبل من كل اللي هاينحر ويجعلها في ميزانه
ويرزق اللي مانحرش لسبب بعد او قلة مال من وسع يا رب العالمين ويدبح عجلين تلاتة

كل سنة وانتم طيبين

---

المنتدي والحياه عاملين زي القطر
ناس بتطلع وناس بتنزل
ناس مكمله لاخر الخط
ناس بتتشعلق وخلاص
ناس بترزق وتنط تاخد قطر تاني
ناس بتقع
ناس بتساعد ناس
ناس ظروفها بتتغير ومبقتش تركبه
بس الحمد لله ثابت وربنا يجعله عامر باهله وناسه المحترمين
ومكملين المسيره جميعا باذن الله

اقتباس:

---

المشاركة الأصلية كتبت بواسطة SHNORY

ههههههههههههههههههههههههه هه
كل سنه وانت طيب يا باشا
ودايما فرحانين بيك كده وموجود معانا

---

وانت طيب يا كبير
ومفيش فرح غير بوجودك يا قرصان
:pirate03:

اقتباس:

---

المشاركة الأصلية كتبت بواسطة SHNORY

ولا اعرفك
انا عاملك بلوك اصلا
ولو علي العيديه لسه قدره الفول موجوده

---

طب هات حته لحمه طيب :bigeyes02:

اقتباس:

---

المشاركة الأصلية كتبت بواسطة shnory

والله يا حاج دي الصراحه
وانت من اغلي الناس علي قلبي برضه
جهز نفسك باذن الله علي يوم 16-11
وقبل الشتا ولا في عز الشتا حيفرق ايه يعني

---

ربنا يديم المعروف يا محمد
وعلى فكرة اللي قال القلوب عند بعضها كان راجل حكييييم
يظهر ان قلب كل واحد بيشعر مين اللي بيحبه وبيبادله نفس الشعور ... وده من نعمة ربنا
انا بصراحة اسكندرية بالنسبة لي بتعني حاجتين
شنوري ...... والبحر

انت جاى تنكد علينا فى يوم ذى ده
افرح وامرح وتعلم
:44::44:
كل سنه وانت طيب يا شنورى بيه

كل سنه وانت طيب يا شنورى وفعلا والله الواحد حاسسكم اخواته واحلى معايده جاتلى فى العيد كانت من المنتدى شخص عزيز على قلبى وهو خميس والواحد والله حاسس انه مقصر سواء فى مشاركات او فى مقابلات بس ربنا يكرم ان شاء الله ونتجمع على خير قريب
وكل سنه وكل المنتدى بخير

كل سنه وانت طيب ياشنورى
انت فعلا من الناس اللى استحاله حد ينساهم حتى ولو من مقابله واحده
وفعلا اكتر من اخ وربنا يديم المحبه بيننا
موضوع المقابله زى ما اتكلمنا امبارح والجايات اكتر ان شاء الله
اشوفك على خير ياصحبى

اللي كان في المكالمة ده عشان انت بعيد شوية ومابتشوفنيش مؤخرا بس الحمد لله كل بيعدي طالما واقف على رجلي
ربنا يديمها نعمة واقف انا في طابور اللحمة بتاعتك :-)
العرض بقي تصدق فكرة
شكلي هاكلمك قريب :-)
ربنا يديمك نعمة ويجعلك خير خل وفي

اما بخصوص كلامك الاخير
انا قريت تشبيهات كتير وقليل عن المنتدي طول اكتر من خمس سنين ونص
الا ان تشبيهك الاخير اقرب ما يكون للواقع اللي بنعيشة
واللي الحمد لله عربيات القطار لسه بتكتر عشان تستحمل الركاب الكتير
و في ميزان حسنات كل واحد بيعرف يستغل المعلومة اللي عندة يفيد بيها غيره
شوف انت ساهمت كاممرة انك تغير مود ناس اصحابك بمقابلاتك للاحسن ويرجعو يشتغلو ويادو دورهم في الحياة
الشيخ خالد كام واحد استفاد من علمه وادبه انا شخصيا طبعت كلامه بتاع العمرة وخدتة معايا وسيبتة هناك لغيري يستفيد بيه
وغيركم مئات بتضيف للناس كل يوم بدون ما اقلل من شأن احد كلكم على راسي من فوق
بس اوعو تتزحلقو :-)

معلش حابب انسخ كلامك تاين لانه عجبني :

المنتدي والحياه عاملين زي القطر
ناس بتطلع وناس بتنزل
ناس مكمله لاخر الخط
ناس بتتشعلق وخلاص
ناس بترزق وتنط تاخد قطر تاني
ناس بتقع
ناس بتساعد ناس
ناس ظروفها بتتغير ومبقتش تركبه
بس الحمد لله ثابت وربنا يجعله عامر باهله وناسه المحترمين
ومكملين المسيره جميعا باذن الله

اقتباس:

---

المشاركة الأصلية كتبت بواسطة SHNORY

المنتدي والحياه عاملين زي القطر
ناس بتطلع وناس بتنزل
ناس مكمله لاخر الخط
ناس بتتشعلق وخلاص
ناس بترزق وتنط تاخد قطر تاني
ناس بتقع
ناس بتساعد ناس
ناس ظروفها بتتغير ومبقتش تركبه
بس الحمد لله ثابت وربنا يجعله عامر باهله وناسه المحترمين
ومكملين المسيره جميعا باذن الله

---

وناس مابقتش تقدر تعيش غير ف القطر
اتعودت عليه وعلى ركابه
اتعودت على صوت عجلاته ومنظر فلانكاته
ومهما استجدت وسائل انتقلات غيره .... اكثر شياكة واكثر راحة واكثر سرعة وحداثة .... بردو مش بتقدر تستغنى عنته
عارف ليه يا شنوري ..... مش عشان عربياته وشبابيكه
عشان ركابه ... اللي هما روحه
زي ما الاماكن المادية والاحياء والشوارع ليها روح ممكن تحسها
المنتدى ده علمنا ان حتى الاماكن الافتراضية لها روح وطعم ومذاق
اذا كان الحي او الشارع بيكتسبها من سكانه
المنتدى بيكتسبها من ناسه
اعضاءه ومشرفيه ومديريه
..
..
مع اني من طباعي اني ملول ... بأمل وأزهق بسرعة
لكن نايل موتورز بالنسبة لي بيمثل كسر لهذه القاعدة
...
سيبك انت ..... اديها لحمة وفتة وانسى همومك يا شنو :F_eyeb1[1]: