أختار انى جنط و كاوتش للمطبات و المدقات ؟! ارجو المساعدة
السلام عليكم و رحمة الله و بركاته ..
كل عام وانتم بخير ...
كاوتش الافيو اللى معايا داخل على 3 سنين دلوقتى و جاب اخره و نويت اغيره ان شاء الله هو مقاسه r14 185-60 نوعه كومهو (الصينى) اللى كان نازل مع العربية .. طبعا انا عانيت مع هذا الكاوتش السىء ... مخلى العربية ناشفة جدا خاصة فى المطبات و المدقات (بامشى عليها 12 كيلومتر يوميا فى طريقى للشغل:blabla:) ...
المهم عندى بعض الاسئلة احب اخذ رايكم فيها ...
اولا : هل اغير الجنوط الحديد الاصلية و لا لا ؟ و لو هاغيرها و اجيب سبور هل اجيب نفس المقاس و لا اجيب ال 15 و اغير معاه طبعا مقاس الكاوتش الى r15 195-50 ؟
ثانيا : اختار انى نوع كاوتش ؟ هل التويو اليابانى كويس لانه طرى و يقلل نشوفية العربية على المطبات ؟ و لا الكاوتش الطرى اوى ممكن يبوز بسرعة فى المدقات و المطبات الكتير ؟
ثالثا : انا عانيت من المسامير اللى اخذتها فى ال4 فرد بسبب سوء حالة الطرق اللى بمشى فيها (فى فرد فيها 7 لحامات !!) فهل اقوم بعمل التسليح فى الشركة اللى عاملة اعلان فى المنتدى و لا مادة التسليح دى ممكن تخلى الكاوتش ناشف ؟
أسف على الاطالة ... لكن يا ريت اى حد هيساعدنى و يرد عليا مشكورا ياخد باله ان اهم حاجة عندى الحصول على عفشة ناعمة فى المطبات ......لانى مش بتاع جرى و غرز..:grinder:
و شكرا