الموضوع: تجربتى للفائدة

سلام عليكم
كل سنة و انتم طيبين
بس حبيت احكيلكم عن تجربيتى مع تكييف سيارتى
- التلاجة هربت فريون . روحت لكهربائى قاللى مش مهم تركب الاصلية عشان غالية و ممكن تركب تلاجة اندونيسى قاللى انه مجربها و مية مية . و افقتة و اشتراها لاحظت ان لونها نحاسى مش الامونيوم فضى زى الاصلية . قلت مش هاتفرق . الراجل ركب التلاجة الجديدة و شحن و قالى جرب لاقيت الحرارة اقصى شىء 17 درجة
طبعا رجعتلة قالى كدة تمام و عشان تطمن غير البلف . سمعت كلامة و غيرناه
قالى كمان الفريون اللى فى الدايرة صينى و الاحسن تغير لامريكى .
وافقتة بس لسة الحرارة 17 - 16
المهم شكيت فى التلاجة و حسيت انة اتنصب عليا . لان الكمبريسور كويس فرق الضغط تمام
قالت لنفسى انا وافقتة من الاول على التلاجة النحاسى دى و قررت اغيرها تانى بس بعد شوية ..
من اسبوع كدة ابنى دخل ورق فى فتحة المكيف و كانت بتعمل صوت . فكيت الفتحة و لاحظت ان كابل السخن و ال بارد متحرك من مكانة مش شابك فى البكرة
شديت الكابل و للاخر و لاقيت المكيف تلاجـــــة الحمد لله 5 درجات تقريبا .
الحمد لله انى ماتسرعتش و غير تالتلاجة تانى
يارب تستفيدوا من تجربتى
اخوكم احمد