الموضوع: 6 شهور حجز لييه انشاء الله !!!

مساء الخير .... ومية مسه على الناس الكويسة
حبايب قلبي جميعاً في قسم سوزوكي الشقيق المحترم تحيه طيبة وبعد
كل عام وانتم بخير. وفي اتم صحه وسعادة

انا في عربية عندكم. وبنتكم شدتني ليها واول ما قلبي شافها قام مهف هف كده وسحرتني برمش عنيها وفوانيسها. .... ورشاقت جسمها كتكووته كده .... فحبيت اتقدم لها. اقلولي استنى ست شهور لمن البت تخلص تعليمها وتتخرج من الجامعة احجز واقراى فتحه واستناها هههههههههههههه

ايه حكاية بقى ست شهور حجز للعربية. سوزوكي سلاريوا دي

ليييييييه الحجز بعيد كده !!





تاني حاجة هو معقول العربية مفهاش درج تابلووة ؟



فغريبة بجد مدة الحجز المبالغ فيها وبتخلي الواحد يلجء لعربيات تانية .... لان مين هيصبر على عربية ولا حتىىعروسة ست شهور. هو ممكن تكون حلوة لواحد لسه بيكون نفسوا. وعمال يحوش في مهرها .... بس انا ايش ضمني من هنا لست شهور ايه الي يحصل انقلاب في الهند توسونامي في اليمن هبوط مفاجئ في سعر الجنية او ارتفاع لسعر الروبية الهندية

فانا زعلان اني جبت عربية تانية ومازلت بسئل لسه عربية زي كده المفروض هتبقى ممتاز ة للمصريين ليه فترات الحجز الكبيرة دي !!!

@@@@@@@@@

وتحياتي وكل عام وانتم بخير يا سوزوكاوية

كان في فيلم معرفش اذا توعولوا ولا لأ
بتاع الفنان القدير احمد بدير وعبلة كامل
اسمو السرعة لاتزيد عن صفر ههههههههه فيلم كوميدية واقعيه وحقيقة



وبيحكي الفيلم عن حياة وقصة كل مواطن مصري في عهد الديكتاتور مبارك واعوانه الكلاب .... الي كانوا بيذلوا الشعب. .... وازاي سافر واتغرب علشان يجيب عربية وبعد ماجبها مرضوش يدخلوها البلد غير لمن يدفع جماركها وعربيتوا وشقى عمروا اتباعت في المزاد قداموا .....

الحقارة بقى ودي واقع معرفش اعماركم ياشباب اذا كنت حاضرين الي كان بيحصل ولا لأ ... مكنش معارض بتسلمك فوري غير. لو معاك دولارات وكانوا بيسموها عملة صعبة .... وعلشان تجيب الدولارات لازم تروح عند تجار سوق السودة .... وازاي الحكومة صدرة فلوسوا وشقى عمروا وكل ده علشان كان نفسوا في عربية ١٢٨ الي برضوا كانت بالحجز اياميها

مش عاوز اقولكم ان كان الشعب المصري بيسافر وبيتغرب علشان يرجع بمروحة وفيديو ههههههه


فالمفروض حسني مبارك والكلاب اعوانه يعلقوا من قفاهم في ميدان عام على دبح واخذ عمرررر وشقى المصريين طول السنين دي كلها. مش جاين تحاكموهم على شوية جمال وحصنة نزلوا ميدان التحرير وسموها موقعت الجمل ابقوى ارفعوا البصمات. من على قفى الجمل ( القانون بيقول كده )

المهم علشان منخرجش عن الموضوع

القصد من ذكر الموضوع ده هو مازال سيستم الجمارك الي شغال في البلد سيستم مبارك .... انهم ياخدوا جمارك وضرايب على العربيات ١٠٠٪ او ٢٠٠٪ من غير اي وجه حق ولا كانهم هما الي صنعوها او هما الي تعبوا وشقيوا في تمنها
والتاجر او الوكيل شايف دولة وبلد بتزل شعبها فيا ايه هو كمان لمن يزل الناس شوية. ويبيع على مزاجوا وبالسعر الي هو عاوزوا. .... يعني ليه نستعجب ان عربية هونداي اكسينت. كانت ب ٣٢ الف جنية دلوقتي بقة تمنها ب ١٠٣ الف جنية

والخازووووووق بقة. رووح اسئل عن سعر قطع غيارها اسئل بس تمن الباب بتاع السواق بكام ولا تمن الرفرف ... الي لو الحرامية تعرف تمن الباب او الرفرف بس كان كل واحد صاحب عربية ينزل الصبح يروح الشغل يلاقي الرفرف بتاع عربيتوا مسرووق ومتاخد ومتخلع من عربيتوا هههههه.

حتى من ضمن المهازل حد شاف الاستمارة بتاعت ترخيص المرور السنوي .... هتلاقي بعد بينات العربية في مربعات كده عدد الركاب وهل في راديوا في العربية ولا لا .... تصوروا كلنا بندفع من ضمن الضريبة. ( ضريبة راديوا ) كل سنة وضريب على عدد الركاب .... والي متعرفهوش ان سواقين التكوسة علشان يركب. شبكة فوق عربيتوا بيدفع ضريبة .... ولو هيحط اعلان على عربيتوا بضريبة .... وكان زمان في نظام سواق الجيزة ممنوع يشتغل في القاهرة او يسافر اقاليم الا لو دفع ضريبة ويطلع تصريح معرفش النظام ده لسه موجود ولا اتلغى. حتى تصديق على كلامي كل اقليم ليه لون تكس مخصوص علشان الشرطة تحاسبوا لو طلع مشوار كده ولا كده وممعهوش تصريح. ودفع المعلووووم .

فانا باستغرب ليه ميدعموش عربية اقتصادية زي العربيات دي للمواطنين .... وبعدين انا قصدي من الدعم انهم مش هيدفعوا حاجة من جيوبهم انا قصدي يشيلوا الجمارك من عليها. وكفى المؤمنين شر القتال وكان الله بالمؤمنين سميعاً بصيرا ....