بسم الله الرحمن الرحيم

اولا كل سنة وكل اعضاء المنتدى والقسم طيبين
انا مش عاوز حد يزعل منى انا بصراحة ولازم نواجه انفسنا انا حاسس ان المنتدى نايم تقريبا مافيش مواضيع ولا كلام ولا حوارات اللهم الا فسم واحد بس كل اعضائه او بمعنى اصح مالكيه بيدخلوا يسألوا ويردوا على بعض ولو فى استسفسار كله بيشارك حتى يا سيدى لو قولت انا مش عارف

يعنى انا هاقولك انى حطيت موضوعين عن اسئلة عاوز اعرفها " وماحدش يقولى دور " لانى مش من نوعية الناس اللى بتسأل وخلاص من غير اى تعب او مجهود لأ انا دورت بس سألت ولو يجاوب احد وفى القسم المختص يعنى مثال انا سألت فى قسم المرور على اجرائات ترخيص عربية جديدة بقاله 3 ايام معقولة مافيش حد عاوز يفيدنى وايه كمان دا 50 مشاهدة ولا فيه اى رد

السؤال هنا " ليه ؟ " والله انا لما ببقى عارف حاجه او بدى راي فى حاجه ماببخلش بيه على حد فى حين انى لما ادخل المنتديات الاوروبية والله بتلاقى كله بيشارك ولو فيه نوم او كسل زى اللى موجود هنا بتلاقى رئيس القسم هوا نفسه بيطرح الحل او موضوع جديد او مشاركة على الاقل قول انا مش عارف والله انا بحترم الناس دى اللى بتقولى انا مش عارف استنى " يمكن " يردوا عليك والغريبة انى بدخل على منتدى اخر وبلاقى الناس بترد عليا

طيب ليه كدا ...انا بس قولت افضفض معاكوا شوية ومش عاوز حد يزعل منى لانى بصراحة بقول الحق لكن الحق ف ىلدنا بيزعل ...اانا عاوز نكون ايجابيين اكتر من كدا ...
وشكر خاص لقسم نيسان بالتحديد لانه بجد اقوى قسم فى المنتدى بما فيه من اسلوب ومواضيع ومشاركات ..

كل سنة وحضراتكم طيبين