كل سنة وحضرتك طيب الول والله انا عايز اقول انك خدت الكلام من علي لساني انا كان نفسي اقول كده فعلا بجد قسم البريليانس محتاج تطوير كبير وزيادة المشاركة من الاعضاء انا لاحظت زيك ان في ناس مبتشاركش وللاسف في ناس بتشارك لما بتكون عايزة تعرف حاجة بس وبعدها باي باي انا اشرت للموضوع ده قبل كده في تقرير الجالينا اللي عملته ولاحظت كمان ان في زوار كتير للقسم غير اعضاء طيب ليه ميسجلوش وينضموا لينا
من وجهة نظري القسم محتاج الاتي
1- مشرف ومنسق قوي ومتابع وعلي صلة بالبافارية يقدر ينظم المواضيع ويفيد الاعضاء - بقالنا فترة بنطالب بتثبيت تقرير الجالينا لانه مفيد جدا ولا حد بيرد علينا للاسف واللي مكنتش عايز اقوله اني كلمت الاستاذ كريم منير في الموضوع ده وقالي القسم ليه مشرف لكن معرفش ليه مبيردش علينا
2- زيادة الاتقان والتفصيل في التقارير والمواضيع ودعمها بالصور والتجارب الشخصية
3- التفاعل المستمر بين الاعضاء وتبادل الخبرات
4- التواصل الشخصي بينا يعني نتقابل ونتعارف مش بس معرفة علي النت لان ده من اهم اسباب قوة قسم نيسان كمثال يحتذي به
5- فتح قنوات اتصال حقيقية مع التوكيل ومع التجار المحترمين والتواصل معاهم لخدمة الاعضاء بعروض ومميزات حقيقية
6- القسم من الناحية الفنية مش محتاج حاجه تقريبا لان ما شاء الله طرازات البريليانس كترت وتنوعت وياريت بس نغطي الطرازات الجديدة صح بتقارير قوية وانا بفكر الاستاذ مدحت البلبيسي بتقري ال v 5 مفصل
7- تخصيص جزء من نشاط القسم والاعضاء للاعمال الخيرية لزيادة المودة وخدمة المجتمع
8- اجراء مسابقة شهرية او ربع سنوية لافضل تقرير واكثر عضو مساهمة وتحديد جوائز ولو رمزية لتحفيز الاعضاء علي المنافسة والمشاركة
9- الاعضاء اللي ليهم اصدقاء او اقارب معاهم برليانس يشجعوهم انهم ينضموا للمنتدي
10- عمل مسابقة او تنافس لاجمل سيارة بريليانس من حيث الشكل والتظبيط والتعديلات وخلافه واعتقد ان ملاك FRV & FSV هما الاقدر علي كده لان عربياتهم تقبل التعديل والتظبيط واعتقد ان V5 كمان تقبل
11- مرة تانية مشرف و منسق للقسم يكونوا بجد حابين القسم وعايزين يحسنو منه
وربنا يسهل اولا واخيرا
وشكرا علي كلامك
المفضلات