الموضوع: منحه iti

المشاركة الأصلية كتبت بواسطة elawany13

كانت حلم من أحلامى ايام التخرج
بس شروط قبولها صعبة جدا ...
مكانها فى الهرم عند المطبعة
بالتوفيق

المكان أتغير يا باشا و بقى فى القرية الذكية

شروط قبولها صعبة شوية طبعاً علشان منحة................لكن هما كان عندهم إختيار تاني أنك لو متقبلتش ممكن تدفع و تدخل.........و مكنتش رخيصة.....كان معانا واحد طبيب عنده حوالي 40 سنة فى الدفعة بتاعتنا.....كان داخل بفلوس.....أعتقد كان دافع 12 ألف جم .

المشاركة الأصلية كتبت بواسطة m!sho

بص اللى أعرفه أنها مره واحده فى السنه

التقديم لمدة 3 سنين من وقت التخرج بمعنى لو خريج 2012 تقدم السنه دى وممكن السنه الجايه واللى بعدها

و لو كان المتقدم ظابط أحتياط فى الجيش بياخد سنة كمان زيادة

شروطها تكون خريج جامعه حكوميه وتقديرك ميقلش عن جيد بالاضافه للشرط اللى فوق

و تقدير تويفل 550 أو أعلى ( تعمل الإمتحان فى مركز أميد أيست أو لو فيه حاجة تانية زيه )

وقت الأعلان عن الدفعه الجديده بيبقى فى شهر 8 ( نصه أو أخره مش فاكر )

و بتسجل على السايت بتاعهم وبتختار التراك اللى ناوى تدرسه

عشان بتعمل فيه انترفيو ( وساعات تيست لبعض التراكات ) وممكن تختار لغاية 3 تراكات وتعمل فيهم انترفيوهات

فيه بعض التراكات بتطلب دراسة سابقة و بيتعمل فيهم أنترفيوهات متخصصة

وبعدين بتشوف الفرع الأقرب ليك وتقدم ورقك وهناك بيحددلك ميعاد لأمتحان انجلش واى كيو ( غالباً بعدها بيومين )

النتيجه بتظهر على السايت فى ليلتها ولما تنجح ان شاء الله بتلاقى ميعاد الأنترفيو برده على السايت ( الأكونت اللى أنت سجلت بيه )

الموضوع سهل بس محتاج تستعد له من دلوقتى لأن عدد المتقدمين كتير أوى أوى وهما بيخدوا 1000 تقريباً

زى ما قولت قبل كده كان فيه إختيار بفلوس......بس مش جايبين سيرته على الموقع......بس أنا أعرف أكتر من واحد عمله........و هما بيعملوا زى تنسيق......هياخدوا 1000 واحد السنة دى يبقى أعلى 1000 فى السكور بتاع الأمتحانات و الأنترفيوهات

الفيس بوك مليان جروبات تقدر تستفاد منها ( هحاول أدور عليها )

مش محتاج أقولك أن المنحه دى قويه أد أيه وأنك قبل مبتخلصها بتتخطف من الشركات التقيله

مش لدرجة انهم بيتخطفوا يا باشا......ممكن لو كان مشروع التخرج جامد...........بس الموضوع مش سهل خالص على فكرة أنك تعمل مشروع تخرج جامد.....لأنك عادة بيكون معاك على الأقل 2 كمان............على أيامي كان معايا أتنين واحد منهم كويس جداً و التاني كان عقلية جبارة بس ملهوش فى الشغل و التعب :) كان فردة نايمة بمعنى أصح :)))

ربنا يوفقك ان شاء الله

عموماً أنا بعتت لواحدة أعرفها شغالة هناك أستفسر منها بيقبلوا كام دفعة فى السنة و هل لسه فيه أمكانية لو متقبلتش تدفع فلوس ولا لأ....و هتبقى بكام.

بس أنا فاكر أنهم دفعتين فى السنة و اللى بيأكد كلامي أن ال iti بدأ أول سنة فى سنة 1994 و أنا خلصت فى 2001 و كانت دفعتي رقم 16.