يعني اشوف وحدة كوبية ؟ هوا فكرة فعلا جميلة ! بس الفكرة مهوي هيا هيا نفس عربيتي !
انا سمعت انوا الكوبيه سعرها في الارض ! في رنج ال90 اعتقد !
عرض للطباعة
ياباشا انا رايي انك تبيع وتريح نفسك لان واضح انك تعبان نفسيا من العربية قوي
اهم حاجة هي الراحة النفسية
واحنا بنجيب الفلوس ونصرفها تبعا لراحتنا النفسية والمعنوية والجسدية والاجتماعية
كل اللي بيجيب جديد بيخسر انت مش اول واحد
على فكرة انا واقع تقريبا في نفس الحيرة بس بشكل مختلف شوية
انا في السعودية ومحتاج اشتري عربية ومش عارف آخد قرار نهائي
مستعمل وعلى قد لحافك مد رجليك واستحمل الميكانيكية والورش هنا واسعارها الغالية ولما ابيه ممكن ما اخسرش كتير
ولا جديد قسط وتبقى حالة جيدة وصيانة دورية في التوكيل بس هدفع اجمالي مبلغ كبير وهخسر عند البيع مبلغ كبير برضه بس هبقى محافظ على نفسي من قرف الميكانيكية وقطع الغيار ووجع القلب
المستعمل اللي في دماغي فورد اكسبلورر 2005 او شيفروليه كابريس 2005 او سوناتا 2008
الجديد آخري علشان اقلل الخسارة بقدر الامكان اكسنت
لو مكاني تعمل ايه ؟
تصدق بفكر اعمل موضوع اخد رأي الناس
باشا بص حاجة من اتنين
سيبك من حوار المستعمل خالص ...
تجيب حتة ااكسنت او لانسر او كيا او كروز او اوكتافيا او اي عربية 1600 انتا معجب بيها و على قد امكانتياتك من 50 الف ريال لحد ال 100 الف ريال المرسيدس ال سي كلاس :)
و تشوف تقسطها براحتك و تستخدمها الوقت الي انتا قاعد فيه هناك .. ربنا كرمكو قعدت 5 سنين و تكون خلصت قسط العربية في 3 سنين و حوشت الجمرك تنزلها و ممكن تبعها في مصر حتبقى كسبان ! و ممكن تجيب واحد تانية لو ربنا كرمك و حتقعد تاني :) لو ملكش نصيب يبقى تنزل بيها و تستخدمها هنا ليك :)
ايه رايك في افركة يده ؟ المستعمل اصلوا هناك ركوبة و متعة بس بترمي فلوسك في الارض :) ممكن تجيب حتة 7 سيريسر الفنات ب 30 الف بس عيش يا معلم و تصليح و صرف و خراب بيووت :)
و الله دا رأيى يا باشا خصوصا ان الكوبيه بصراحة انا شايف انها اشيك و رياضية اكتر و مميزة كده و بعدين لو مش معاك اعلى فئة فى السيدان هيبقى الكوبيه برضه فرق حلو فى الاوبشنز و بعدين مش هى نفس العربية اوى يعنى عندك الشكل من برة مختلف و من جوة برضه و اوبشنز اعلى و ممكن تشوفلك واحدة 6 سرعات لو عربيتك 4 سرعات برضه يبقى فرق فى الاداء
معرفش بصراحة سعرها كام بس برضه ممكن تدور و تشوف جايز تلاقى حاجة فرصة تفرض نفسها عليك و تبقى مكتوبة ليك
بالتوفيق ان شاء الله
العربية بقت عاوزة صيانة ال 80 النهاردة ههههههههههههههههه :) و كان عندي مناسبة في ابو حمص و انا راجع على الزراعي الفردة قالت وحياتك ما راجعها و عامله الدنيئة معاك و احرجك مع الناس الي معاك :)
http://nileup.com/up/uploads/nilemotors_13531026801.jpg
فردة و جنط يستعدل كدة بالصلاة على النبي :)
:rfds:
لازم تقعد مع نفسك و تقرر حاجة من اثنين
يا تسيب العربية و بطل تفكر انها وشها نحس او كده لأن طول ما تفكيرك كده هتلاقى العربية بيحصل فيها حاجات غريبة اعتبر ان كل اللى حصل ديه صدف سيئة و انك راكب عربية جديدة بعد الصيانة و بطل تفكر فيها تفكير سلبى لأنه كده عمال ينعكس على العربية و هتفضل تخلص من مشكلة تدخل فى الثانية
الحل التانى تبيعها و تشترى حاجة مستعملة مع دفع فرق بسيط و تتأكد من حالة المستعمل كويس بالكشف فى التوكيل و انا ارشح التانى بصراحة
انا رأيى حرام تفضل كده ، دافع 120 الف او اكتر فى عربية يعنى دافع كتير و فى الاخر قرفان منها و مش عارف تستمتع بيها ليه .. بالتوفيق ان شاء الله
على فكرة انا عارف احساسك و الله و عربيتى كانت زى الفل و الكل بيحسدنى عليها و كنت دايما احس بحاجات غريبة و اصوات انا الوحيد اللى اسمعها لدرجة انى و الله اشتريت مساعدين و المساعديت طلعوا تمام مفهومش حاجة و المساعدين الجداد مرميين فى البيت بس انا كبرت دماغى و عملت شوية حاجات بسيطة فى العربية كده بتكلفة حوالى 5 الاف جنيه و الله دلوقتى حاببها جدا ربنا يديمها علينا نعمة
ياباشا انا عربيتي كل الي يشوفها بيتاحاكا بيها ! صالون فبريكة قماش بدون فرش جلد بقاله 3 سنين متحافظ عليه زي ما طلع من المصنع! التابلون الصالون السقف ! انا اصلا مش بفتح الشباك خالص ولا صيف او شاتاء فالقوايم و السقف نضاف !
العربية من برا مش راشة حاجة خالص ! ده حتى انا سايب كل حاجة زي ما هيا !
اي حاجة حصلت من اوصل الصيانات لتغير فبره حتى كنت بشتريها من التوكيل ! ده انا حتى زجاج المرايا جبته من التوكيل ب 110 جنيه و ركبته ب 20 الي هوا بيتباع بره ب 20 جنيه !
و صارف كتير عليها في التوكيل و غيرت كاوتش و بطارية و الدنيا تمام !
بس فعلا انا قفلت منها مش قادر خلاص :(
انا فعلا ححرضها للبيع نويت و اشوف حاجة مستعملة بسعرها و استريح :( يبقى قرفة انية بدل فعلا اول ما العربية تحس انك مش مبسود بيها بتستعبط و تبدتي تقلك مش عوزاك :(
انا بردو كونت جايب لسه عربيه سيراتو وقرفتنى اخر قرف وكانت وخدها مستعمله بس من الواضح انها كانت متهانه وخلتنى قفلت منها وبعتها بخسراه علشان كونت قفلت من كتر اللى فيها وبقول الحمد لله على اى شىء والواحد يستعلم انى اجيب حاجه كويسه او زيرو