شرح تفصيلى لعوامة البنزين فليشيا واخواتها بالصور....

السلام عليكم ورحمة الله وبركاته

زى مهو واضح فى العنوان دا شرح مدعوم بالصورة كيفية اصلاح عوامة البنزين من الألف الى الياء....*

معانا الصورة الأولى وهى صورة عوامة البنزين وزى مهو واضح فى الصورة اسم كل قطعه فى العوامة وسنشرح وظيفتها....

الصورة الأولى

http://www.nileup.com/uploads/13513310791.png

1: طقعة الفلين وهى التى تطفوا على سطح البنزين بالتانك وبها زراع طويل متصل بأبرة التلامس....

2: روزيتات توصيل الكهرباء وكما بالصورة اللوان هى الوان اسلاك الكهرباء وبرجاء الحرص وعدم التبديل بين الأسلاك....

3: ماوسورة راجع البنزين ودى بيوصل فيها خرطوم عبارة عن وسيط بين تلك الماسورة والمسورة الأساسية التى تمر من اسفل السيارة حتى موتور السياره....*

4: ماسورة التغذية من التانك الى طلومبة البنزين وهى كمثيلتها تتصل بواسطة خرطوم وسيط....*

الصورة الثانية

http://www.nileup.com/uploads/13513310802.png

الصورة الثانية وصف الأجزاء الداخلية للعوامه ووضائفها كما يلى....

1: المقاومة السلكية وهى عبارة عن سلك رفيع ملفوف على قطعة من الفبر وعلى فكرة عدد الفات بنفس سعة التانك باليترات يعنى 42 لفة ودى بيتحرك عليها ابرة التلامس التى هى بزراع العوام فيتقاطع مع العوامة ليخفض قوة الطاقه الكهريبائية فبالتالى ينخفض المؤشر....

2: ها هى ابرة التلامس والتى تتحرك بفعك تحرك العوامة فتتقاطع مع المقاومة السلكيه....

3: دى الماسورة التى تنقل البنزين من اعماق التامنك وهى تصل الى ادنى نقطه فى التانك لضمان نقل البنزين من التانك بالكامل الى طلومبة البنزين....

الصورة الثالثة

http://www.nileup.com/uploads/13513310813.png

هذه الصورة تعتبر اهم الصور فهى التى تحتوى على الجزاء الهامة والتى كثيرا ما تتلف وتسبب المشاكل العديد سنتناولها الآن....

1: مسمار ربط ابرة التلامس وهنا يمكن لنا استبدال ابرة التلامس اذا حدث لها تأكل او انكسرت ويكون الاستبدال باى قطعة رقيقة من المعدن ونقوم بتثبيتها بالمشمار شريطة ان تصل الى جنب المقاومة السلكية وتتحرك عليه بحريه....

2: هذه هى ابرة التلامس وكما شرحنا وظيفتها سابقا....

3: المقاومة السلكية وكما شرحنا وظيفتها سابقا انما لو كان العطل بهذه المقاومة فيمكن لنا استبدال السلك بآخر شريطة ان تكون بلفات منتظمة ومتساوية وان تكون عدد الفات 42 لفة....

ارجوا ان اكون قد تمكنت من استيفاء الموضوع ....*

بصراحة كل الموجود في السوق مضروب انا تعبت عشان الاقي واحدة أصلي

اقتباس:

---

المشاركة الأصلية كتبت بواسطة darehawk

بصراحة كل الموجود في السوق مضروب انا تعبت عشان الاقي واحدة أصلي

---

عند حضرتك الصور وكيفية اصلاح اى عطب بالعوامة حتلاقيه حاجه هايفة....*

تسلم ايدك علي المجهود

موضوع رائع وفي غاية الأهمية
شرح اكثر من وافي وخبرة ما شاء الله عليها

تسلم ايدك

موضوع اكتر من رائع ومتشكرين جدا عشان العوامه دى عملالى جنان والمؤشر بيزاولنى

بجد استاذ ورئيس قسم :)

لا تقوللي كتالوج ولا دليل صيانة

مجهود رائع تشكر عليه وفيه الفايدة

شرح ممتاز بس فية اضافة من اخوكم اهم حاجة لما تصنفر الأجزاء النحاسية والمقاومة السلكية انك تستعمل صنفرة خفيفة جدا الصنعية بيسموها صنفرة زيرو صنفرة دوكو لاان سلك المقاومة السلكية من مادة النيكل كروم وهو رفيع جدا واى صنفرة خشنة تقطعة فورا فخلى بالك قوى وانت بتصنفر المقاومة السلكية وعموما لو المقاومة مقطوعة او اتقطعت منك حتلاحظ ان الامبير ثابت على النص مش بيوصل للصفر ودة اللى حتلاحظة لو فكيت العوامة وبصيت على أمبير البنزين واهم حاجة لازم تربط العوامة جامد جدا علشان الجوان يقفل ويمنع تسريب البنزين من التنك فى حالة التفويل وعلى فكرة العربية الفليشيا glx بتاخد 47 لتر بنزين لان فية تنك اضافى 5 لتر فوق التنك الأساسى

شرح ممتاز . شكرا

اشكركم جميعا على الردود اللطيفة وبخاصة اشكر النجم المتألق ابن الاسكندرية aw2100 عاوز اقوله معلوماتك فعلا قيمه ومفيدة

شرح ممتاز ورائع أشكرك أخي صقر على مجهودك الكبير كما عودتنا
وانا شخصياً أستفدت من حضرتك كتيييييير فى المنتدي

وكان ليا سؤال أنا ركبت عوامة جديدة بس صيني للاسف ولما أفول العربية المؤشر بيكون بعد الـ Full
وافضل ماشي بيها كتير لحد ماينزل شوية صغيرين والاقي نفس حاطط صفيحة بنزين كاملة والمؤشر بيكون تحت الـ Full بحاجة بسيطة

السؤال ياتري العوامة ممكن تتعاير علشان تكون القراءة مظبوطة وياريت تقولي الطريقة ازاي

والف شكر ليك على مجهودك الرائع

[QUOTE=eng_gouda2000;3874604492]شرح ممتاز ورائع أشكرك أخي صقر على مجهودك الكبير كما عودتنا
وانا شخصياً أستفدت من حضرتك كتيييييير فى المنتدي

وكان ليا سؤال أنا ركبت عوامة جديدة بس صيني للاسف ولما أفول العربية المؤشر بيكون بعد الـ Full
وافضل ماشي بيها كتير لحد ماينزل شوية صغيرين والاقي نفس حاطط صفيحة بنزين كاملة والمؤشر بيكون تحت الـ Full بحاجة بسيطة

السؤال ياتري العوامة ممكن تتعاير علشان تكون القراءة مظبوطة وياريت تقولي الطريقة ازاي

والف شكر ليك على مجهودك الرائع[/QUOTE


اخى الكريم اشكرك على ذوقك وردك الجميل....

موضوع المعايرة دا سهل جدا يعنى احنا نرجع لموضوعنا حتلاقى فى الصورة رقم 3 مسمار ضبط المعايره صغير فكه وارفع العوامة الى اعلى حتى يكون المؤشر على اخر لفة من المقاومة السلكيه وثبت ايدك تمام وحرق على المسمار الصغير وتوكل على الله حيقرا معاك تمام التمام....*

اقتباس:

---

المشاركة الأصلية كتبت بواسطة sakr1964

اشكركم جميعا على الردود اللطيفة وبخاصة اشكر النجم المتألق ابن الاسكندرية aw2100 عاوز اقوله معلوماتك فعلا قيمه ومفيدة

---

انا اشكرك على لطفك انا قرات تقريبا كل المواضيع اللى انت كتبتها لانى بحب اعرف كل حاجة عن العربية اللى امتلكها وطبعا ماينفعش تسئل الصنيعى عن اسرار شغلة وخاصة انهم مش فضيين وانت بتعمل مجهود كبير واعتقد انه لوجه الله فربنا ان شاء حيكرم الشباب امثال حضرتك ومن الواضح انك بتحب السيارات الاسكودا عائلة الفليشيا او ان العربية اللى بتملكها ورتك كل العيوب سؤال هى معاك من كام سنة ؟وعملت كام عمرة موتور ليها ؟ علشان انا فليشياوى جديد بقالها معايا سنة واحدة وورتنى الويلات بالرغم انى عندى عربية من سنة 81 وكانت فيات 1100 موديل 69 عربية ظلطة كنت بعمل بيها بلاوى كنت شباب وفى 97 غيرت لفيات 128 زستافا موديل 80 علمتنى الأدب فى السواقة وفى 2011 اشتريت سكودا فليشيا كومبى 97 بالنسبة لل 1100 عملت عمرة موتور واحدة و سمكرة واحدة فى مدة 15 سنة بالنسبة لل128 غيرت موتور استعمال و عملت للموتور الاستعمال عمرة بعد حوالى 9 سنوات و 3 مرات عمرة سمكرة بالشبلونه على مر 14 سنة وانت؟؟؟؟
وبالنسبة للعوامة الثابتة على full اعتقد ان الأسلاك اللى فى العوامة مش صح او ان العوامة نفسها عطلانة

اقتباس:

---

المشاركة الأصلية كتبت بواسطة aw2100

انا اشكرك على لطفك انا قرات تقريبا كل المواضيع اللى انت كتبتها لانى بحب اعرف كل حاجة عن العربية اللى امتلكها وطبعا ماينفعش تسئل الصنيعى عن اسرار شغلة وخاصة انهم مش فضيين وانت بتعمل مجهود كبير واعتقد انه لوجه الله فربنا ان شاء حيكرم الشباب امثال حضرتك ومن الواضح انك بتحب السيارات الاسكودا عائلة الفليشيا او ان العربية اللى بتملكها ورتك كل العيوب سؤال هى معاك من كام سنة ؟وعملت كام عمرة موتور ليها ؟ علشان انا فليشياوى جديد بقالها معايا سنة واحدة وورتنى الويلات بالرغم انى عندى عربية من سنة 81 وكانت فيات 1100 موديل 69 عربية ظلطة كنت بعمل بيها بلاوى كنت شباب وفى 97 غيرت لفيات 128 زستافا موديل 80 علمتنى الأدب فى السواقة وفى 2011 اشتريت سكودا فليشيا كومبى 97 بالنسبة لل 1100 عملت عمرة موتور واحدة و سمكرة واحدة فى مدة 15 سنة بالنسبة لل128 غيرت موتور استعمال و عملت للموتور الاستعمال عمرة بعد حوالى 9 سنوات و 3 مرات عمرة سمكرة بالشبلونه على مر 14 سنة وانت؟؟؟؟
وبالنسبة للعوامة الثابتة على full اعتقد ان الأسلاك اللى فى العوامة مش صح او ان العوامة نفسها عطلانة

---

والا اشكرك على كلماتك الطيبة وانى والله ما اقصد ببذل هذا المجهود الا لوجه الله تعالى ونحن هنا كالجسد الواحد اذا شكى منه عضو تداعى له الجسد كله بالسهر والحمى ربنا يبعد الحمى عن فليشيتنا....

العربيى اللى فى الصورة دى فيفوريت موديل 1994 زى مهو واضح فى معلومات بروفايلى....

بس انا عندى عقيدة راسخة انه لابد ان اتعلم عما املك من آلات حتى لا اكون اثير وتكون الآله اسيرتى ولن اكون اسير للأله فمن هنا تبداء هوايتى فى العلم بكل صغيرة وكبيرة عما املك من آاله حتى الموابيل....

فيفوريت معايا بقالها سنتين وهى اول عربيه احط رجلى على دواسة بنزين او دبرياج يعنى اتعلمت عليها السواقة واستحملت منى غشامه وغبوات بجد ماتتحملهاش اى عربية دا اللى انا شايفة....

كنت بالذق للميكانيكى وطبعا هما استلمونى فى الأول فحت وردم لما تلعو عينى بس الحمد الله انا كنت باستهبل عليهم كتير علشان اتعلم واكسب خبراتهم دون وعى منهم....

طبعا عمرات الحمد الله ولا مرة....

الموضوع كانت الحمى التى تصيب الفليشا والحمد الله انهينا عليها بفضل الله وجهد الزملاء هنا....

تقريبا انا احب ان اعمل كل شئ بايدى فى سيارتى ولن احزن لو اخطئت فهذا فى سبيل العلم والمعرفة والحمد الله هى مستحملانى وراضيه بقسمتها وعايشه....

موضوع المقاومة السلكية شوف حضرتك حتفك العوامة وتخرجها من التانك وتفك المسمار الصفير الى تربط بين سلك العوامة وابرة التلامس مع المقاومه وبعد كده ارفع العوامة بايدك كأن التانك فول زحرك الأبره فى الاتجاه المقابل حتى آخر لفة فى المقاومة وامسك تمام واربط المسمار وحرق عليه تمام وبعد كده سيب العوامة واخفض السلك الى اسفل وراكب الأبرة اذا تحركت معك الى الأقصى هنا وهناك هنا الموضوع سيكون بخير والمؤشر سيقراء بقل دقه....

صقر باشا كان ليه سوال صغير ... عوامه الفليشيا اربعة طرف فهل فى اربع فرد سلك عند التنك اصل انا عندى تلت فرد بس ازرق . اصفر . برتقالى بس والعوامة مش بتقرا صح ولسه مغيرها من قريب وجبتها نوع مش بطال فيكا .. لك جزيل الشكر

اقتباس:

---

المشاركة الأصلية كتبت بواسطة subtotal

صقر باشا كان ليه سوال صغير ... عوامه الفليشيا اربعة طرف فهل فى اربع فرد سلك عند التنك اصل انا عندى تلت فرد بس ازرق . اصفر . برتقالى بس والعوامة مش بتقرا صح ولسه مغيرها من قريب وجبتها نوع مش بطال فيكا .. لك جزيل الشكر

---

عوامة البنزين عامة فى كافة السيارات مع اختلاف انواعه 3 ثلاثة اطراف ليه لأن بكل بساطه وظيفة عوامة البنزين هى عبارة عن مقاومة متغييرة زيها زى فوليم الصوت فى الأجهزة والتلفيزيون فاى مقاومة متغييرة هى عبارة عن ثلاثة اطراف هذا عن خبرتى فى مجال الاكترونيات....

اما بالنسبة للأربع مخارج اللى فى العوامى هما ثلاثه فقط والطرف الرابع ارضى فقط ومش بيتوصل هنا لأن العوامة كلها معدن ومتوصله ببعضها وممكن تعرف اكتر لو فكيتها وبصيت فيها وتدبرتها ....

اما بالنسبة لعدم القرائة الصحيحة فممكن توضحى ازاى بتقرا غلط؟؟؟؟؟

بالنسبة لعوامة الفليشيا فية 3 اطراف منهم طرف ارضى والطرفين الثانين بيوصلوا للامبير ومفيش طرف للمبة البنزين لان العداد دة الكترونى بالنسبة للالوان حبص على عربيتى واقول ليك ترتيب الالوان والأرضى دة لان التانك من البلاستيك غير موصل للكهرباء

دى اطراف العوامة ووظيفة كل طرف بها....

http://www.nileup.com/uploads/13519698911.png

اشكرك على المعلومات القيمة والمفيدة بس ممكن اعرف هى العومة مكانها فين بالظبط وكيفية حلها من العربية وكمان خطوم البنزين الواصل من مكان تزويد البنزين وتنك البنزين فين بالظبط ويريت بالصور واكون شاكر

استاذ صقر هل فيه خوف من فك العوامة ولا قدر الله صدور اى شرر بجانب تانك البنزين وسؤالى ده لن كان فيه موضوع قديم هنا برده على موضوع العوامة وكان بيحذر من الجزئية دى وشكرا ليك على معلوماتك القيمة وانا بصراحة نفسي افك العوامة واعملها بنفسي بس قلقان

اقتباس:

---

المشاركة الأصلية كتبت بواسطة aali6632

اشكرك على المعلومات القيمة والمفيدة بس ممكن اعرف هى العومة مكانها فين بالظبط وكيفية حلها من العربية وكمان خطوم البنزين الواصل من مكان تزويد البنزين وتنك البنزين فين بالظبط ويريت بالصور واكون شاكر

---

مكان العوامة تحت الكبية الخلفية يعنى لازم تطلع الكنبة الخلفية خارج السيارة وساعتها حتشوف خرطوم البنزين وخرطوم الراجع....*

اقتباس:

---

المشاركة الأصلية كتبت بواسطة المنسي

استاذ صقر هل فيه خوف من فك العوامة ولا قدر الله صدور اى شرر بجانب تانك البنزين وسؤالى ده لن كان فيه موضوع قديم هنا برده على موضوع العوامة وكان بيحذر من الجزئية دى وشكرا ليك على معلوماتك القيمة وانا بصراحة نفسي افك العوامة واعملها بنفسي بس قلقان

---

فينك يمعلم نسينا ولا ايه يامنسى مع اننا مش ممكن ننساك....*

بالنسبة للخطوره عندى سؤال عداد البنزين متى يتحرك؟؟؟؟

الاجابه طبعا لو حطينا المفتاح فى الكونتاك وتكينا سنتين مش كدة....

يعنى انا لو فاصل الكونتاك خالص العداد بيكون ميت لا حراك فيهلا كهرباء واصلة ويعنى مافيش اى كهربا عند العوامة مش كدا ولا ايه....

وهناك اضافة اخرى احب اضيفها بالنسبة لعوامة الفليشيا هناك دائرة الكترونية تقوم بقياس المقاومة السلكية اللى فى العوامة وتحدد بالتالى تحرك امبير البنزين دون مرور اى كهرباء فيها تماما بمعنى مفيش طرف من البطارية + واصل للعوامة يوجد طرف ارضى بس ودة قمة الحماية من حدوث شرارة داخل التانك لو فية طرف كهرباء واصل داخل العوامة وده بيسبب حساسية امبير البنزين لاى تغيير او اكسدة بين اطراف العوامة تكنولوجيا المانى غير مصممه للبنزين المصرى مية شوائب وخلافة !! بالنسبة لباقى السيارات القديمة مثال 128 بيكون الأسلاك موصلة عن طريق مقاومة امبير البنزين وهى مقاومة كبيرة نسبيا لنفس الغرض عدم حدوث شرارة فى المقاومة السلكية داخل التانك ولكن اقل امانا من الفليشيا والسيارات الحديثة ذات العدادات الالكترونية والله اعلم!!!!

عنوان التميز يا مستر صقر ديما

اقتباس:

---

المشاركة الأصلية كتبت بواسطة sakr1964

فينك يمعلم نسينا ولا ايه يامنسى مع اننا مش ممكن ننساك....*

موجود والله ومقدرش اتاخر عنكم وشكرا على المجاملة الحلوة دى
اما بالنسبة لسؤالى فعايزك تقرا المشاركة دى وتقولى ايه رايك فى الموضوع ده
http://www.nilemotors.net/nile/31413...post3874584984

بالنسبة للخطوره عندى سؤال عداد البنزين متى يتحرك؟؟؟؟

الاجابه طبعا لو حطينا المفتاح فى الكونتاك وتكينا سنتين مش كدة....

يعنى انا لو فاصل الكونتاك خالص العداد بيكون ميت لا حراك فيهلا كهرباء واصلة ويعنى مافيش اى كهربا عند العوامة مش كدا ولا ايه....

---

اقرا المشاركة اللى انا حاطط اللينك بتاعها واقرا الموضوع من اوله وانت تفهم انا اقصد ايه وشكرا ليك على سرعة ردك

انا قريت الموضوع دا فعلا من زمان ياخ منسى بس ان شرحى على العوامة خارج التانك يعنى نفك العوامة خارج التنك ونعمل المعايرة يدويا بدون اى توصيلات حتى تكون العومة الى اقصى ارتتفاع بهاذا يكون التانك فول وتكون الأبرة على آخر سلك ونربط مسمار الابرة ونتوكل على الله ونركب العوامه وعلى فكرة اللى انا بقوله دا تجربه شخصية عمليه مش دراسة كتب وحجات حضرت لو فكيت العوامة ومسكتها بايدك حتعرف طريقة شغلها وحتعمل فيها كل اللى انتا عاوزة بس تعرف مفاتيح السر وهى اللى انا شارحها فى موضوعى البسيط التى بين يدكم....*

اقتباس:

---

المشاركة الأصلية كتبت بواسطة sakr1964

انا قريت الموضوع دا فعلا من زمان ياخ منسى بس ان شرحى على العوامة خارج التانك يعنى نفك العوامة خارج التنك ونعمل المعايرة يدويا بدون اى توصيلات حتى تكون العومة الى اقصى ارتتفاع بهاذا يكون التانك فول وتكون الأبرة على آخر سلك ونربط مسمار الابرة ونتوكل على الله ونركب العوامه وعلى فكرة اللى انا بقوله دا تجربه شخصية عمليه مش دراسة كتب وحجات حضرت لو فكيت العوامة ومسكتها بايدك حتعرف طريقة شغلها وحتعمل فيها كل اللى انتا عاوزة بس تعرف مفاتيح السر وهى اللى انا شارحها فى موضوعى البسيط التى بين يدكم....*

---

والله شوقتنى انى افك العوامة واعملها بنفسي من شرحك البسيط ليها وانا تقريبا عامل زى حضرتك بقيت احب اعمل الحاجة بنفسي ربنا يسهل واعملها واكتب تقرير بيها بس سؤال اخير الموضوع امان ولا فيه مجازفة؟؟؟؟؟

اقتباس:

---

المشاركة الأصلية كتبت بواسطة المنسي

والله شوقتنى انى افك العوامة واعملها بنفسي من شرحك البسيط ليها وانا تقريبا عامل زى حضرتك بقيت احب اعمل الحاجة بنفسي ربنا يسهل واعملها واكتب تقرير بيها بس سؤال اخير الموضوع امان ولا فيه مجازفة؟؟؟؟؟

---

ابدا والله الموضوع ابسط مما تتخيل اتوكل على الله فك الكنبة الخلفية وفك العوامة وصنفر اسلاك المقاومة بصنفرة ناعمة واعمل المعايرة وظبط ابرة التلامس واتوكل على الله ومنتظرين من حضرتك نتيجة التجربة....*

مشكور يا باشا على الرد ...بس انا مغير العوامه قريب وبرده بتقرا غلط وانا بركب العوامه قلت اجرب وهى بره وصلت السلك ورفعت اعوامه الفل فوق وتحت مدتنيش اى قرايه على العداد فضل ثابت زى ما هو ... كان الاول بيقرا قبل مغير العوامه لما افول كان الموشر بيطلع للاخر وبعد كده ينزل للنص مع ان العوامه لما خرجتها لاقيتها المقاومة بايظه ومقطعة
روحت مغيرها بجديدة ..وفتحت الموشر ونفخت فيه بقى يقرا فى النص بس مع العوامه الجديدة ... فمش عارف اعمل ايه

اقتباس:

---

المشاركة الأصلية كتبت بواسطة subtotal

مشكور يا باشا على الرد ...بس انا مغير العوامه قريب وبرده بتقرا غلط وانا بركب العوامه قلت اجرب وهى بره وصلت السلك ورفعت اعوامه الفل فوق وتحت مدتنيش اى قرايه على العداد فضل ثابت زى ما هو ... كان الاول بيقرا قبل مغير العوامه لما افول كان الموشر بيطلع للاخر وبعد كده ينزل للنص مع ان العوامه لما خرجتها لاقيتها المقاومة بايظه ومقطعة
روحت مغيرها بجديدة ..وفتحت الموشر ونفخت فيه بقى يقرا فى النص بس مع العوامه الجديدة ... فمش عارف اعمل ايه

---

موضعى عن عمل العايرة للعوامة بدون اى توصيلات كهربائية ارفع امسك العوامة كأنها فى التانك وارفع قطعة الفلين الى اعلى وانظر الى اين وصلت ابرة التلامس التى تتحرك على اسلاك المقاومة لو وصلت الى النصف فك المسمار الصفير وحرك الابرة يدويا حتى تصل الى اخر سلك بالمقامة وحرق على المسمار واختبرها ارفع وشوف الابرة فين نزلة قطعة الفلين وشوف البرة راحت لفين اقصى اليمين واقصى اليسار هكذا....

ثم انا عندى سؤال حضرتك وصلت الثلاثة اطراف الى العوامة لأختبارها خارج التانك اشك....*

خلى بالك العوامة الصينى تختلف عن العوامة اللى حضرتك مصورها بمعنى انها ملهاش مسمار رجلاش ولا قطعة فلين ليها عوامة بلاستيك وانا ضبط الرجلاش بتعها بتنى الزراع اللى ماسك العوامة البلاستيك لما ظبط معايا بس بقمة الحرص علشان الزراع دة لحامة ضعيف جدا ولو واحد غشيم حيكسرة بسهولة !! بلاش اللون الأحمر يا صقر باشا

اقتباس:

---

المشاركة الأصلية كتبت بواسطة aw2100

خلى بالك العوامة الصينى تختلف عن العوامة اللى حضرتك مصورها بمعنى انها ملهاش مسمار رجلاش ولا قطعة فلين ليها عوامة بلاستيك وانا ضبط الرجلاش بتعها بتنى الزراع اللى ماسك العوامة البلاستيك لما ظبط معايا بس بقمة الحرص علشان الزراع دة لحامة ضعيف جدا ولو واحد غشيم حيكسرة بسهولة !! بلاش اللون الأحمر يا صقر باشا

---

الف شكر انتا اختصرت موضوعى كله فى مشاركتك دى .... فعلا دا الراجل اللى بيفهم عملى مش نظرى ربنا يباركلك وكلنا طبعا بنحب الأخضر فينك ياخضر ....

معلش بقى سؤال عشان انا توهت منكم خالص اصلى لسه جديد فى موضوع اعمل كل حاجه بنفسك
انا المؤشر عندى لما بفول بيكون على الاخر وبيفضل كده لغايه 120 او 140 وبعد كده ينزل للنص ومفيش 10 عشرين كيلو وينزل تحت خالص وحتى لو زودت مثلا 20 لتر يفضل زى ما هو تحت خالص
العيب هنا بقى فين فى العوامه
معلش ممكن توضيح واحده واحده

اقتباس:

---

المشاركة الأصلية كتبت بواسطة wael_kamel

معلش بقى سؤال عشان انا توهت منكم خالص اصلى لسه جديد فى موضوع اعمل كل حاجه بنفسك
انا المؤشر عندى لما بفول بيكون على الاخر وبيفضل كده لغايه 120 او 140 وبعد كده ينزل للنص ومفيش 10 عشرين كيلو وينزل تحت خالص وحتى لو زودت مثلا 20 لتر يفضل زى ما هو تحت خالص
العيب هنا بقى فين فى العوامه
معلش ممكن توضيح واحده واحده

---

سؤال هل العوامة اللى راكبة دلوقتى الفابريكة ولا الصيني علشان لو الفابريكة فاكيد بقت تهيس

اقتباس:

---

المشاركة الأصلية كتبت بواسطة المنسي

سؤال هل العوامة اللى راكبة دلوقتى الفابريكة ولا الصيني علشان لو الفابريكة فاكيد بقت تهيس

---

كنت جايبها من فتره استيراد ومن ساعه ما جبتها وهى كده
اعرف منين اذا كانت الاصلى ولا الصينى
معلش اصلى شكلى هتعبك معايا

اقتباس:

---

المشاركة الأصلية كتبت بواسطة wael_kamel

كنت جايبها من فتره استيراد ومن ساعه ما جبتها وهى كده
اعرف منين اذا كانت الاصلى ولا الصينى
معلش اصلى شكلى هتعبك معايا

---

متقولش كده احنا هنا اخوات انا سالت السؤال علشان كل اللى موجود جديد فى السوق صيني ومادام بتقول ان انت جبتها استيراد فغالبا هتكون مش مظبوطة وده ليه لان بتوع الاستيراد مش بيهتمو اوى فممكن يروح ماسكها فى ايده ويروح حاططها مثلا على الرف ويروح الدراع اللى فيها متنى مثلا على العموم شوف موضوع عم صبحي وممكن تفكها ولو فى اجزاء مصدية ممكن بصنفرة ناعمة تتعمل وان شاء الله ترجع تانى زى الاول

باشا
طب انا عندى العوامه القديمه كنت غيرتها (اتسدت ) يعنى كنت بدور العربيه مش بدور والمياكنيكى مفكرش يبوص عليها اصلا قالى دى طرمبه البنزين ولازم تتغير عشان مابتتصلحش وجبت من عنده الاستيراد المنيله ديه
الراجل اشتغلنى و ينفع القديمه تتصلح العيب ده تحديدا ولا شكرا كده
وهل هتنفعنى كقطع غيار ولا ارمى
شوفت بقى انى خنقه اصلى بصراحه ضايع فى موضوع انى اعمل كل حاجه بنفسى بس بدأت من فتره قريبه اعمل حاجات بأيدى وطبعا كله من المواضيع اللى الواحد بيشفها هنا فى المنتدى
ربنا يجازيك خير ويجعله فى ميزان حساناتك

اقتباس:

---

المشاركة الأصلية كتبت بواسطة wael_kamel

باشا
طب انا عندى العوامه القديمه كنت غيرتها (اتسدت ) يعنى كنت بدور العربيه مش بدور والمياكنيكى مفكرش يبوص عليها اصلا قالى دى طرمبه البنزين ولازم تتغير عشان مابتتصلحش وجبت من عنده الاستيراد المنيله ديه
الراجل اشتغلنى و ينفع القديمه تتصلح العيب ده تحديدا ولا شكرا كده
وهل هتنفعنى كقطع غيار ولا ارمى
شوفت بقى انى خنقه اصلى بصراحه ضايع فى موضوع انى اعمل كل حاجه بنفسى بس بدأت من فتره قريبه اعمل حاجات بأيدى وطبعا كله من المواضيع اللى الواحد بيشفها هنا فى المنتدى
ربنا يجازيك خير ويجعله فى ميزان حساناتك

---

هههههههههههه انتا اللى تايهة لالالالالالالالاوالله احنا اللى توهنا منك....*

مش عارف حضرتك ياريت تركز شويه فى عرض المشكلة يعنى فى الموضوع بتقول 120 او 140 دى سرعة ولا لترات ولا المؤشر بتاع البنزين عندك فى الأرقام دى؟؟؟؟؟؟!!!!!!!!!

وبرضو فى رد حضرتك دخلتنا فى طلومبة البنزين من غير اى مناسبة ايه اللى اتسدت العوامة؟؟؟ ولا طلومبة البنزين؟؟؟؟؟؟؟؟؟ واللى غيرها الميكانيكى طلومبة البنزين ولا العوامه ؟؟؟؟؟؟؟؟؟ دماغى ياناس بجد ان تهت فى موضوع حضرتك دا علشان كدا مش عارف ارد على مشكلتك....*

اقتباس:

---

المشاركة الأصلية كتبت بواسطة sakr1964

هههههههههههه انتا اللى تايهة لالالالالالالالاوالله احنا اللى توهنا منك....*

مش عارف حضرتك ياريت تركز شويه فى عرض المشكلة يعنى فى الموضوع بتقول 120 او 140 دى سرعة ولا لترات ولا المؤشر بتاع البنزين عندك فى الأرقام دى؟؟؟؟؟؟!!!!!!!!!

وبرضو فى رد حضرتك دخلتنا فى طلومبة البنزين من غير اى مناسبة ايه اللى اتسدت العوامة؟؟؟ ولا طلومبة البنزين؟؟؟؟؟؟؟؟؟ واللى غيرها الميكانيكى طلومبة البنزين ولا العوامه ؟؟؟؟؟؟؟؟؟ دماغى ياناس بجد ان تهت فى موضوع حضرتك دا علشان كدا مش عارف ارد على مشكلتك....*

---

ماشى ماشى .......كده برضوا :stink[1]::stink[1]:
طيب واحده واحده تانى
120 ديه لما عداد الرحلات بيكون عمل 120 ك عشان انا بسفره لما بفول
يعنى ولا سرعات
ولا مؤشر البنزين فيه الحاجات ديه
بعديها المؤشر بينل على الاخر مع انى لو فكرت امون تانى مش بمون اكتر من 20 لتر مثلا
العيب فين فى الطرمبه
حلو كده .............انا كده تمام
تانى مشكله
الطرمبه القديمه ينفع انها تتصلح
العيب : العربيه مكنتش بدور خالص المكانيكى قال عيب طرومبه لازم تتغير ..........مكلفش خاطرو انه يجرب يصلحها وغيرتها بأستيراد من عنده كده ينفع تتصلح وهو اشتغلنى ولا كده شكرا.
حلو الكلام كده مترتب اهو

اقتباس:

---

المشاركة الأصلية كتبت بواسطة wael_kamel

ماشى ماشى .......كده برضوا :stink[1]::stink[1]:
طيب واحده واحده تانى
120 ديه لما عداد الرحلات بيكون عمل 120 ك عشان انا بسفره لما بفول
يعنى ولا سرعات
ولا مؤشر البنزين فيه الحاجات ديه
بعديها المؤشر بينل على الاخر مع انى لو فكرت امون تانى مش بمون اكتر من 20 لتر مثلا
العيب فين فى الطرمبه

ايه دخل الطلومبة فى العوامه ؟؟؟؟؟؟؟؟؟؟


حلو كده .............انا كده تمام
تانى مشكله
الطرمبه القديمه ينفع انها تتصلح
العيب : العربيه مكنتش بدور خالص المكانيكى قال عيب طرومبه لازم تتغير ..........مكلفش خاطرو انه يجرب يصلحها وغيرتها بأستيراد من عنده كده ينفع تتصلح وهو اشتغلنى ولا كده شكرا.
حلو الكلام كده مترتب اهو

---

على العموما تقريبا كدا انا فهمت سؤالك معلش استحملنى انا اصلى فهمى بطيييييييييييييييييييء شويتين ههههههههههههههههههه....

حضرتك مقلتليش الأول ماركة عربيتك ....*

اما بالنسبة للعوامة ياريت ترجع للصور اللى فى الموضوع وحضرتك حتعرف حل المشكلة بكل بساطة....

وانا تحت امرك ياغالى اوعى تزعل منى انا باحب اهزر :new:

اما بالنسبة للطلومبة القديمة لو عربيتك انجكشن يبقى الطلومبة بتبقى فى تانك البنزين وما ينفعش تتصلح اما لو كاربرتير يبقى الطلومبة خارجية ممكن تتصلح وممكن نختبرها بكل سهولة