هحاول اظبط ان شاء الله المقابلة دية ولو منفعش يبقى اللى جاية اكيد.
عرض للطباعة
هحاول اظبط ان شاء الله المقابلة دية ولو منفعش يبقى اللى جاية اكيد.
بس على فكره ياجماعه الشمس بتضعف تأثير التكييف بدرجه ملحوظه خصوصا ان الزجاج مش معالج ضد اشعه الشمس علشان كده ان شاء الله هاركب ستائر واقولكم على النتيجه بأذن الله وبالنسبه لاستهلاك البنزين حوالى 1.5 لتر لكل 10 كيلو متر داخل القاهره وشكرا
بالنسبه للماروتى ماعرفش بصراحه فيه تكييف كهرباء ولا لا ممكن تسأل اى حد يكون معاه عربيه ماروتى وبالنسبه للتكييف عندى الراجل وصله على نفس المفاتيح اللى فى التابلوه اللى هو مفتاح سرعات الامروحه فقط لاغير يعنى مش محتاج اى مفتاح تانى والهواء بيخرج من اربعه مخارج فقط فى التابلوه وشكرا
اه معلش نسيت هو بيشيل الكويل الساخن كله اللى فى العربيه (كل العلبه البلاستيك اللى ورا الكونسول الامامى بتتشال وبيركب مكانها الكويل الجديد غالبا اصغر فى الحجم شويه ) وشكرا
معلش ياباشا ، ممكن تصور بكاميرا الموبيل المكان داخل التابلوة اللى ركب فيه التكييف وترفعها على الموقع للافادة ، مع العلم انى عندى شاهين وعاوز اعمل زى حضرتك واركب تكييف وخايف يبقى شكل التابلوه وحش
تحياتى
awlaaan mabrouk el takyeef w rabena yebareklaak feeh
ana ma3aya sahin 1300 cc , hal el takyeef y2asaar 3ala el motor wla la2
:3gears:
الف الف مبروك ياباشا
وربنا يباركلك فيه يارب ويحفظه من كل سوء
بالنسبه للمفاتيح
انا معايا اوبل 78 ومفاتحها قديمه اوى عامله زى بتاعة ال 128
ملهاش درجات ولا حاجه
عباره عن مجرى كده يمين وشمال
هل الراجل يقدر يشيل كل الحته دى ويعوضها بمفاتيح جديده من عنده زى الى فى العربيات الجديده كده ؟؟
وياريت لو تقدرلى المبلغ الاجمالى عشان بفكر جامد اكيف العربيه ان شاء الله
محمد سمير
باذن الله هاصور مكان التكييف علشان الاستاذ hamtle97
بالنسبه للموتور 1300 ماعتقدش ان التأثير كبير لان فى عربيات 1300 كتير بتنزل بالتكييف زى الصنى والانسر
بالنسبه للمفتاح بتاع الاوبل ممكن يركبهولك على نفس المفتاح او يركبلك مفتاح زى مفتاح مروحة السقف بس صغير ودرجات زى ما انت عايز وانا ان شاء الله هاصور المفتاح اللى عامل زى مفتاح مروحة السقف وارفع صوره وتكلفه التنكييف كلها 2700 جنيه بالضبط وتحت امر اى حد فى اى استفسار