باركولى ركبت تكييف النهارده

**mrghost** · 08-07-2008 08:01 PM

الحمد لله ربنا كرمنى وركبت تكييف النهارده لعربيتى الشاهين ب2700 جنيه بالضمان ساندن يابانى والتكييف بصراحه زى الفل بس مأثر شويه على سحب العربيه بس بصراحه التكييف نعمه وركبته فى المهندسين 41 ش المدينه المنوره من ش جامعه الدول العربيه والناس هناك شغلهم نظيف قوى واساتذه بصراحه وشكرا

**maka** · 08-07-2008 08:07 PM

مبروك وربنا يباركلك فيه

**mrghost** · 08-07-2008 08:14 PM

شكرا ياباشا على الرد

**شاهين - بنز** · 08-07-2008 08:15 PM

مبروووووك أنا عايز أركب برضه في الدوجان بس كان عندي استفسار
هل كفاءة التبريد المكيف إللي إنت جبته داخل الكابينة زي الكورلا مثلا يعني لو شغلت التكييف في عز الظهر حيبقى كفاءة ولا لأ لإن التكييف بتاع الدوجان عندي كان تعبان جدا شلته ورميته من كتر ماتخنقت منه
عشان لو كده أنفض للكرونه إللي كنت عايز أغيرها وأجيب بدلاها تكييف
وشكرا

**mrghost** · 08-07-2008 08:21 PM

بصراحه ياباشا انا ماركبتش كورولا قبل كده بس وانا جاى النهارده كان الطريق زحمه والدنيا حر طبعا واضطريت انى اوطى التكييف لان ايدى اللى على الدركسيون سقعت وانا بشغله على 1 او 2 كفايه هتلاقى نفسك فى ثلاجه وبالنسبه للتكييف اللى بيبقى نازلب فى الدوجان بيبقى تعبان لذا اتكل على الله وركب تكييف علشان تعرف تمشى بالعربيه الايام دى وربنا يوفقك

**michohat** · 08-07-2008 11:30 PM

انا كنت سمعت قبل كده ان فى تكييف بيشتغل على كهربا العربية مش له دعوه بأى شئ فى العربية ولا بالماتور
هل الكلام ده صح؟
واذا صح حد عارف معلومات عنه وازاى اجيبه وبكام

**mrghost** · 08-07-2008 11:48 PM

طب ليه متركبوش على الموتور عادى طالما عربيتك 131 وبالتالى تستحمل يركب ليها تكييف عادى جدا

**BLACKVERNA** · 08-07-2008 11:51 PM

الف مبروك يا باشا و ربنا يباركلك فيها

**michohat** · 08-07-2008 11:58 PM

سمعت من اكتر من واحد ان التكييف بيقصر من عمر المواتير وخصوصا المواتير القديمه زى اللى عندى

**mrghost** · 09-07-2008 03:27 PM

الف شكر يا black verna على الرد
وبالنسبه للاستاذ michohat انا بشوف عربيات موديلات قديمه كتير راكب فيها تكييف ومش بيأثر على الموتور بدرجه ملحوظه ومفيش حاجه اسمها موتور قديم طالما حالته كويسه