الموضوع: خروج رزاز مياه اكثره من مره من خلف السياره (الشكمان)

انا اللى اعرفه ان الواحد بيزعل لما يلاقى دخنه سوده او بيضه خارجه من الشكمان ويطلع يجرى على الميكانيكى علشان يصلحله العيب اللى فيها انما لما تلاقى ميه خارجه من الشكمان تحمد ربنا وتسجد شاكر ليه ان الموتور عندك لسه زيرو وشغال تمام.

المشاركة الأصلية كتبت بواسطة master793

القربه سليمه والريادتير سليم والميه مظبوطه
وشكراُ للرد والإهتمام

والله انا ماشى بنصائح الاعضاء بالمنتدى
والنصائح هى إلى مخلينى أحافظ على العربيه

واليكم بعض النصائح إلى بستخدمها
1. قبل تشغيل السياره افتح الكبوت وبص على القربه والزيت الباور والفرامل
2. تشغيل الفرامل بين الاول والثانى (كارك زى مابيقولو) .
3. تسخين السياره دقيقه واحد وفقط وبستعمل الاول بدون ضغط على دواسه البنزين 3 دقايق ومثلهم على الثانى وبتوكل على الله.
4. كل أسبوع على بتاع الكاوتش ضغط 34 ولا يذود ولا ينقص
5. الصيانة الدوريه عربيتى عامل 7000 ك
5. تغيير الزيت على 4500 وإنشاء الله هغير على 9500 ك
6. لا تتعجل فى السواقه انا من أصحاب السرعات العاليه ولكن فى عربيتى بحب اسمع أم كلثوم 80 كم /س 90 كم /س 100 / س : 120 : 130 لما بكون أخدت مشوار طويل على السرعات المنخفضه وخلاص قربت على المكان .
7 . الار بى ام بين الغيارات 2.750 وما بحاولش ازود عن كده ومره أو مرتين فى الشهر على 3000 .
8. بالنسبة للسواقه خليك هادى جداً ودوس على أنفك على الوضع صامت سيب إلى وراك يزمر وقلابات للصبح طول ما فى زحمة لو عاير ينط فى فوق العربيه ينط بس هو بيحب الافضل سيبك ويخلع وطلع قدامك طبعاُ الشيفروليه واطيه على الأرض بتخد المطب على مهلك تلقى واحد وراك معاه عربيه ..... وشغال نور وكلاكس على أقل من مهلك هيعمل زى صاحبنا إلى عاوز ينط من على العربيه .
9. غسيل السياره كل شهر فى الصيف طبعا فى الشتاء عاوز تغسلها كل يوم سيب العربيه فى البنزينة أحسن ههههه ... وفر مشواريك بالعربيه وخليها مواصلات تاكسى لو قريب .

انا تعبت تصبحو على خير

احترس .... الضغط اللى بتظبط عليه الكاوتش غلط .... الضغط الصح هوا 32 مش 34