الموضوع: الدخول للاهمية

هات نوبيرا عربيه بتستحمل
انا بتكلم عن تجربه النوبيرا 1 مع خالي و راكبها بقالي مده و عاجباني فعلا
فكرتني بال 505 ايام عزها

المشاركة الأصلية كتبت بواسطة MMamdouh

لسة امبارح كنت عند محمد عبدة و كان بيغير فتيس اوتوماتك لعربية نوبيرا عشان فتيسها توفى... الفتيس الاستيراد ب 4000 جنيه دا طبعا غير مصنعية عبدة

و عن كلام كا راجل شغال فى التوكيل الفتيس بيعمل مشاكل فعلا

MMamdouh

طيب ايه تفسير ان في شريحة بتفضل الاوتوماتيك وبتزيد يوم عن يوم لو ان الاوتوماتيك فيه مشاكل لا حصر لها..انا كل اللي اعرفهم معظمهم او 95 % منهم معاه اوتوماتيك ومنهم معاه موديلات بقالها 10 سنين وانا منهم..انا مش بدافع عن الاوتوماتيك او المانوال..لكن مش احيانا الواحد بيظطر يغتير الفتيس المانيوال..انا في السيارة السابقة غيرت اسطوانة دبرياج وديسك ومكنش فاضل غير اني اغير التروس..

انا شايف ان النوبيرا افضل من اللانوس لانها ببساطه ركوبها واعدتها افخم من اللانوس
العربية دى يا جماعة ذى ما زميل قال هنا بتفكرنا بالعربية ال بيجو 504
والفيات 132 فى كونها عربية عائلية بتعمر

وعلى فكرة بالنسبة لموضوع قطع الغيار انا سألت فى التوكيل عن موضوع ان الدايو هيقف انتاجه وده هيفرق فى موضوع قطع الغيار قالو لى ان كل ده كلام مش صحيح بدليل اللجانزا اللى وقف انتاجها من فترة لسه قطع غيارها موجوده كلها احد النهارده فى التوكيل

المشاركة الأصلية كتبت بواسطة MMamdouh

لا هو الموضوع فيه اختلاط بين بعض الحقائق...

اولا مش كل الاوتوماتك بيعمل مشاكل... اوتوماتك النوبيرا تحديدا هو صاحب اكبر مشاكل فى الدايو

الناس بتفضل الاوتوماتك لانه اسهل فى السواقة و غالبا الناس دى بتبقى همها الانتقال من النقطة أ الى النقطة ب باقل مجهود و بالتالى الاوتوماتك بالنسبه لهم ضرورى... اما محبى القيادة فا لا يستغنون عن المانيوال ابدا

تغيير اسطوانة و ديسك ملوش علاقة بالفتيس نفسة... دى اجزاء مستهلكة بتحتاج تغيير عاجلا او اجلا... اعتبرها كدة زى تغيير زيت الفتيس الاوتوماتك و الفلتر بتاعة... هل معنى التغيير دة ان الفيس وحش؟؟... ده تغيير لجزء مستهلك مش عيب فى العربيه ولا حاجة

و حسب كلام عبدة برضة ان معظم مشاكل فتيس النوبيرا هى فى كلاتشات السرعة الاولى و الثانية... يعنى الفتيس بيتهرى من سواقة الزحام فى مصر... و بالتالى دة برضة بياكد ان وجهة نظرى صح فى ان البلد هى اللى بتهرى الفيس مش الفيس اللى وحش لان انا ملاحظ جدا ان مشاكل الفتيسات الاوتوماتك دى كلها مظهرش منها اى حاجة برة مصر و انا اعرف كدة من خلال منتدى دايوتك

MMamdouh

الف شكر ليكم جميعاً انتم اكثر من رائعيين وخاصة أ / ممدوح

انا شوفت عربية وعجبانى جداً وارجوا من السادة الزملاء تسعيرها ضرورى جداً

نوبيرا موديل 2005 - اللون اسود - مانيوال - فابريكة من الداخل والخارج - جنوط سبور جديدة - 85000 كم - جميع الصيانات بالتوكيل - تم تغيير 4 مساعديين - مقصين - وصاحب السيارة قالى انها عايزة حاجة واحدة بس تغير رشاشات عشان بتاخر معاه فى الدوارة الصبح وبطلع دخان اسود وقال انى اغير الرشاشات برشاشات النترا -
انا عايز اتاكد ان العيب عيب رشاشات مش حاجة تانية فى الماتور ومكان اكشف فى على السيارة عشان اتاكد من كلامه بس يكون المكان قريب من مدينة نصر .
وعايز حل عشان لو العربية طلعت كويسة اعرف الرشاشات دى اغيرها فين وبكام واجيب نوع ايه وشكرااااااااااااااااااااا ااااااااااااااااااااااااا اااااااااااااا

اسعار 2008هى
Lanos Se =63500
Lanos = 67500
Nubira Sx = 75500
Nubira Cdx = 82500
ودى طبعا اسعار الوكيل ابو الفتوح لاكن لو هتشتريها من برة هتزود شوية على سعرها
واحد صاحبى جاب لانوس اس ب71000

رايى الشخصى زى ما الاعضاء قالو لو تهمك الكماليات والرحابة هات نوبيرا وطبعا انت مقارنتك دى غلط اساسا انت بتقارا عربيتين فى لنفس الشركة ومفيش شركة عربيات بتنزل موديلين زى بعض لازم واحد اقل من التانى مينفعش انا اقول محتار بين لانسر وباجيرو
ثانيا دى 1500 والتانية 1600 واتوماتيك انت كدة ظلمت الانوس ....؟
لو هتقارن قارن لانوس وفرينا
نوبيرا والانترا
بس دايما لما تشترى عربية ودى نصيحتى ومجربة اول حاجة تحدد الميزانية الى هتشترى بيها يعنى مثلا عاوز عربية ب 75000
احط قدامى النوبيرا والافيو والفيرنا ال1600 الكاملة وتختار بينهم ومتزودش فى السعر لانك كل متوصل لعربية هتقول طيب ما ازود 2000 واجيب كذا طيب ما احط 3000 واجيبها اتوماتيك وكدة يعنى..الا لو كان الفارق حاجة بسيطة وتستاهل