الموضوع: مش معقوووووول الصين تقلد تويوتا كده !!! هو محدش قادر يوقفها عند حدها !!!

شيرى ديه مفروض من اكبر الشركات فى الصين يعنى و هى الاسبرانزا هنا اصلا

اظن ان الشركات الصينى لما بتقلد موديل بالضبط كده بتبقى واخدة تصريح من الشركة الاصلية ( تويوتا فى الحالة ديه ) انهم يقلدوهم بس دا طبعا مش فى كل العربيات

و مشكور على المواضيع المفيدة يا باشا

طيب و أنت مخدش بالك إن الاوبترا الهتشباك مسروقة و كان في واحدة واخدة ضهر BMW و واحدة وش ال C class و اللانسر copy paste و و و
كل دي حاجات مسروقة و محدش بيتكلم
الله اعلم بقى الصين ماسكة زلل للناس دي كلها ولا ايه بقى
بس الأكيد إن مش تويوتا بس اللي اتسرق منهم design

المشاركة الأصلية كتبت بواسطة bakkarahmed

والبريليانس في 5
ده حتي جيرمي جاب سيرتها في برنامج توب جير وبيقول ان بي ام خسرت قضيتها اللي كانت رافعاها علي البرليانس في تقليد اكس 1
لا وبيستهزأ كمان بيقول ان الصين انكرت تماما ان السياره مشابهه للبي ام( اللي ما يشوفش من الغربال يبقي اعمي)
بس في اخر البرنامج جرب عربيتين صيني منهم ال ام جي
وقال انه بصرف النظر عن المتانه وقوه الموتور والتكنولوجي القديم في الفتيس ان العربيات الصيني تطورت في اخر 5 سنوات..وانه ماينفعش دلوقتي تحقق مبيعات في اوربا بس بعد 5 سنين كمان هاتعرف تثبت وجودها

لا يا باشا معلش اسمحلى اصحح المعلومة هو كان بيتكلم عن عربية شبيهة بالاكس فايف مش الاكس وان خالص لأن الحلقة بتاعت توب جير ديه قديمة شوية لسه الفى 5 مكانتش نزلت اصلا

و بى ام اكيد مش هتشتكى بريليانس لأن فيه شراكة ما بينهم فصعب اوى انهم يشتكوهم و اكيد بريليانس واخدة اذن منهم انها تعمل الكلام ده

و كانت حتة حلوة اوى لما كانوا بيكلموا بعض على موضوع القضية اللى خسرتها بى ام .. بيقولوا بى ام رفعت قضية ضد شركة صينية فى محكمة صينية و المحكمة رفضت القضية انت شايف ان هى شبه الاكس فايف بس هما مش شايفين كده

و الله نفسى فى مصر يبقى عندنا برنامج بربع مستوى توب جير ده مش زى الاخ اللى طالع يقولك ستينج المصرى يا اخى طيب انطق اسمه الاول صح و بعدين قلدهم