الموضوع: استغفر الله العظيم: اختراع الفيزون؟؟؟!!!

المشاركة الأصلية كتبت بواسطة mr_safwt

كان فية حملة ضد الفيزون
اسمها هنتزللى بالفيزون هانزلك بالكلسون

هههههههههههههههههههههههه

اغلب مواضيع المنتدى الأجتماعى النهارده فيها حاجه غلط

انا طول عمرى كنت مع حرية كل شخص انه يعمل اللى عايزه طالما لا يؤذى الاخرين

بس فعلا الموضوع بقى صعب اوى

و زى ما بيتقال حريتك تنتهى عند حدود حرية غيرك .. فاللى بتلبس كده بتتعدى حريتها انها بتخلى ناس مش عايزة تشوف المنظر دا تشوفه و بتخلى الشباب اخلاقها تبوظ اكتر

و برضه يا ريت محدش يقول العفة و غض البصر

متجيش لواحد هيموت من الجوع و تحطه طبق اكل قدامه فيه كل حاجة لذيذة و تقوله بس خلى بالك دا مش بتاعك و متلمسوش او تاكل منه لأن كده عيب و حرام

المشاركة الأصلية كتبت بواسطة eldell

بص هو ده كان اختراع فى الاول يتلبس تحت لبس شتوى وعليه بوط وجيب قصير وحجات كده هههههههههههههههههههه لاكن بعد كده قلعو البوط وبعدها بشويه قلعو الشتوى وبقو يلبسوه فى الصيف وبجد حااااااااااااجه تنرفز واحنا المفروض ان احنا دوله اسلاميه والمفروض يبقى فى رقابه فى البيوت من الاهالى

حلوه دوله اسلاميه دي .... روح قبل حد من الاخوه الليبرالليين يشفوك يا تاجر الدين

المشاركة الأصلية كتبت بواسطة khaled_legand

و يا ليت كان شكلهم حلو بالفيزون هذا و لكن في نهايه الامر انت مطالب بغض البصر حتي لو كانت لابسه بيكيني

يا باشا مخلتفناش ، بس المطلوب صعب جدا يتحقق .. يعنى مطلوب برضه ان البنت تكون مش هقول محتشمة بس مش لازم انها تجبرنى انى ابص عليها و معلش لو غيرى شايف انه قد انه يغض بصره انا بصراحة مقدرش و عارف ان كده غلط بس فى نفس الوقت برضه متنزليش كل حاجة غلط فى الشارع و تطلب منى انى ابقى ممتاز صعب اوى .. و على فكرة الحمد لله انا مش بتحرش ولا بعاكس حد لأنى و الله بتكسف من الكلام ده و انى اصغر نفسى قدام واحدة تقولى كلمة متعجبنيش او تحرجنى بس برضه غصب عنى ببص .. بس كل واحد و شخصيته و مدى تحكمه فى نفسه .. نفسى البنات قبل ما يقعدوا يصدعونا بالكلام عن التحرش يبصوا على اللى بيحصل فى الشارع الاول .. المشكلة من الطرفين و الله بس كل واحد لازم يغلط التانى .. و برضه بقولها بشكل تانى مينفعش تجيب عربية بتلمع و نضيفة و تدخل حارة لناس مش لاقية تاكل و تقولهم لا لو سمحت محدش يبص على العربية او يحسدها .. يعنى برضه مفروض الناس تراعى مشاعر بعض عشان تلاقى المعاملة الكويسة اللى مستنياها

أنا مش بخد بالي الصراحة من اللي بيبقوا لابسين البتاع ده..
بس في بقى بنطلونات الـHarem دي.. بتفكرني بالسندباد و لص بغداد و القصص الحلوة دي.. lol دي بقى اللي بتلفت أنتباهي بجد عشان شكلها بيبقى مقرف فعلاً..

بس هن أحرار في الاخر يلبسوا اللي عايزينه..
أنا بالنسبالي اللي بيبرر التحرش و يلقي اللوم على لبس البنات ده واحد عمال يدور على أي سبب يقنع بيه نفسه أنه معذور يرتكب الجريمة دي..
المتحرش ده واحد مش مستني يشوف فيزون ولا غيره عشان يعمل اللي بيعمله.. لأنه already خلاص فقد أي common sense موجود عند أي بني أدم طبيعي و متبقالوش غير الطبيعة الحيوانية.. فهو بالنسباله عادي معندوش مشكلة يتحرش بأي "تاء مربوطة" معدية من جنبه سواء بقى بالكلام أو اللمس أو حتى النظر..
سؤال.. ممكن أي حد من هنا يوصل في يوم لمرحلة أنه يتحرش بواحدة لمجرد أنها لابسة لبس ملفت ؟! و ليه؟! سواء أه أو لأ...

المشاركة الأصلية كتبت بواسطة dede_dodo88

أنا مش بخد بالي الصراحة من اللي بيبقوا لابسين البتاع ده..
بس في بقى بنطلونات الـharem دي.. بتفكرني بالسندباد و لص بغداد و القصص الحلوة دي.. Lol دي بقى اللي بتلفت أنتباهي بجد عشان شكلها بيبقى مقرف فعلاً..

بس هن أحرار في الاخر يلبسوا اللي عايزينه..
أنا بالنسبالي اللي بيبرر التحرش و يلقي اللوم على لبس البنات ده واحد عمال يدور على أي سبب يقنع بيه نفسه أنه معذور يرتكب الجريمة دي..
المتحرش ده واحد مش مستني يشوف فيزون ولا غيره عشان يعمل اللي بيعمله.. لأنه already خلاص فقد أي common sense موجود عند أي بني أدم طبيعي و متبقالوش غير الطبيعة الحيوانية.. فهو بالنسباله عادي معندوش مشكلة يتحرش بأي "تاء مربوطة" معدية من جنبه سواء بقى بالكلام أو اللمس أو حتى النظر..
سؤال.. ممكن أي حد من هنا يوصل في يوم لمرحلة أنه يتحرش بواحدة لمجرد أنها لابسة لبس ملفت ؟! و ليه؟! سواء أه أو لأ...

اظن انا مش ممكن اوصل للمرحلة ديه يا باشا

بس اسمحلى اختلف معاك .. الشخصية نفسها و البيئة اللى اتربى فيها الانسان بتفرق كتير اوى و برضه معرفة الانسان بالدين او بالحقوق الانسانية او حتى ازاى يعرف يعيش مع الناس التانية ديه كلها حاجات تفرق فى الموضوع و تفرق الواحد ممكن يوصل لمرحلة ايه مع الضغوطات

انا مش بدور على سبب ابرر بيه الغلط .. لا دا السبب الحقيقى فعلا فى الغلط من وجهة نظرى .. عموما الموضوع وصل دلوقتى لدرجة اظن ان مفيش رجوع فيها يعنى لو صحينا بكرة مثلا و كل البنات بقت لابسة لبس غير لافت للنظر برضه هيحصل تحرش لأن ده بقى مرض فى المجتمع خلاص ..

تقدر حضرتك تقنعنى ان لبس البنات ازاى ميأثرش على اى حد ماشى فى الشارع .. و ازاى منقدرش نحملها جزء من المشكلة .. طبعا انا رأيى ان مش كله على البنات بس دا سبب رئيسى و بصراحة انا نفسى حد يقنعنى ان لبس البنت الفاضح مش سبب فى اثارة الشباب و اللى بيأدى لحاجات كتير غلط بعض كده سواء تحرش او غيره

و اسف لو كلامى حاد شوية و اتمنى ان حضرتك تحاول تقربلى وجهة نظرك يمكن اغير انا وجهة نظرى

و نسيت حتة البنطلون بتاع علاء الدين دا بصراحة شكله فعلا مقزز جدا و مش عارف ايه الحلاوة فيه يعنى .. يا رب بس ميخترعوش حاجة شبهه للاولاد بعد شوية زى ما بيحصل دايما ههههههههههه