| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 1 من 13 1 2 3 4 5 6 11 ... الأخيرةالأخيرة
النتائج 1 إلى 10 من 129

  1. #1

    الصورة الرمزية عصام غنايم

    رقم العضوية : 20690

    تاريخ التسجيل : 30Sep2008

    المشاركات : 2,701

    النوع : ذكر

    الاقامة : دمياط

    السيارة: ماتريكس,اوبترا,سيراتو,ماتريكس,نيو اكسنت,كروز

    السيارة[2]: 128,127,126,fiat UNO,لانوس2

    دراجة بخارية: فيسبا,هاوجيانج صينى

    الحالة : عصام غنايم غير متواجد حالياً

    افتراضي المفيد فى عزل السياره الآكيد بالصور - Facebook Twitter whatsapp انشر الموضوع فى :

    hasad">

    موضوع العزل او تكتيم السياره يعتبر من اهم المواضيع اللى كتبتها وناس كتيرطلبته منى وانا اتأخرت فيه شويه

    بس ده لأنه موضوع مهم وكان لازم اعده اعداد جيد ليخرج بالصوره اللتى اتمنى ان تفيد كل من يقرأه

    المهم

    نبدا موضوعنا

    بسم الله

    ايه اكتر حاجه بتفرق بين سياره وأخرى غير ارقام الآداء ؟

    جودة عزلها

    يعنى ايه ؟

    يعنى لو فرضنا انك روحت مشوار بسياره مرسيدس

    وروحت نفس المشوار بسياره شاهين ( مثلاٌ )

    هل احساسك بالطريق و الأصوات ودرجة الحراره هتبقى زى بعض ولا فى اختلاف ؟

    اكيد فى اختلاف

    المرسيدس هتسمع فيها صوت الهدوء حتى مع المطبات ومش هتحس بحرارة الجو

    اما فى الشاهين هتحس انك راكب منخل وماسك فى ايدك شخشيخه و انت قاعد فى فرن بلدى

    وهو ده فرق العزل

    علشان كده هنحاول مع بعض نرفع مستوى عزل عربياتنا من مستوى ( السيارات ال ---- ) الى مستوى ( السيارات الآلمانى )



    بسم الله

    لما نيجى نبداء فى عزل اى سياره لازم نشتغل فى اتجاهين

    1 العزل الخارجى

    ( تربيط عفشه - مراجعة الشكمان - تربيط مفصلات و كوالين الشنطه والكبوت - رش فجاواى وعتب السياره بالبلاك السائل )

    2 العزل الداخلى

    ( تربيط مفصلات وكوالين الأبواب - عزل الأبواب بالارمافلكس - عزل ارضية وأجناب السياره بالارمافلكس - عزل التابلوه - حقن فوم سائل وجاف فى جميع فراغات صاج السياره )

    كده احنا خلصنا الجزئ النظرى فى موضعنا



    نخش بقى على الجزء العملى

    بسم الله

    الخامات اللى هنحتاجها بالترتيب

    1 الفوم السائل

    بنجيبه من محل بيع مستلزمات صيانة التلاجات تصنيع هولاندى او سويدى الأنبوبه ب 40 جنيه وبنحتاج اربع انابيب للسياره

    ودى صورته





    2 الفوم الجاف

    وده اللى بيبقى فى ابواب التلاجات وبنجيبه من اى حد بيبيع مستلزمات تصليح التلاجات اللوح ب 20 جنيه تقريباٌ او من اى باب تلاجه قديمه ببلاش

    ودى صورته




    3 البلاك الرش الأيطالى

    وده بنجيبه من محل مستلزمات بويات السيارات الأنبوبه ب 25 جنيه وهنحتاج انبوبتين للسياره

    ودى صورته





    4 البلاك اللصق الأيطالى

    وده بنجيبه من محلات مستلزمات بويات السيارات الفرخ ب 50 جنيه




    5 بكرة لاصق ابيض ورقى عريض

    من عند محلات بويات السيارات هنحتاج بكره بخمسه جنيه


    6 الارما فليكس

    وده بنجيبه من محلات بيع قطع غيار التلاجات وده بيستخدم فى عزل غرف التبريد الكبيره لتلاجات الفاكهه والخضار وده بيبقى تخانات مختلفه ( 2 , 4 , 6 )مم وطبعاٌ كل تخانه ليها سعر هنشتغل بتخانة 4 مم ودى سعر المتر فى متر 17 جنيه


    معانا ادواتنا نبداء الشغل بقى


    العزل الخارجى


    1 تربيط العفشه

    طبعاٌ العفشه تكون سليمه فى الأساس ( ميبقاش فيها مساعد ضارب ولا جلبه مبوشه ) لأن الحاجات دى اكيد هتعمل اصوات مستديمه احنا فى غنا عنها

    هنروح اى مركز صيانه نرفع العربيه ونمر على كل مسمار فى بطن العربيه ونربطه كويس

    على فكره الصوره دى فى مركز الباشمهندس اسلام زميلنا فى المنتدى بالمنصوره





    بعد التربيط هنمر على كل مفصلات العفشه الكاوتش ونرشها زيت لتليين العفشه


    2 الشكمان

    والعربيه مرفوعه هنمسك الشكمان بأيدنا وهو بارد وهنهزه فى حدود حركته الى يمين ويسار وكمان الى الامام والخلف



    المفروض ميخبطش فى اى حاجه وميعملش صوت كمان طبعاٌ لو فيه اى مصدر صوت بنحدد مصدره ونعالجه


    3 تزبيط الشنطه

    هنيجى للشنطه ونفتحها ونقفله تانى المفروض يكون صوت قفلتها مكتوم طيب لو بتشخشخ نعمل ايه ؟

    1 هنفك النمره ونلزقها من ورا بدبل فيس ونربطها تانى كويس

    2 هنزيت كالون الشنطه ومفصلاتها واسياخها

    3 للشنطه صدادات كاوتش بتحدد قفلت الشنطه بنظبط ارتفاعها لأنها بتبقى لازقه
    غطاء الشنطه فى جسم السياره عند غلق الشنطه ودى اهم حاجه فى زبطة الشنطه

    4 هنحقن فراغ الشنطه اللى بين الصاج الداخلى والخارجى بفوم سائل





    4 تزبيط الكابوت

    1 هنزيت مفصالات وكالون الكابوت

    2 هنعيد على رباط الشبكه

    3 هنزبط صدادات الكابوت الكاوتش انه يقفل مكتوم وفى نفس الوقت يكون ملاصق
    ليهم ويكون ماشى مع اعلى نقطه من الرفرفين





    4 هنفك اللباد الأسود الخاص بالكابوت ( اللى معندوش يشتريه من اى تاجر استعمال ويركبه ) ونحقن فراغات عضم الكابوت بالفوم السائل

    مع مراعاة رفع الكابوت على خشبه من نصفه بالظبط قبل الحقن علشان ميتفتلش





    5 رش الفجاوى وعتب السياره

    هنغسل العربيه من تحت غسله كويسه اوى وبعدين وهى جافه
    هنروح لأى بوهيجى ونرفع العربيه بعد ما نحل الأربع فرد
    وهنسنفر باطن الفجاوى الأربعه بسنفره خشنه ونضفهم كويس اوى





    هنلصق اجناب ووش العربيه بالجرايد علشان مياخدوش دهان





    هنلزق اجزاء العفشه من جوه بالجرايد برده علشان متاخدش دهان





    هنجيب خرطوشة البلاك الرش الأيطالى ونركبها على مسدس البوهيجى ونرش الفجاوى والعتب من تحت للسياره اجمالاٌ طبقه تقيله وبعدين نسيبها تجف
    بعد ما تجف نرش طبقه تانيه تقيله ونتركها تجف غالباٌ هتبيتها عند البوهيجى علشان الرش يعضم قبل ما تحرك العربيه





    طبعاٌ كل ما سبق مينفعش يكون فى وجود اى بارومه فى بطن العربيه ( ولو موجوده ننضفها اول )

    وبكده نكون خلصنا الجزء الأول العزل الخارجى فى السياره



    نبدأ الجزء التانى

    بسم الله


    العزل الداخلى


    هنبدأ ب

    1 الأبواب

    هنحل فروشات الأربع ابواب ونعين حاجة كل باب فى كيس لوحده

    هنزيت كوالين البواب والأسياخ والمقابض من جوه





    هنجيب فرخ البلاك اللاصق و نقطعه اربع شرايح








    هنسخن الفرخ والباب قبل اللصق ب سشوار ساخن





    هنلزق شرائح البلاك عل صاج الأبواب الخارجى من الداخل





    واحنا بنلزق نراعى ان تكون الشريحه الملزوقه فى منتصف الفراغ الموجود فى الباب


    بعد كده هنسنفر النص السفلى من الأبواب وننضفه كويس بمسدس هواء

    ونجيب البلاك الرش ونركب الخرطوشه على مسدس البوهيجى ونرش النص السفلى
    من الأبواب طبقه خفيفه ونتركه لما يجف

    بعد ما يجف نرشه طبقه تانيه خفيفه برضه

    بعد كده هنجيب سيخ رفيع ونسلك مجارى خروج الماء فى كل باب ثلاثه ننضفهم
    كويس








    بعد البلاك ما ينشف تانى يوم

    هنقفل الأبواب

    طبعاٌ احنا شيلنا الفروخ البلاستيك البيضاء المبطنه للأبواب اول ما فكينا الفروشات
    هنستبدل الفروخ البلاستيك دى بفروخ ارما فليكس

    (( ال أرما فليكس بيكتم صوت قفلة الباب و بيمنع وصول اصوات الشارع و بيحسن صوت سماعات الأبواب و بيريح تكييف العربيه لأنه بيمنع خروج الهواء البارد من جوه لبره وبيمنع دخول الهواء الساخن من بره لجوه )) كله مميزات

    بعد ما نفصل ال أرما فليكس على الأبواب ونفتح للمقابض والسماعات








    نلصقه على صاج الأبواب











    بعد كده

    هنجيب الفروشات نفسها

    ونلزق عليها فضل الأرما فليكس نوزعها على فوارغ فرش الباب



    هنقفل فروشات الأبواب كما كانت

    ثم

    هنيجى على صابع كل باب اللى السقاطه بتقفل عليه




    ونلف عليه شيكرتون ( لفتين كفايه )





    ودى كفيله انها تكتم قفلة الباب كمان

    وكده الأبواب خلصت

    معاكم ابواب مرسيدس AMG دلوقتى

    اللى بعده


    2 عزل آوايم وعتب السياره


    هنحل الكنبه اللى ورا ضهر وقاعده

    هنشيل فرش الشنطه ونفضيها بالكامل

    هنحل فبر العربيه بالكامل ( شنطه وآوايم وعتب )








    هنجيب ال أرما فليكس ونقطعه شرايح ونلصقه على صاج السياره من الداخل بالكامل مع مراعاة التوزيع الجيد









    بعد كده

    هنلبس فى ايدينا جونتيات تقيله اوى من بتاعت العمال مش من بتاعت الدكاتره قبل ما نستخدم الفوم السائل

    ليه ؟؟

    علشان ده كان شكل ايدى لما ما ستخدمتش الجونتى بعد جميع محاولات الغسيل بجميع انواع المنظفات من الصابون وصولاٌ الى التنر





    هنجيب انابيب الفوم السائل ونحقنها داخل فراغات الصاج للعربيه اجمالاٌ ( آوايم , عتب , دعامات , بين التانك وجسم العربيه )


    طبعاٌ نحقن بكميات معقوله لأن الفوم لما بيجى يجف بيتمدد الى اربع اضعاف حجمه وهو سائل لذلك وجب ان نعطيه مساحه للتحرك


    وكل ما نخلص جزء نلصق جميع فتحاته ببكرة الشريط اللاصق البيض الورقى
















    بعد كده

    هنجيب الفوم الجاف ونقطعه قطع مناسبه لحجم الفراغات الموجود بين عضم السياره من الداخل ورفارف السياره من الخارج ( بتركب كبس )























    بعد كده هنجيب كل الفيبر اللى حليناه ( آوايم , عتب , شنطه ) ونلزق عليه شرايح ارما فليكس كبطانه من الداخل






    هنعيد تقفيل كل ما فكيناه تانى كما كان

    وبكده نبقى خلصنا الصالون


    فاضل ايه ؟؟؟


    3 التابلوه

    هنحل التابلوه حته حته مع بعض

    الاول هنشد الفبره اللى تحت التابلوه لبره





    هنلاقى تحتها مسمارين ماسكين وحدة مفاتيح التكييف هنفكهم





    هنشد وحدة التكييف بشويش لبره بمفك عاده





    وهنبدأ نفك الفرام اللى شايل الساعه وفتحات التكييف وده ممسوك بمسمارين فوق مفاتيح التكييف





    ومسمارين فوق العدادات ومسمار وراء فبرة المرايه الكهرباء بيبان بعد ما نخلع الفبره لبره بمفك عاده رفيع هي راكبه كبس

    وبعد ما نفك الخمس مسامير هنشد الفرام كله لبره بالعقل ونخلى بالنا من خلع فيشة كهربة النور والتكييف.وفيشة الساعه








    كده العدادات قدامنا هنفك الاربع مسامير اللى ماسكين العدادات





    ونفك التلات فيش اللى واصلين بضهر لوحة العدادات





    هنفك زجاجة العدادات ونلصق حرفها داير ما يدور ببلاستر طبى





    هنلزق حرف فريم التابلوه بالكامل بنفس البلاستر





    هنأكد على رباط مصامير التابلوه بالكامل وهو مفكوك قدامنا





    هنفك الكاسيت ونلف الضفيره بتاعته بآرما فليكس او بأسفنج رقيق اوى





    هنربط مسامير التابلوه اللى باينه قدامنا ورا الكاسيت




    هنعيد تربيط التابلوه كما كان بعكس خطوات الفك

    هنيجى لجانب التابلوه اللى مقابل للباب ونلزقه آرما فليكس





    بكده احنا خلصنا التابلوه

    عارفين مراية الصالون

    دى لازم نعيد على رباطها بمفتاح الانكيه لأنها من اهم اسباب الأصوات الغريبه فى العربيه

    وكمان خلصنا السياره

    ارجو ان ينال الموضوع رضاكم


    وهو ما سوف يظهر لى بطلبكم لتثبيته و دعائكم الخالص لى

    لأى استفسارات وللتواصل السريع ده عنوان صفحتى على الفيس بوك

    ‫عصام غنايم | Facebook‬

    ولقرائه بقية مواضيعى الرجاء اضغط على الرابط اسفل التوقيع


    اخوكم عصام غنايم


  2. #2

    الصورة الرمزية Khaled Lanos

    رقم العضوية : 119326

    تاريخ التسجيل : 19Jan2012

    المشاركات : 1,731

    النوع : ذكر

    الاقامة : Sheikh Zayed City

    السيارة: ربنا يبعت

    السيارة[2]: Daewoo Lanos 2006

    دراجة بخارية: لا يوجد

    الحالة : Khaled Lanos غير متواجد حالياً

    افتراضي -

    بسم الله ماشاء الله ايه الشغل العالي ده ياباشا الله ينور عليك

    تسلم ايدك بجد على الموضوع ده ياباشا ويشرفني اني أكون أول واحد رديت على موضوعك

    وأنا عن نفسي هعمل موضوع العزل ده قريب في عربيتي ان شاء الله

    وليه مفكيتش الموكيت وعزلت الأرضية بالمرة ياباشا؟

    واخر حاجة اطلب التثبيت من الإدارة.

    وكل سنة وانت طيب ياباشا ويارب يكون عيد سعيد عليك وعلى الأسرة الكريمة ان شاء الله

    [img3]http://nileup.com/up/uploads/nilemotors_13841148121.jpg[/img3]
    Lanos For Ever


  3. #3

    الصورة الرمزية S O P H O S

    رقم العضوية : 71514

    تاريخ التسجيل : 25May2010

    المشاركات : 26,773

    النوع : ذكر

    الاقامة : EgYpT-ⵍⵎⵖⵔⵉⴱ-

    السيارة: -- -- all FiaT ---

    السيارة[2]: ToYoTa CorOllA ---

    دراجة بخارية: - - - - - - -

    الحالة : S O P H O S غير متواجد حالياً

    افتراضي -

    ما شاء الله
    جزاك الله خيرا ..


  4. #4

    الصورة الرمزية Dr.Rayyan

    رقم العضوية : 32452

    تاريخ التسجيل : 09Feb2009

    المشاركات : 549

    النوع : ذكر

    الاقامة : cairo

    السيارة: الحمد لله

    السيارة[2]: Daewoo Lanos I 1999

    دراجة بخارية: no

    الحالة : Dr.Rayyan غير متواجد حالياً

    افتراضي -

    ما شاء الله لا قوه الا بالله
    بصراحه انته دماغك حلوه اوى الشغل احترافى 100%
    بعد الشغل العالى ده ايه اخبار الصوت داخل الكابينه ؟قل بنسبه كام ف 100%
    طبعا الموضوع جميل ويستاهل التثبيت
    ربنا يباركلك فى رزقك ويمتتعك بالصحه والعافيه

    dentist4ever سابقا


  5. #5

    الصورة الرمزية haimaN

    رقم العضوية : 7853

    تاريخ التسجيل : 23Mar2008

    المشاركات : 306

    النوع : انثى

    الاقامة : cairo

    السيارة: 89289197133

    السيارة[2]: CharlesFamOB

    دراجة بخارية: no

    الحالة : haimaN غير متواجد حالياً

    افتراضي -

    شغل بجد روقان اوي
    تسلم ايدك والشرح فعلا ممتاز جدااا


  6. #6

    الصورة الرمزية nab!l

    رقم العضوية : 40835

    تاريخ التسجيل : 22May2009

    المشاركات : 3,475

    النوع : ذكر

    الاقامة : damietta

    السيارة: thanks god

    السيارة[2]: opel astra 2000

    الحالة : nab!l غير متواجد حالياً

    افتراضي -

    بأمانه والله شغل جامد وكتر خيرك ان جالك الصبر تعمل كده


  7. #7

    الصورة الرمزية msobhy

    رقم العضوية : 13332

    تاريخ التسجيل : 21Jun2008

    المشاركات : 3,084

    النوع : ذكر

    الاقامة : Giza

    السيارة: Lanos I -2000

    السيارة[2]: Elentra HD 2010

    دراجة بخارية: Soon ISA

    الحالة : msobhy غير متواجد حالياً

    افتراضي -

    أبو مروان -------- أسألكم الدعاء لوالدتى بالشفاء ..... يا رب


  8. #8

    الصورة الرمزية biomedo

    رقم العضوية : 76580

    تاريخ التسجيل : 30Jul2010

    المشاركات : 1,053

    النوع : ذكر

    الاقامة : Mayoo City

    السيارة: لا يوجد

    السيارة[2]: lanos 2005 H/O 75k

    دراجة بخارية: لا توجد

    الحالة : biomedo غير متواجد حالياً

    Smile -

    موضوع ممتاز
    ارجو التثبيت لتعميم الفائده

    جزاك الله خيرا

    [gdwl]Daewoo (Korean) means "Great Universe", and Lanos (Latin) means "Pleasure", so Daewoo lanos is the pleasure of the great universe[/gdwl]


  9. #9

    الصورة الرمزية windofchange

    رقم العضوية : 22731

    تاريخ التسجيل : 20Oct2008

    المشاركات : 3,291

    النوع : ذكر

    الاقامة : القاهرة

    السيارة: الحمدلله حمداطيبا كثيرا مباركا فيه

    السيارة[2]: Seat IBIZA 99 6K 1.6

    دراجة بخارية: لا

    الحالة : windofchange غير متواجد حالياً

    افتراضي -

    ماشاء الله جميل اووي بس لي ملحوظة صغيرة يا عصام باشا وهو ان الفراغ اللي بين التانك وجسم السيارة لايجب عزله بفوم وده لان ممكن جوان طرمبة البنزين يبوظ فالبنزين بيقب من فوق وينزل طبيعي ومقصوده من المصنع عالتانك ومنه عالارض وده الطبيعي لما يكون معزول البنزين مش هينزل فهيغرق العربية من جوه وده خطر

    " اللهم إنا نجعلك في نحورهم ، ونعوذ بك اللهم من شرورهم "


  10. #10

    الصورة الرمزية mazagngi2010

    رقم العضوية : 14582

    تاريخ التسجيل : 11Jul2008

    المشاركات : 3,804

    النوع : ذكر

    الاقامة : Zagazig-Mariotia

    السيارة: LANCER 1998

    السيارة[2]: MAZDA323-ِALFAROMEO146

    دراجة بخارية: لاحول ولا قوه الا بالله

    الحالة : mazagngi2010 غير متواجد حالياً

    افتراضي -

    hasad">

    الله ينور عليك

    جروب مالكى وعاشقى لانسر كريستاله
    https://www.facebook.com/groups/lancer.egypt.1996.2000/



 
صفحة 1 من 13 1 2 3 4 5 6 11 ... الأخيرةالأخيرة

المواضيع المتشابهه

  1. المفيد فى عزل السياره الآكيد بالصور
    بواسطة عصام غنايم في المنتدى ورشـــة نــايل مــــوتـــورز
    مشاركات: 241
    آخر مشاركة: 21-03-2018, 04:32 AM
  2. السياره الرمسيس - قصه حياه قصيره بالصور
    بواسطة Gelgel2004 في المنتدى أخبار السيارات في مصر والعالم
    مشاركات: 42
    آخر مشاركة: 16-02-2016, 04:32 PM
  3. المفيد فى تركيب الكاوتش الجديد بالصور
    بواسطة عصام غنايم في المنتدى إطارات
    مشاركات: 166
    آخر مشاركة: 14-02-2016, 05:53 PM
  4. المختصر المفيد في علم التجويد ( كتاب الكتروني ثلاثي الابعاد 6.43 mb بالصور )
    بواسطة m3_dolphen في المنتدى المنتــــــدى الاجتمــاعى
    مشاركات: 0
    آخر مشاركة: 31-03-2011, 02:42 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2