السلام عليكم
كنت عايز اعرف افضل اللقم و البرايز الكهربائية واسعارها .. وايه المفضل ؟؟ المهم تكون الحاجة مضمونة ونضيفة صيني او ايطالي او اي حاجة تانية
انا سمعت عن ليجراند فرنسي والباتشينو وسناشي ولينك وساس .. ممكن تفيدوني .. افادكم الله
السلام عليكم
كنت عايز اعرف افضل اللقم و البرايز الكهربائية واسعارها .. وايه المفضل ؟؟ المهم تكون الحاجة مضمونة ونضيفة صيني او ايطالي او اي حاجة تانية
انا سمعت عن ليجراند فرنسي والباتشينو وسناشي ولينك وساس .. ممكن تفيدوني .. افادكم الله
شوف حسب خبرتى المتواضعه احسن ماركة سوتشات كهرباء هى البتشينو
والاسلاك السويدى للكبلات
تركبهم وتنساهم
معرفناش برضه هيتوصل الطرف الثالث (الارضى) على ايه؟؟
كهربة الشقة مافيهاش 3
انت عندك 2
واحد موجب وسالب
هيتوصلو بية
ولا انت عندك 3 فاز؟؟
أنا عندي المفتاح الشنايدر اللي في الصاعد بتاع العماره 63 أمبير و الكهربائي قاللي إن الصاعد فيه فرده تالته مجهزه لل 3 فاز.. بس أنا طبعا مركب عداد 2 فاز و فيه مكان في اللوحه الداخليه داخل الشقه لمفتاح عمومي و مركبناهوش لأن الكهربائي قاللي حنجيب مكانه مفتاح الإيرث و يعمل عمل العمومي و الإيرث .. إيه رأيكم في الكلام ده؟
طبعا بالتريتيب كده وعلي فكرة حسب قدرتك المادية
1- لجراند
2- مارلين
3- بتشينو
وعندك بقي حاجات تانية كويسة
مش هقدر افيدك في السعر للأسف
بص احسن حل تنزل لفة ساعتين كده تسأل عليهم وتشوفهم بنفسك
الماركة دي موجوده فعلا وده لينك الموقع ALGAWDA
تحياتي.
ههههههههههههه
يعني ماركة عباس دي طلعت بجد ؟؟؟:hihihi:
نفس الموقف حصللي زمان كنت بادور على خلاط وواحد قاللي اشتري خلاط عبده حنفية
افتكرتو بيشتغلني
وطلع نوع محترم وغالي كمان وله قطع غيار
وفيه مصنع مسامير وحدايد اسمه عادل صامولة ع الزراعي ف القليوبية
....
انا كدة ممكن اصدق ان شركة ABB العالمية المشهورة .. اختصار ABBAS
هههههههههههههههههه
آسف للخروج عن الموضوع بس مش قادر امسك نقسي من التعليق على حكاية عباس دي ... خصوصا اني ساكن في العباسية
ههههههههههههه
آسف مرة أخرى
ياجماعة انا سألت لاقيت المفتاح الارث ليكج 220 فولت له 2 طرف وليس 3 طرف و380 فولت 4 طرف
اللي أعرفه إنه أمبيرات مختلفه .. و الشركه بتديك الأمبير المناسب حسب الأحمال اللي في الشقه .
أنا جبت البتشينو الرصاصي العريض وش وشاسيه ولقمه وعلبه كله بتشينو. بس حمايا جايب ساس ومعاها ضمان مدى الحياه بس لسه مسكنش فى الشقه فمنعرفش ان كانت هتعمر ولا لاء. ممكن حد يفيدك لو مركبها من فتره.
المفاتيح الاتوماتيك شنيدر.
الكابلات السويدي وخد بالك فيه منها مضروب كتير ومبدأيا ال 1.5 مللي الاصليه ب 108 تقريبا لكن لو لقيتها ب 80 مثلا تبقى مضروبه.
المواسير البلاستيك البرتقاني اللي في الحيطه دي اسمها "مصطفى محمود"
لو هتركب لمبات عندك قواعد لمبات بتشينو برضه بتتثبت فى السقف بدون مسمار وداويتها محترمه والواحده ب 8-10 جنيه.
عندك اللمبات الموفره باناسونيك أو فيليبس واللمبه من 23-25 وات هتلاقيها بين 28-30 جنيه. طبعا هتلاقي ماركات مصري وصيني كتير فى حدود ال 10-15 جنيه للمبه لكن دول بيضربو بسرعه ونورهم مش قوي حتى لو نفس الوات بتاع الباناسونيك والفيليبس. عندي اللمبه المصري كنت جايبها للسلم ضربت بعد شهرين ونص وعندي الفيليبس جوه الشقه من 4 سنين ولا الهوا.
لو فيه حاجه تاني فكرني وأنا مشطب قريب ولسه فاكر شويه اسعار من السوق.
بجد شكرا علي اهتمامك وطالما مشطب قريب هاسالك اسئلتي كلها مرة واحدة
يخصوص اللقم والبرايز والكهرباء .. البتشينو الرصاصي العريض وش وشاسيه ولقمه وعلبه كله بتشينو جبتها بكام والكهرباء كده اتكلفت كام .. اقصد من غير مرحلة الاسلاك .. المرحلة التانية اللي فيها اللقم والبرايز .. وبالنسبة لساس حماك جايبها بكام
بتاعت ايه المفاتيح الاتوماتيك شنيدر ؟؟ وبكام زز وبالنسبة لللمبات باناسونيك أو فيليبس و قواعد لمبات بتشينو .. منين في تجار معينة بتثق فيهم ؟؟
نيجي لحاجات تانية بالترتيب كده :-
1- انا كنت عايز اعرف تفاصيل المرحلة الاولي للسباكة .. يعني انا هاعمل حمام ومطبخ .. عايز اعرف اتفق ازاي .. اجيب ايه .. ولا اسيب السباك يجيب .. الحاجات النضيفة اللي سعرها معقول .. وبتتجاب منين .. انا من الجيزة .. مصنعية السباك بتتحدد علي ايه وبتبقي ف حدود كام .. والاساسيات اللي لابد منها .. بياخد وقت اد ايه ويخلص .. ولو هاعمل الخلاطات شجرة مع بانيو وحوض وغسالة اطباق واخري اوتوماتيك .. عشان ابقي فاهم
2- منين اجيب هانز جروهي اصلي مضمون وسعره كويس من القاهرة .. وهل فيه حد معروف سعره احسن من السلاب ومحجوب
3- بالنسبة للبورسلين الاسباني والاماراتي ايه اسعار الفرز الاول والتاني .. تفس الكلام لسيراميك المطابخ والحمامات .. ياريت الاسعار برضه وانهي الافضل كليوباترا ولا الجوهرة
كده تبقي خدمتني وكسبت فيا ثواب .. عشان ابقي فاهم واجهز نفسي
بجد شكرا علي اهتمامك وطالما مشطب قريب هاسالك اسئلتي كلها مرة واحدة
يخصوص اللقم والبرايز والكهرباء .. البتشينو الرصاصي العريض وش وشاسيه ولقمه وعلبه كله بتشينو جبتها بكام والكهرباء كده اتكلفت كام .. اقصد من غير مرحلة الاسلاك .. المرحلة التانية اللي فيها اللقم والبرايز .. وبالنسبة لساس حماك جايبها بكام
بتاعت ايه المفاتيح الاتوماتيك شنيدر ؟؟ وبكام زز وبالنسبة لللمبات باناسونيك أو فيليبس و قواعد لمبات بتشينو .. منين في تجار معينة بتثق فيهم ؟؟
نيجي لحاجات تانية بالترتيب كده :-
1- انا كنت عايز اعرف تفاصيل المرحلة الاولي للسباكة .. يعني انا هاعمل حمام ومطبخ .. عايز اعرف اتفق ازاي .. اجيب ايه .. ولا اسيب السباك يجيب .. الحاجات النضيفة اللي سعرها معقول .. وبتتجاب منين .. انا من الجيزة .. مصنعية السباك بتتحدد علي ايه وبتبقي ف حدود كام .. والاساسيات اللي لابد منها .. بياخد وقت اد ايه ويخلص .. ولو هاعمل الخلاطات شجرة مع بانيو وحوض وغسالة اطباق واخري اوتوماتيك .. عشان ابقي فاهم
2- منين اجيب هانز جروهي اصلي مضمون وسعره كويس من القاهرة .. وهل فيه حد معروف سعره احسن من السلاب ومحجوب
3- بالنسبة للبورسلين الاسباني والاماراتي ايه اسعار الفرز الاول والتاني .. تفس الكلام لسيراميك المطابخ والحمامات .. ياريت الاسعار برضه وانهي الافضل كليوباترا ولا الجوهرة
كده تبقي خدمتني وكسبت فيا ثواب .. عشان ابقي فاهم واجهز نفسي
السلام عليكم ورحمه الله
انا لسه مخلص تشطيب شقتى قبل رمضان وبما انك في الجيزه سوف اعطيك بعض النصائح ارجو ان تتقبلها بصدر رحب.
دع السباك يذهب معك الى الشقه ويكتب لك جميع الطلبات.
بالنسبه للبانيو ايديل استنادر افضل لانه محمل شويه - بالنسبه للاحواض والصينى ديروفيت.
حصل وانا باركب اكتشفت ان فيه صندوق السيفون بيخر بعد ان ركبت اتصلت بشركه ديروفيت ارسلوا واحد جديد وركبوه بنفسهم.
بالنسبه للخلاطات لفيت وشفت جروهى وباقى الانواع ولككنى استقريت واشتريت ايديل استاندر دواخل سيراميك وشغال ذى الفل وكان لدى مشكله في خلاط الدش علشان ضغط المياه ضعيف - ارسلوا فنى عالج هذه المشكله بدون ان ياخذ فلوس
مستلزمات السباكه والصينى والخلاطات افضل وارخص سعر هى شركه القدس في شارع فيصل بس الاول لازم تلف وتلم اسعار وتعمل شيت اكسيل للمقارنه بين الاسعار وبعد ذلك اذهب لهم وسوف تاخذ افضل سعر. ( السباك لازم يكون معك وقت الاستلام )
افضل مواسير بروبلاين الان هى الشريف ودعك من الاسعار العاليه والضحك على الذقون مثل بانجر والشركه الاخرى انا غير متذكر اسمها الان.
تذكر وانت بتاسس السباكه ان تعمل مواسير تصريف لمياه التكييف وتصب في البلاعه مباشره.
بالنسبه للسيراميك انا اشتريت من كيلو باترا التى بعد هيبر وان ( الشركه الام ) ودعك من محجوب والسلاب اسعارهم غاليه واخذت خصم مابين 50% 55% بس برضه لازم تلم اسعار وتبقى عارف الموديل بالضبط.
ولذلك اذهب الى كليوباترا واختار الموديلات التى تعجبك واسعارهم وبعد ذلك لف في السوق لتحصل على اسعار السوق
بعد ذلك ارجع مره ثانيه الى كيلوباترا وتكون مجهز الاسعار والمقارانات وسوف تحصل على اقل سعر وكفايه ان المصدر موثوق به وتعرف تاخد حقك منه وترجع الفائض في خلال اسبوعين.
بالنسبه لاسلاك الكهرباء لابد من مصدر موثوق به لشراء كابلات السويدى ومتوسط الخصم
35% - 40% من السعر الرسمى.
وعندك اخى هيما لانسر ممكن يجبلك بسعر كويس.
بالنسبه للمفاتيح - كل المصانع في الصين - لم يعجبنى باتشينو ولا ساس
انا اشتريت نوعيه اعتقد انها جيدها وهى شركه مشهوره وسوف اصور لك صورها واضع لك اسمها في المساء انشاء الله
وبالتوفيق انشاء الله
السلام عليكم
الذى اقصده هو الذى في امتداد المحور بعد الهايبر وان - الشيخ زايد - 6 اكتوبر
انا اقصد معرض بيع بتع كليوباترا مباشره ويكون مساحته كبيره ومعرض بيه جميع الموديلات من اجل ان اتكون الاكواد الاصليه واسماء نوعيه البلاط.
بخلاف ذلك سوف تجد محجوب والسلاب وباقى المعارض - تضع كود مختلف من اجل ان لاتستخدم الكود بتاعهم في مقارنه الاسعار
مثلا فيه نوع بلاط مطابخ في كليوباتره اسمه بريكفاست - اذا استخدمت هذا الاسم فكل بتوع السيراميك يعرفونه
ولكن في السلاب يستخدمون مثلا كود 2546 وفى محجوب يستخدمون كود 5546
واذا اخذت هذه الاكواد وسالت عليها في اى مكان لن تصل لشى
السلام عليكم ورحمه الله
ماركه المفاتيح FUTINA
Guangdong Futina Electrical Co.,Ltd
ومرفق كام صوره من المفاتيح المركبه في منزلى
http://img19.imageshack.us/img19/6430/img0193njx.jpg
http://imageshack.us/a/img849/9995/img0188o.jpg
http://imageshack.us/a/img849/3959/img0186wz.jpg
دي كويسة فوتينا دي ؟؟ وبكام ومنين ؟؟
السلام عليكم ورحمه الله
اخى العزيز انا شهادتى لها مجروحه
انا في الاول كنت مصمم على باتشينو ولما مسكتها في يدى لم استريح لها
ساس ايضا لم تعجبنى.
لابد ان تنزل وتشاهد القطع بيدك وتحس بيها وتقرر انت عايز ايه لانها مساله راحه نفسيه.
الاسعار سوف تجدها في مستوى واحد ومتوسط السعر للقمه المفتاح والبريزه 6 جنيه تقريبا
منتجات عباس الجوده جيدا جدا ادخل اى محل فى العتبه وخليهم يوروك التكالوج بتاعهم ...